...jæja ég er búin að taka full af "fyrir" myndum af húsinu og á bara eftir að koma þeim á netið. Sum ykkar fáið örugglega hroll þegar þið sjáið umbúnaðinn á mörgu í húsinu mínu en við erum hægt og rólega að laga allt til. Reyndar gengur hægar en hægt núna, erum bara búin að flota hálft húsið en klárum það vonandi á morgun og hinn og þá er hægt að fara að setja parketið á. Fallega fallega hvíttaða askinn minn !! :) Það sem gerir mig hræddasta fyrir utan að peningarnir dugi ekki er garðurinn. Þessar þúfur og sinan sem er allsstaðar lætur mig bara leggjast upp í rúm og breiða upp fyrir haus í orðsins fyllstu merkingu. En ef Dawid flotar á morgun ætti ég að geta ráðist á sláttuvélina og pínt hana í gegnum eitthvað af þessari sinu. Ætlaði að vera rosalega klár og fá bæinn til að gera fyrsta sláttinn en þá gera þeir ekki svoleiðis lengur. Ég meina það!!! Ekki eins og ég hafi verið að fara fram á að fá þetta ókeypis! Æ jæja þeir hljóta að hafa sínar ástæður og ég verð bara rosalega mjó og stælt eftir barninginn við grasið! Er alltaf að reyna að vera í Pollýönnuleik og það gengur bara mjög vel. Lífið mitt er miklu betra og skemmtilegra eftir að ég fór að reyna að hugsa svona - mæli með því.
Annars erum við að pæla í málningu þessa dagana og ég held að við séum komin að samkomulagi og þá eru það ljósin. Gvuð hvað það er mikið sem þarf að hugsa um en það er voðalega gaman. Mæli með þessu... :D

...jæja þá á ég húsið eða við auðvitað :) Gengum frá öllu á mánudaginn og byrjum vonandi að gera eitthvað um helgina. Eða Dawid byrjar vonandi því ég verð sennilega að vinna alla helgina á Skaftfelli vegna blakmótsins. Þarf reyndar að skoppa yfir og taka nokkrar before myndir áður en við hefjumst handa svona til að hræða fólk aðeins. Fór yfir á mánudagskvöldið að skoða aftur eftir að ég var formlega orðin eigandi og þá fannst mér þetta ekkert vera mikið mál, eins og við ættum bara eftir að vippa þessu fram úr annari erminni! :) Þetta er mjög spennandi og gaman og ég skoða allar auglýsingar vel og vandlega ef þar skildi leynast eitthvað sem okkur vantaði á góðu verði. Hef líka gerst sérlegur aðdáandi heimasíðna fyrirtækja eins og Byko, húsasmiðjunnar, Ikea og Rúmfatalagersins og skoða þær örugglega á hverjum degi. Svo nú er bara að fara að rífa, pússa, sparsla, mála og leggja gólefni, hengja upp og þrífa og svo bara flytja inn...vonandi í júní.

Og Madda og Móa og allir vinir sem vilja leggja leið sína í fjörðinn fagra er velkomið að tala við okkur um gistingu...ég er nú með 4 svefnherbergi...

...þá er leyndóið komið í ljós og það er jákvætt!!! Ég á HÚS!!! Gerði tilboð í Fjarðarbakka 6 og fékk hann eftir smá vesen, einhver lúði ákvað að bjóða í það um leið og ég! :@ En þetta hús er ætlað mér og engum öðrum. Átti að fara að skrifa undir í dag en veðrið er auðvitað alveg brjálað hérna og svo var fasteignasalinn líka veðurteptur einhverstaðar. En vona að ég skrifi undir í vikunni og geti svo bara fljótlega farið að flota gólf og parketleggja og skipta um eldhúsinnréttingu, gera gat í vegg og færa kannski eina hurð. Ji spennandi finnst ykkur ekki? Ég er búin að vera í þessum hugleiðingum síðan fyrir jól og svo þegar ég skoðaði þetta hús bara vissi ég að okkur ætti eftir að líða svo vel þarna. Akkúrat stærðin sem ég vill, 104 m2, ekki of lítið, ekki of stórt. Þarf ekki að þrífa alla daga allan daginn en hef samt pláss fyrir einn eða tvo krakka ef þeim er ætlað að koma til okkar. :)

Nú er bara að segja upp leigunni, skrifa nafnið mitt á mörg blöð og sækja um lánið og þá get ég byrjað að láta drauminn verða að veruleika...

...nú fer þetta spennandi alveg að koma í ljós! Kannski seinnipartinn í dag en örugglega ekki fyrr en eftir helgi. Kom reyndar svolítið babb í bátinn en við höldum áfram að vera bjartsýn og látum okkur dreyma.

Annars allt fínt að frétta af heilsugæslunni, mismunandi mikið að gera en ég sit hérna og lít vel út fyrir stofnunina frá 13 - 16 alla virka daga, brosi mínu blíðasta og nota símaröddina! :) Er alltaf að reyna að innleiða "fína föstudaga" og mæti alltaf í fínum fötum á föstudögum en gengur eitthvað illa að fá samstarfsfólkið með mér í lið. Sagði Reyni að hann ætti að vera með bindi við axlaböndin á föstudögum en honum leist ekkert á það. Óli var reyndar eitthvað spenntur en hefur samt ekki sannað sig sem trúarlegur fylgjandi "fínna föstudaga". Svo en sem komið er er ég ein í liði. Dress dagsins er grænn kjóll með svörtum doppum og síð stuttermapeysa við. Dawid var mjög sáttur við dressið en fannst ég kannski heldur fín en málið er að ég vill vera fín! :)

Í gær var smá kaffi hjá Beötu og Piotr því Inga varð 3ja ára. Svo stutt síðan við Dawid vorum nýbyrjuð að deita og ég kom feimin í 2ja ára afmælið hennar. Fyrsta skiptið sem við vorum opinberlega saman og ekki á Lárunni. Beata hafði að sjálfsögðu hrist 2 kökur fram úr erminni og þær voru alveg hrikalega góðar. Önnur var ekta pólsk og kom skemmtilega á óvart og ég held að ég hafi borðað svona helminginn af henni *roðn* en hún var bara ánægð að mér fyndist þetta svona gott. Þetta var vatnsdeig, búðingur og sulta og hver hefði getað trúað að þetta væri svona gott *slurp slurp* verð að læra að búa svona til.

Annars er alltaf sama planið um helgar núorðið, er orðin svo stabíl í ellinni. Planið er Bónus um helgina. Hver man ekki eftir þessum gömlu góðu þegar planið voru partý og leikir og skemmtun? En eins furðulega og það kannski hljómar er ég alveg sátt við þessi skipti, hef mikla þörf fyrir ró og næði þessa dagana og vill hafa allt í röð og reglu í kringum mig og í lífinu mínu og huganum. Er samt ekki dauð úr öllum æðum ennþá, fæ alltaf reglulega fiðring í magann og tærnar og verð að skella mér út á lífið... :D

...nú eru spennandi tímar framundan hjá parinu á Fjarðarbakka 10 - kjallara en ég vill ekki ljóstra upp um hvað er að gerast alveg strax. Ætla að vera viss um að eitthvað gerist í alvörunni en ekki bara í mínum ofvirka huga sem starfar svo hratt þessa dagana að hann er á yfirsnúning. En spennandi er það - ó sei sei já!

Síðustu helgi fór Dawid á snjóbretti í 4 klukkutíma og svo til Egilsstaða að borða. Vegna þess að hann var held ég með smá samviskubit yfir að borða á Egils án mín og vegna þess að hann vill ekki að elskan sín svelti bauð hann mér í pizzu á Skaftfell. Svolítið skrítið að vera að borða ein og hann bara með tvöfaldan espresso með mjólk en ég verð að segja að það vandist bara vel. Ég pantaði ostaveislu og Nikolas fór alveg fram úr sjálfum sér því hún var alveg hrikalega góð *slurp*. Svo áttum við notalega stund yfir Gossip Girl. Ekki segja neinum en Dawid er orðinn alveg húkt á Gossip Girl og ég þarf að berjast við hann á nóttunni til að koma honum í rúmið. "Bara einn þátt enn" er algeng settning en Sirrý lætur sig ekki og slekkur á draslinu. Þetta byrjaði með að ég var að horfa á fyrsta þáttinn og Dawid var í tölvunni. Svo fór hann að spurja mig "hver er þetta?" "hvað er hann að gera?" "Er þetta mamma hans eða kærasta pabbans?" og ég var að verða leið á að svara þessu svo ég sagði honum bara að horfa ef honum þætti þetta áhugavert. En nei það var of stelpulegt! 10 mínútum seinna var búið að loka tölvunni og koma sér vel fyrir í sófanum! :)

Þessi helgi verður örugglega góð. Það er hálft band að spila á Lárunni í kvöld og þar sem ég hef verið stillt síðan á Þorrablótinu held ég að það sé kominn tími til að fara út og skvetta úr klaufunum. Svo ætla ég að bjóða foreldrum mínum í matinn sem er búinn að vera á prjónunum í örugglega mánuð en alltaf kom eitthvað uppá, veikindi og vinna og allskonar.

Semsagt spennandi tímar framundan og góð helgi í augnsýn...

...ég gerði ekkert um helgina, ekkert punktur. Ég fór ekki í bollur til mömmu, ekki í pizzu til Beatu og Piotrs, fór ekki á Láruna, hitti Guðlaugu og Örnu ekki og keypti mér ekki nammi. Slök helgi? Nei þetta var bara ágætis helgi. Á föstudaginn fór ég reyndar í súpuklúbb til Ingu og Mæju og skemmti mér mjög vel. Lofaði að mæta, var svo ekki að nenna en Dawid skammaði mig fyrir að segja alltaf ætla að gera eitthvað en skipta svo um skoðun svo ég skellti mér og sé ekki eftir því. Súpan var svo góð að ég ætla að fá uppskriftina, í eftirrétt var alvöru súkkulaðifrauð og í eftir-eftirrétt voru ostar og vínber og sulta og spjallið og hláturinn sem fylgdi þessu öllu saman var alveg endurnærandi. Kom amk mjög glöð og ánægð heim um ellefuleytið.

Í dag er svo bolludagur og ég stefni hraðbyri að því að verða kosin ungfrú Bolla hjá HSA 2009! :D Er búin með 3 og eina fiskibollu og er á leiðinni í þessum skrifuðu orðum niður að ná í fleiri bollur. Lárus segir að ef ég haldi svona áfram í sætabrauðinu (er búin að vera dugleg undanfarið að fara niður og ná mér í bita *uss ekki segja frá*) verði ég orðin eins og kjötbolla eftir 5 ár. Ég er ekki alveg sammála því ég hef misst um 5 kg síðan ég byrjaði að vinna hérna en við sjáum hvernig þetta fer. Einhver veðmál...

...þá eru dagarnir í borginni að baki. Við hjónaleysin eru stálslegin, ekkert alvarlegt sem læknarnir gátu sett útá...sem betur fer. Höfðum það alveg hrikalega notalegt í borginni, út að borða öll kvöld og í hádeginu, kebab, KFC, grillhúsið, Eldsmiðjan, Madonna...*slurp*!!! Skelltum okkur líka í bíó á Slumdog Millionare (Viltu vinna milljarð) sem var smá misheppnað hjá okkur því við vissum ekki að hluti myndarinnar var á indversku en ég reyndi að þýða það mikilvægasta. Svo var keila (ég vann leik í fyrsta skiptið!!!) og verslað smá, kaffihús og kósý kvöld með einn bjór í hönd og gott spjall. Margt sem okkur langaði að gera en sumt af því er skemmtilegra að gera þegar fer að hlýna eins og að fara að Gullfossi og Geysi og í Bláa lónið (það er náttúrulega heitt svo það skiptir kannski ekki máli hvernig veðrið er). Er að plana að koma aftur í borgina í sumar og vera þá amk heila viku með íbúð og túristast þá svolítið og fara td á söfn og svoleiðis. Held að það væri bara gaman fyrst það verður sennilega ekkert farið til útlanda nema flugfélögin komi með einhver ofurtilboð sem er ekki hægt að sleppa. Mér finnst svo gaman að fara í svona smá ferðir með Dawid og vona að við getum skellt okkur í einhvern smá skreppitúr fljótlega aftur.

Annars er lífið bara eins og venjulega, gott og skemmtilegt og leikur við mig...

...þá er afmælið hennar Röggu liðið og Þorrablótið líka. Fór svo ekkert í afmælið hennar Röggu en skrapp til hennar daginn eftir með gjöfina og fékk kaffi og með því og notalegt spjall. SVo var Þorrablótið síðustu helgi og það var vægast sagt alveg frábært. Maturinn klikkar ekki, skemmtiatriðin voru mjög góð og félagskapurinn sem ég var í var meiriháttar. Svo var dansað og drukkið fram á rauða nótt. Við Dawid tókum nokkrar mjög fagmannlegar sveiflur og svo dansaði ég fullt við pabba gamla, alltaf jafn gaman að því, milli þess sem ég sat við borðið okkar og átti mjög merkilegar samræður! ;)

Um þessa helgi er ekkert útstáelsi planað, en ætla að elda einhver góðan mat og kannski baka eina franska súkkulaðiköku handa Dawid því hann átti afmæli sama dag og Þorrablótið var. Verð að vera smá góð við hann. Gaf honum þráðlausan stýripinna fyrir tölvuna sem hann er mjög ánægður með. Veit ekki hvort þetta var góð hugmynd því núna er hann alltaf að spila Fifa!!

Helgina 6.-9.feb verðum við hjúin svo í borginni. Þurfum aðeins að læknast og svo bara að hafa það gott. Ætli við reynum ekki að hitta nokkra útvalda og fara eitthvað út að borða og svona fínerí, kannski bíó en svo má ekki gleyma að aðalatriðið er bara að hafa það gott og eiga notalegar stundir saman...

...ég er eitthvað andlaus í dag, finnst ég þreytt og slitin og ósofin. Gæti hugsanlega verið vegna þess að við Dawid sátum og spjölluðum og dreyptum á viskíi og líkjör langt fram á nótt. Enda planið hjá okkur báðum að leggja okkur þegar við komum heim.

Dawid setti loksins saman crosstrainerinn sem ég keypti mér, eða við settum hann saman því ég hjálpaði! :) Svo núna hef ég enga afsökun fyrir að hreyfa mig ekki. Hef ekki farið í yoga síðan fyrir jól en það er von á betrun því í næstu viku fer ég sama hvað tautar og raular, það gengur bara ekki lengur að letipussast yfir einhverju sem mér finnst í alvörunni skemmtilegt!!

Svo pantaði ég mér stofugardínur, eldhúsljós, lesljós og skógrind í síðustu viku og þetta er komið svo nú þarf Dawid að taka upp borinn og koma þessu á sinn stað. Þarf að stytta gardínurnar og ég ætla að blikka Lillu frænku til að gera það fyrir mig eftir helgina.

Svo er bara afmælið hennar Röggu um helgina, það verður þvílíkt fínerí þar og örugglega alveg rosalega gaman, við mætum amk hress og kát og stingum seðli í baukinn hennar. Hún er að safna sér fyrir nýju og flottu rúmi stelpan. Mér finnst þetta rosalega sniðugt að vera bara með bauk til að safna fyrir einhverju sérstöku því þá þarf ég ekki að hafa áhyggjur af að finna eitthvað!!! ;)

Svo er konukvöld hjá versluninni Prýði á mánudaginn og við Gulla og örugglega mömmur okkar ætlum að kíkja við. Svo er bara Þorrablót, ein fríhelgi og svo skellum við okkur til Reykjavíkur. Dawid þarf að fara í myndatöku á kjálkanum og við verðum heila helgi að dúlla okkur, erum með íbúð og ætlum kannski að leigja bíl.

Það er bara allt að gerast hérna...

...jæja er ekki kominn tími á smá ferð niður stíg endurminninganna? Smá upprifjun á árinu 2008:

Janúar: Var á Seyðisfirði 2 vikur eftir jól, hitti Dawid í fyrsta skipti 12.janúar. Fer suður og nokkrum dögum síðar eða rétt fyrir Þorrablót er mín mætt í fjörðinn aftur og hefur ekki hugmynd um hvað hún vill stoppa lengi. Þarf varla að taka það fram að Þorrablótið var frábært!

Febrúar: Skrepp til Rvk til að hitta Gunnar, tala við hann á alvarlegu nótunum og við hættum saman. Amma Sigga fær heilablóðfall meðan ég er í Rvk og ég dríf mig aftur austur. Hún fer frá okkur 4 dögum seinna. Þessi mánuður var erfiður, dauði og sambandsslit en góður líka því allt var spennandi í sambandi við kynni mín af Dawid.

Mars: Yoga og leikfélagsæfingar hertóku marsmánuð. Strembið að vera í leikfélagi en það gefur svo mikið á móti. Hefði ekki treyst mér í þetta ári áður.

Apríl: Ennþá meiri leikfélagsæfingar en líka smá páskaferð til Akureyrar sem Dawid bauð mér í. Þar höfðum við það óskaplega notalegt þó hann hafi búist við að bærinn væri svolítið stærri! Það voru líka endalausar heimatilbúnarpizzur með stelpunum og spilakvöld þar sem Undir sólinn stóð upp sem vinningshafi yfir skemmtilegasta spilið. Dawid byrjaði líka að leigja íbúð og ég svona hálfpartinn flutti inn til hans.

Maí: Útskrift stelpnanna með partýi og góðum mat og júróvísjóngleði. Sumarbústaðarferð og rauður varalitur og ekki má gleyma frumsýningunni á leikritinu góða sem heppnaðist framar öllum vonum...við urðum öll fræg á einni nóttu!

Júní: Fór til Rvk og týndi saman afganginn af dótinu mínu og var þá alflutt austur. Var líka dugleg að vera úti í sólinni, með sólarvörn að sjálfsögðu, til að ná í lit fyrir sumarfríið.

Júlí: Í júlí stóð að sjálfsögðu uppúr mæðgna-systraferðin til Danmerkur. Það var yndislegt að sjá hvað Sigga frænka skemmti sér vel í fyrstu utanlandsferðinni sinni sem tók heila viku. Við Dawid fórum líka í skreppitúr til Borgarfjarðar og hittum einmitt Þóru frænku þar með fjölskylduna, hún sem býr á Sauðárkróki! Spennan magnast því við förum til Grikklands í ágúst.

Ágúst: Róleg verlsunarmannahelgi í firðinum því 5.ágúst lögðum við í hann í 3ja vikna reisu til Grikklands að hitta fjölskylduna hans Dawids. Það var rosalega gaman þar en líka erfitt að vera alveg mállaus. Það var líka mjög heitt og einn dag fór í 50°c. Skoðaði að sjálfsögðu margt og mikið en samt ekki nóg og keypti mér nýja myndavél og tók fullt af myndum. Sáum Akropolis og fleiri fornmynjar, fórum í búðir, borðuðum úti oft og mörgum sinnum, fórum út í eyju og bara höfðum það notalegt suma dagana.

September: Þetta er tímamótamánuður því ég byrja að vinna eftir langt hlé. 50% starf sem móttökuritari á heilsugæslunni er alveg málið. Ég flutti líka formlega inn til Dawids og keypti húsgögn í Ikea til að gera heimilislegra og losa okkur við eitthvað af dótinu hans Dýra.

Október: Mikið að gera í vinnunni því Birna skrapp til útlanda og ég var allan daginn, alltaf að komast betur og betur inn í allt og er bara mjög hamingjusöm og ánægð með lífið og tilveruna. Sunnudagarnir einkennast af Bónusferðum og pizzu í Söluskálanum ásamt smá kúreríi.

Nóvember: Dawid kjálkabrotnar og við förum akut-suður með hann í aðgerð. Náum að kaupa smá jólagjafir og fara í Ikea. Þannig að í heildina var þetta rólegur mánuður þar sem ég var að hjúkra manninum mínum og borða súpur. Skellti mér samt á eitt ball sem var mjög skemmtilegt.

Desember: Endalausar ferðir til Egils til að kaupa jólagjafir. Hef ekki þurft að kaupa gjafir fyrir austan í 10 ár svo þetta var skrítið en heppnaðist vel. Jólaskreytingar hertóku huga minn um skeið og svo hafði ég það bara ósköp notalegt með kaffidrykkju með Gullu og stelpunum á daginn og rólegheitum með Dawid á kvöldin. Mamma bauð okkur líka á jólahlaðborð í Skaftfelli og svo voru jólin sjálf auðvitað alveg frábær með góðum mat, góðu fólki og góðum gjöfum. Áramótin voru ekkert síðri.

Nýja árið byrjaði ágætlega fyrir utan smá rifrildi við Marcin en það jafnar sig á endanum. Við erum komin með nýja leigusala og það byrjar bara vel...vona ég amk! Ég er ennþá á fullu að gera íbúðina notalega og hreiðurgerðin er ekkert að trappast niður. Er ennþá ánægð í vinnunni og sátt við lífið og tilveruna og lífið er bara mjög gott...

...jólin voru vægast sagt yndileg, með góðum mat, góðu fólki og góðum gjöfum. Dawid borðaði hjá systur sinni og kom svo kl 20 og þá opnuðum við gjafirnar með gamla settinu. Þau voru alveg standandi hissa á hversu margir pakkar voru undir tréinu og ennþá meira hissa þegar þau komust að því að þau áttu helling af þeim. Við nefnilega pökkuðum þeirra gjöfum í marga pakka! :P Held að allir hafi verið sælir og sáttir við sitt. En hann pabbi *púfff* ég gaf honum meðal annars Laddi 6-tugur, hann opnaði pakkann og sagði svo "en Sigríður mín, ég keypti mér þennan disk í gær." Í GÆR!!! MAður kaupir sér bara ekki það sem mann langar í daginn fyrir jól, maður bíður amk þangað til milli jóla og nýárs eða þangað til það eru útsölur en kaupir sér ekki á Þorláksmessu. Það er bara BANNAÐ!!! En annars náði hann að losa sig við annan diskinn í jólaboðinu, Gunnsa langaði nenfilega í hann og keypti hann af pabba. Svo jólagjafirnar frá mér eru farnar að ganga kaupum og sölum! ;)

En ég fékk bara góðar gjafir. Hjartahálsmen með demöntum frá elskunni, bók og Georg Jensen skraut frá pabba og loforð um sódastream-vél á nýju ári. Fleira Georg Jensen skraut frá mömmu, kertakrónuna sem mig langaði í og hreindýrshorn fínpússað sem er ætlað til að hengja á skartgripi en mér finnst það svo fallegt að ég er að hugsa um að láta það standa í stofunni. Frá Auði og Gullu fékk ég myndina af okkur vinkonunum sem var tekin á ballinu í nóvember, frá Örnu fékk ég klút um hálsinn og bók og frá Beatu, Piotr og krökkunum fékk ég veski. Held að þetta sé upptalið! :) Nei nei nei frá Klemensi fékk ég lampa, frá Gunnari magic 8-ball og frá Herdísi sápu. Nú er þetta komið og enginn gleymdist.

Á annan í jólum sátum við Dawid með mömmu, pabba og Óla frænda alveg heillengi og svo fór Óli og Gulla kom í staðinn. Við skelltum okkur svo á Láruna í 2 bjóra og svo heim á leið þar sem ég fann Dawid sofandi í sófanum. Á 3-ja í jólum fórum við á Diskó og það var geðveikt gaman en sumir urðu reiðir þegar heim var komið og hentu fólki út og létu öllum illum látum, tja eða ekki svo illum, varð samt pirruð á væli í vissum mönnum sem ég þekki og nennti ekki að hlusta á þetta og bara rak hann heim til sín. Eldaði svo ljúffengt pasta handa okkur og Klemensi og Kötu með fullt af hvítlauk og gúmmelaði. Bragaðist jafnvel daginn eftir, Dawid ætlaði ekki að þora að smakka það aftur því ástandið var svona og svona þegar það var eldað en ég vissi að ég væri góður kokkur og skellti mér á þetta! :)

Svo eru það bara áramótin eftir 2 daga. Veit ekki hvað ég ætla að gera þá, amk hafa það alveg rosalega gott hjá mömmu og pabba og fá mér böbblí kl 12 en eftir það kemur bara í ljós...

...ég keypti jólakort í ár en hef ekki ennþá komist svo langt að skrifa á þau. Þau bíða bara í kassanum sínum eftir næstu jólum því ég held ég nenni ekki að standa í þessu í ár fyrst ég er orðin svona sein. Ekki það að mér finnist þetta eitthvað leiðinlegt bara margt annað sem þurfti frekar að gera eins og að þrífa eldhúsinnréttinguna, strauja gardínur og þurrka af hurðum. Já ég fékk eitthvað kast í gær, með Guðlaugu mér við hlið, tusku í hægri hönd og Þjark í vinstri og svo var bara skrúbbað og það tók enga stund og ég er svo hamingjusöm núna! :) Jólin meiga alveg fara að koma, á bara eftir að þrífa yfir litla baðherbergið mitt og skúra gólfin og þá meiga jólin koma til mín *falllala*

En aftur að jólakortunum, ég sendi bara jólakveðjurnar mínar hérna eða á facebook ef ég verð í stuði og þeir sem búa í fallega jólabænum mínum fá kannski koss á kinn ef ég rekst á þá/þær! :)

Segji þá bara:

Gleðileg jól elskurnar mínar nær og fjær. Vona að þið eigið öll yndisleg jól í faðmi vina og fjölskyldu. Ekki borða yfir ykkur af kræsingum...svo áramótadressið verði ekki of þröngt í ár...sjáumst örugglega á milli jóla og nýars hérna í netheimum...

...maturinn á Skaftfelli var æðislegur, Nikolas kann þetta sko alveg og við fórum heim mett og sæl og sæt auðvitað líka. Ég fékk reynar alveg herfilegan hausverk rétt áður en við fórum heim svo ég fór bara í bólið þegar heim var komið í staðinn fyrir að fara með stelpunum að spila. Skruppum svo til Egilsstaða í gær til aðleggja lokahönd á jólagjafakaupin. Dawid var mjög snöggur að kaupa gjöfina mína...nú er bara að bíða og sjá hvað það er! Fékk annað hausverkjakast á leiðinni heim frá Egils og varð aðleggja mig þegar ég kom heim. Ekki gaman enda fylgdi þessu pirringur og ég gerðist frænka Hurðaskellis í smá stund, en mjög stutta stund. En gleðin var sú að Dawid málaði hilluna, loksins, loksins er hún orðin hvítleit og fín eftir langa bið og mikið tuð.

Er bara í vinnunni núna að drepast úr þreytu því ég hvíldist of mikið um helgina, allt er gott í hófi er víst sagt...

...þá er konan búin að koma upp öllu jólaskrautinu og ég verð að segja að tréið er ákaflega vel heppnað í ár! :) Skellti mér í þetta í fyrradag og var enga stund að þessu. Þá á ég bara eftir að klára síðustu jólagjöfina og skrifa kortin, kaupi mér kannski malt og appelsín og hendist í kortin í dag eða á morgun. Jafnast ekkert á við jólatónlist og jólablöndu til að komast í gírinn.

Um helgina spiluð við Gulla og Arna Trivial meðan Dawid og Matti höfðu hátt í Fifa '09. Mér gekk vægast sagt mjög illa, tókst að misskilja mjög létta spurningu og svara vitlaust þegar það var 50/50. En þetta var bara spil og mér gengur bara betur næst! :) Er bara heppin í ástum í staðinn og það er miklu betra en sú skammvinna ánægja að vinna einhver leik. Skruppum svo á Láruna og ég fékk mér 1 bjór. Þar var allt að fyllast af fólki sem hafði verið á jólahlaðborðum út um allan bæ og átti greinilega eftir að verða mikið stuð en við komum okkur bara heim eftir þennan bjór. Við Dawid drukkum reyndar saman 1/2 hvítvínsflösku og spjölluðum fram á morgun með rómantíska tónlist á fóninum. Elska svona stundir, þær gefa mér svo mikið! :)

Við erum ákaflega sein í að senda gjafirnar sem eiga að fara til Grikklands. Dawid er ekki einu sinni búinn að kaupa allt!! Ég er alltaf að reyna að reka á eftir honum en hann situr sem fastast. Foreldrar hans fá greinilega bara nýársgjafir í ár. Hann var eitthvað að reyna að afsaka sig með því að mamma hans vildi ekki gjöf en auðvitað segir hún það og verður svo ánægðust af öllum þegar hún opnar gjöfina frá litla uppáhaldsörverpinu sínu. Mömmu eru allar eins þegar kemur að svona málum, alltaf tilbúnar að fórna sér svo aumingja börnin þurfi ekki að eyða peningunum sínum í þær en börnin vilja bara gefa þeim eitthvað og sjá ekkert eftir krónunum.

Á laugardaginn erum við og mamma að fara á jólahlaðborð í Skaftfelli. Pabbi kemst ekki með því Gullver kemur svo seint inn í ár. Verður skrítið að hafa hann ekki með en við reynum að skemmta okkur samt. Ég er viss um að Nikolas töfrar fram gómsætan dansinsperaðan mat handa okkur og við stöndum örugglega alveg á öndinni þegar við komum okkur loksins heim...

...nei nei ekkert hætt að vinna, er svo glöð og ánægð með vinnuna mína að ég sit bara á sæluskýji flesta daga! :) Ligg og les í frítímanum og um helgar. Sleppti meira að segja að fara á útstáelsi um helgina til að hafa það kósí með bók og sæng. Er eitthvað svo heimakær þessa dagana og mér finnst það mjög gott, hef verið mikill djammari frá því ég man eftir mér svo þetta er skemmtileg tilbreyting sem ég þurfti ekki að neyða á mig, kom bara að sjálfu sér. Kannski samt slæmt að vera svo heimakær að maður getur ekki kíkt út part af kvöldi þegar eitthvað er um að vera!! Vona að ég finni hinn gullna meðalveg fljótlega því allt er gott í hófi, bæði útstálesi og heimakærleikur.

Jújú það var planið að skreppa norður eina helgi fyrir jól en sé ekki að það verði neitt úr því vegna kjálkabrotsins hjá manninum. Það kostaði slatta og svo vill hann helst ekki vera að taka meira frí, var rúmar 2 vikur frá vinnu út af þessu. Langar samt en svona er þetta, fékk amk að kíkja í borgina í 3 daga í staðinn. Verð bara að kíkja á frænkur mínar með vorinu. Plana kannski bara páskaferð í staðinn, hljómar það ekki vel?

En að jólakskrautinu. Er búin að koma smá upp, í rafmagnsleysinu um daginn setti ég jólalög af stað í tölvunni, kerti út um allt og fór að setja upp skraut sem amma Sigga átti. Þetta var voðalega yndæl og góð stund sem við amma áttum saman þarna bara tvær. Er alltaf á leiðinni að ná í síðasta kassann í bílskúrinn til Óla en hann er búinn að vera á næturvöktum og ég vil ekki trufla hann þegar hann er að leggja sig. Svo fengum við gefins hillu frá Ágústu og Gunnari Árna eða eiginlega Agnesi og ég er búin að kaupa panellakk sem við ætlum að skella á hana og svo bara inn í stofu og fylla af dvd's. Hillan kom akkúrat á réttum tíma því Dýri og Ríkey eru að tæma svo við þurftum að skila lítilli hyrslu sem við vorum með í láni hjá þeim. En þau eru svo frábær að leyfa okkur að hafa kistu sem við geymum sængur í og 2 eldhússtóla fram á vorið. Gott að þurfa ekki að kaupa allt á sama tíma! :)

Sem sagt allt í gúddí hérna eins og venjulega og lífið bara gott og leikur við mig, ég er svo hamingjusöm, glöð og ánægð með hvar ég er stödd í dag...

...ég er svo framkvæmdadauf þessa dagana. Ég veit að ég er alltaf að segja frá leti og þreytu en núna er ég eiginlega hvorugt en kem samt engu í verk. Finnst bara svo gott að kúra mig með bók að ég kem engu öðru í framkvæmd. Horfi ekki á sjónvarp eða hlusta á útvarp en ligg og les og les og les og tæti í mig hverja bókina á fætur annari og því blóðugri sem þær eru því hamingjusamari er ég! Kláraði einmitt Napoleonsskjólin eftir Arnald í gær og var bara sátt við hana, alltaf eitthvað að gerast. Var reyndar svolítinn tíma að komast inn í hana, eftir 50 bls var ég við það að gefast upp en ég hélt í vonina og það lifnaði yfir henni fljótlega.

Svo var ég eitthvað að tala um það um daginn að fara að jólaskreyta. Það heppnaðist ekki betur en svo að ég gleymdi kassanum með aðalskrautinu í bílskúrnum svo ég er bara búin að setja upp aðventustjakann, aðventuljós og eitt veggskraut, ekki mikið það en þetta kemur allt með kalda vatninu. Pabbi kemur í land á morgun og þá get ég farið og fundið síðasta kassann og byrjað að dúllast við þetta. Að skreyta er skemmtilegi parturinn en að þrífa púfffff...mér fallast hendur við tilhugsunina að skrúbba elhúsinnréttiningu og hurðarnar og þvo gardínur og ég veit ekki hvað og hvað. Ekki það að ég sé svo brjáluð að halda að þetta tilheyri endilega jólunum en þar sem ég er búin að fresta þessu síðan 1. september ákvað ég að þetta yrði að gerast svo ég gæti haldið heilög jól. Kannski það verði bara engin jól í ár...

...tja hitt og þetta búið að gerast síðan síðasta færsla var rituð. Td fara með manninn minn til Reykjavíkur í aðgerð á kjálkanum. Hann fór í röntgen á mánudegi og á þriðjudagsmorgni vorum við í flugvél á leiðinni suður. Eftir kl 16 fór hann í aðgerðina og sólarhring síðar fékk hann að fara heim með sterk verkjalyf og sýklalyf í farteskinu. Á meðan hann var í aðgerðinni dró Klemens mig í jóla-Ikea og það var voðalega gott því þá var ég ekki að hugsa um Dawid á skurðarborðinu. Daginn eftir sat ég allan daginn hjá Dawid og stytti honum stundir en daginn eftir leið honum sæmilega svo við fórum og keyptum nokkrar jólagjafir og smotterí handa sjálfum okkur. Hann er voðalega bólginn ennþá þó það jafnist ekkert á við það hvernig hann leit út fyrst eftir aðgerðina. Eitt gott við þetta samt, amk fyrir mig, ég er búin að missa 3 kg síðan dawid kjálkabrotnaði því ég vill ekki vera að borða neitt sem hann gæti langað í og eina sem hann getur borðað eru skyr- og jógúrtdrykkir og fiskur og súpur svo það er mjög létt fæði á heimilinu. Versta er að hann sjálfur er að missa allt of mörg kíló og hann má alls ekki við því. Ég reyni að kaupa allt sem mér dettur í hug sem er mjúkt og gott og treð í hann en kílóin fjúka samt af honum!

En að örðu, nú ætla ég að fara að jólaskreyta. Ætla í bílskúrinn til Óla á eftir og finna skraut og fara að tína það smá saman upp. Dawid segist ekki vera neinn jólakarl og ég tilkynnti honum bara að ef honum líkaði ekki að búa í jólalandi þá gæti hann bara flutt út yfir jólin!! ;) Engin miskunn hérna! Mig langar í seríu í kringum útidyrahurðina því við höfum ekkert útiljós og maður sér ekki handa sinna skil á kvöldin en sé til hvað það kostar. Tékka á því næst þegar ég fer til Egilsstaða. Sá áðan að pabbi hafði verið duglegur í morgun og sett upp útiseríuna hjá þeim og mamma hafði hengt upp stjörnur í stofugluggana og ég varð svo hamingjusöm. Kannski þessi drungi og svefn sem er búinn að vera yfir mér undanfarið láti í minnipokann fyrir jólaljósum og skreytinum. :) Ég vona það amk...

...ég er búin að vera löt síðan í síðustu færslu. Nenni bara ekki nokkrum sköpuðum hlut, bara alls engu, nada!! Píni mig til að halda íbúðinni sæmilegri, það er allt og sumt, og tekst það varla. Þegar ég dragnast fram úr bælinu á morgnanna hugsa ég um það hvað sé langt þangað til ég get laggst í það aftur. En frá og með mánudeginum tek ég mér tak og sparka í mig, hvort sem ég verð liggjandi eða standandi og dreg mig í yoga. Hef bara gott af því eftir allt of langa leti.

Síðasta helgi var...surprise...letihelgi. Dawid skellti sér í heimsókn á föstudagskvöldið og ég svaf. Á laugardaginn svaf ég og um kvöldið þegar Dawid fór til strákanna og fékk sér í glas svaf ég eins og steinn. Var samt vöknuð þegar hann kom heim eftir allan hasarinn á Lárunni en það er önnur saga. Langar alveg að skrifa um það hérna en veit ekki hvort það er viðeigandi. Forvitnir geta bara haft samband.

Þessa viku hef ég eins og áður sagt legið í leti þegar ég er ekki að vinna. Skellti mér samt 2x í Egilsstaði, 1x með stelpunum og 1x með Dawid til að fara í Bónus. Við stelpurnar ætlum kannski að fara aftur á morgun til að slæpast eitthvað en ég er samt ekki alveg viss. Langar svo a kaupa mér eitthvað en þegar ég var að skoða á mánudaginn sá ég margt flott en það var eins og ég gæti ekki ákveðið akkúrat áþeim tímapunkti hvort flíkin væri við mitt hæfi eða ekki svo ég mátaði ekki neitt. Kannski verður stuðið betra á morgun. Keypti mér samt skyrtu í gær í Prýði hérna á Seyðisfirði. Var alltaf að skoða þessar skyrtur en sá bara of stórar. Sagði svo eitthvað um þetta þegar ég var þar í gær og Eygló bara stökk á bakvið og náði í eina sem smellpassaði þannig að núna er ég stolltur skyrtueigandi! :)

Svo er meiningin að fara í bíó í kvöld. Það eru myrkir dagar á austurlandi svo það er afturganga kl 20 (öll ljós slökkt og skrúðganga í myrkri með vasaljós) og svo spennutryllir í bíóinu. Á morgun ætlum við stelpurnar að láta strákana eiga sig og fara út að borða á Skaftfelli og gera okkur glaðan dag með mat og drykk. Leiðin liggur svo á draugadiskó á Öldunni seinna um kvöldið. Voða gaman að hafa svona eitthvað um að vera og um að gera að nýta sér það svo svona skemmtilegar hefðir deyji ekki út. Svo ætlar pabbi að bjóða í pizzu í kvöld svo það er alltaf eitthvað til að hlakka til...

...þá er mín bara búin að vera að vinna allan daginn þessa vikuna meðan Birna sólar sig á Madeira með mömmu og pabba og fríðu föruneyti. Það hefur bara verið fínt en í dag er ég svolítið þreytt. Ekki vön að vakna svona snemma marga daga í röð og að vinna 8 tíma en þetta mundi sennilega venjast mjög vel ef ég þyrfti á því að halda. Í næstu viku verð ég líka allan daginn á mánudag og þriðjudag en svo tekur Birna aftur við sínum helming á miðvikudaginn. Held ég hafi bara staðið mig vel og ekki lent í neinum stórum áföllum enn sem komið er.

Síðustu helgi ætlaði ég að vera svo róleg og stillt og góða stelpan en í staðin var ég sóða stelpan sem varð blindfull!! Drakk ekki nema 1 glas af sterku og 4 bjóra allt kvöldið og fram á nótt og ég varð svona hauga drukkin. Meira að segja verð að segja það, með skömmustulegum tón, að ég ældi þegar ég kom heim og það gerist nú ekki oft. Núna á laugardaginn er starfsmannaferð til Egilsstaða og ég er að hugsa um að skella mér með. Ætla samt ekki að vera svona full aftur, vill ekki verða mér til skammar innan um samstarfsfólkið. Létt kenderí og ekkert meira. Hef líka áhyggjur af því að Dawid sparki mér í sófann ef ég kem aftur í svona ástandi heim. Ég meina afhverju ætti hann ekki að gera það? Ég gerði það við hann!

Núna eru afruglaramálin hjá okkur loksins að komast í lag. Hann bilaði 1. september og ég er búin að hringja trekk í trekk og enginn veit neitt um neitt þarna hjá Símanum. Verða alltaf jafn hissa, sjá að ég hef verið að hringja en enginn hefur fyrir því að senda beiðnirnar. Undanfarið hef ég hringt mjög þétt því ég vil fá afruglarann í lag svo ég geti nýtt mér + stöðvarnar og vod-ið þó ég vilji ekki hafa skjáheim eða hvað þetta heitir hjá þeim. Hef líka verið að rífast í að fá reikninga niðurfellda því ég kæri mig ekki um að borga þjónustu sem ég nýt ekki og sem ég var líka búin að segja upp. Mamma segir að ég sé frekja og brosir í laumi af mér. Held að hún sé bara ánægð með stelpuna.

Auður litla lipurtá er líka komin aftur í fjörðinn í nokkra daga. Gafst upp á undarlegum og ótalandi frökkum og ákvað að sjá til þess að ég fengi eitthvað gott að borða í staðinn. Flýgur svo sennilega af stað til Dojtslands eftir 2 vikur til að leita að nýjum (og vonandi skemmtilegri) ævintýrum. Gaman að fá hana heim í smá stund en gott að hún lætur ekki bugast þrátt fyrir smá mótvind. Ekki það að ég sé mikill aðdáandi au-pair starfsins. Það er bara vinna eins og önnur vinna og það illa borguð eða var það amk þegar ég var. Auðvitað var oft gaman og ég lærði nýtt tungumál og að þekkja sjálfa mig betur og að standa aðeins á eigin fótum en ég er bara ekki þessi barnagæla sem nýtur þess að skeina og þurrka ælu og mata og allt sem fylgir þessu. Ég gerði þetta vel og samviksusamlega því þetta var vinnan mín...

...rólegur dagur á skrifstofunni. Það er svo sem nóg að gerast í kringum mig, ungbaraeftirlit og augnlæknir og ég veit ekki hvað og hvað en ég er búin að gera það sem ég get gert, amk í bili.

Lífið hefur verið rólegt undanfarið. Hef bara verið að einbeita mér að því að reyna að lifa heilbrigðu líferni, mæta í ræktina og svona. Erfiðast er að nýjasta æðið er skyr með sykri og það miklu af honum. Hef verið að reyna að finna afsökun fyrir að mæta ekki í yoga og á námskeiðið í kvöld síðan ég vaknaði. Veit samt að ef ég mæti verð ég rosalega ánægð með sjálfa mig, líður vel á sálinni og verð einu skrefi nær markmiðinu mínu. Þið sjáið að þetta er erfitt mál leti vs. að ná markmiðum sínum.

Fór til augnlæknis í gær og allt í fínum málum þar sem betur fer. Núna er ég með miklar og langar rökræður í huganum um hvort ég eigi að kaupa mér ný gleraugu eða ekki. Hef efni á því - held ég! Er búin að vera að reikna og allt lítur vel út en hin hliðin er að ég var búin að tilkynna að ég mundi ekki kaupa mér ný gleraugu ef ég þyrfti að skipta heldur bara skipa um gler. Svo þetta mál er eingöngu hvað mig langar vs. hvað ég þarf. Hvað mig langar er að vinna eins og er en hvað ég þarf hefur samt sterk rök.

Þar sem ég hef verið litla góða (skrifaði fyrst sóða) stelpan síðustu 2 helgar er ég að hugsa um að fara út þessa helgi. Ekkert alvarlegt, bara smala einhverju liði á Láruna og fá sér 1 til 2 öllara. Nenni engu meiru en það. Er að verða svo stabíl í ellinni...

...þá er kominn þriðjudagur, ákaflega skýr og fagur eða tja já það virðist amk vera að birta til! :) Ég er syfjuð því ég gat ekki sofið í nótt, velti mér og bylti og fannst ég aldrei fá nóg pláss. Dawid getur stundum verið svolítið plássfrekur í litla rúminu okkar. Var að hugsa um að senda hann fram í sófa, þeirri hugdettu að ég færi sjálf í sófann laust aldrei niður. Ég í sófanum nehhh heiij!!! En Óli (lokbrá, ekki læknir sko) kom að lokum í heimsókn og sáldraði svefnryki í augun á mér. Mig dreymdi að ég væri að kaupa mér peningaveski í einhverjum sölubás eða sjoppu. Labbaði svo aðeins og keypti mér annað veski og var mikið passa að fólkið sem ég var með mundi ekki taka eftir því og færi ekkert að kommenta um þessi óeðlileg miklu peningaveskjakaup. Vona að það boði eitthvað gott í budduna! :)

Var áí yoga og á spark í rassinn námskeiðinu í gær og það var aldeilis sparkað í rassa þar. Hélt að það kæmi gat á lungun á mér svo mikið lét Eva okkur púla. Eftir á var ég alveg búin á því en svo glöð og ánægð og full af vellíðan að þegar ég var búin að jafna mig lungnalega séð gat ég bara ekki stoppað, bara talaði og talaði og var svo hamingjusöm. Kannski þessvegna sem ég gat ekki sofnað, of mikil gleði og endorfín á fullri ferð. Er svo ánægð að vera að gera eitthvað fyrir sjálfa mig og líkamann minn og er svo stollt að hafa drifið mig af stað þó ég hefði engan til að halda í höndina á...

...hefur verið óvenju mikið að gera í vinnunni undanfarið. Sennilega vegna þess að ég er alltaf að komast betur og betur inn í alla hluti og ég er hrikalega sátt við það. Ekkert gaman að sitja bara og stara út í loftið. Núna er reyndar smá dauður tími en það er nú allt í lagi svona alveg einstaka sinnum, örsjaldan! :)

Hefur svo sem ekki mikið verið að gerast undafarið, bara þetta venjulega, heimilast og elda og svona og skrapp ég til tannsa áðan. Engin skemmd en ég er með gamalt silfur sem ég ætla að láta skipta út því það er byrjað að leka og ég nenni ekki að fá rótarbólgu - alveg enganvegin! Verð líka svo fín þegar það verður komin hvít fylling í staðin, bara ekkert silfur!

Eitthvað planað um helgina? Nehhh bara að vera róleg og fara í Bónus og snemma að sofa. Núna er bannað að fara út allar helgar því ég er að spara. Var reyndar byrjuð á því áður en allt fór til fjandans hjá bönkunum svo þetta tengist því ekkert sérstaklega. Er bara að vona að Ikea haldi loforðið um að halda verðunum í bæklingnum þangað til í ágúst á næsta ári því mig langar svo í hillur á næstunni. Hreiðurgerð, hreiðurgerð, hreiðurgerð, hreðurgerð, reðurgerð...

...þessi rigning er svo þreytandi!! Ég er alveg með stírurnar í augunum hérna í vinnunni, ekki vegna þreytu heldur vegna rigningar. Fór í yoga í gær og varð alveg gegnblaut við að labba niður í íþróttahús. Eftir yoga var fyrsti tíminn í spark í rassinn námskeiðinu hjá Evu, byrjaði á erobik og ég fékk alveg í magann finnst það svo leiðinlegt en sem betur fer var það bara upphitun. Svo var stöðvaþjálfun og magaæfingar og ég er bara með smá harðsperrur eftir átökin! :) Ætti að meika erobikið ef það er bara upphitun en meira en það NEI TAKK fékk nóg af þessu hoppi í menntaskóla.

Um helgina fór ég á sing along sýningu á Mamma Mia og vá hvað það var gaman. Það var sungið hástöfum og dansað og klappað og allir voru svo glaðir. Í hléinu var svo skellt á karíókí og allir sungu saman 2 Abbalög. Við vinkonurnar skelltum okkur svo aðeins á Láruna, svo á Ölduna og svo aftur á Láruna og það var mikil stemmning og allir svo ánægðir.

Fékk sendinguna frá Ikea á föstudaginn og núna er sófasettið allt með eins teppi og voðalega fínt. Svo var auðvitað haustroðinn hérna og ég skellti mér á flóamarkað í Angró og keypti mér kertastjaka í eldhúsgluggann, bindi handa Dawid og peysu. Fór svo yfir á Brimbergsmarkaðinn og keypti mér 2 kjóla og bol og fleiri kertastjaka. Þetta var mikill eyðsludagur því svo fór ég til Eyglóar og keypti fuglakjólinn sem mig er búið að langa í síðan í sumar. Hann var einmitt kominn á ústöluslá og var á fullt af afslætti amk helmings og svo auka haustroðaafsláttur. Rölti svo yfir til Eyþórs og keypti mér löber á stofuborðið og 2 litla dúka í stíl og myndaramma. Nú verð ég bara að gera allt alveg svakalega hreint og fínt og taka myndir. Ég er að verða/orðin svo ánægð með þetta. Er samt ekki ennþá búin að taka svefnherberið í gegn, finn mér alltaf eitthvað annað að gera en ég finn að andinn er alveg að koma yfir mig. Má ekki gleyma að við fórum á markaðinn sem er í gamla Shell-skálanum og mamma gaf okkur Guðlaugu lukkupakka og ég fékk salt og piparstauka sem eru svínakokkar. Æj þið skiljið, kokkar sem eru svín. Veit ekki ennþá hvað mamma fékk úr sínum lukkupakka, kemst kannski að því í dag...

...bara síðasti dagur mánaðarins í dag sem þýðir að þegar ég stimpla mig út á eftir verð ég búin að vinna heilan mánuð sem móttökuritari hjá HSA Seyðisfirði! :) Svo á morgun er fyrsti útborgunardagurinn minn og ég er hrikalega spennt og alveg rosalega kvíðin. Meina kannski er ég að vinna í hálfgerði sjálfboðavinnu, hver veit?? Kannski fæ ég almennileg laun, hver veit? Bíð spennt til morguns!

Kökuafmælið hennar Gullu var rosalega fínt og næs bara í alla staði. Eftir mikið kökuát og með því fórum við á Láruna. Ég fékk mér 2 litla öl og svo snemma heim. Er ekki stelpan að verða þroskuð? Þetta er allt að koma og ég finn peningana hlaðast upp á bankabókinni - eða þannig sko - alltaf eitthvað sem hægt er að eyða í, ef það er ekki bjór þá er það bara eitthvað annað!

Í gær fór ég svo til Gullu aftur með afmælisgjöfina hennar og fékk köku og vöfflur í staðinn. Var að stríða henni og neitaði að láta hana fá gjöfina fyrr en afmælisdagurinn væri runninn upp! :) Gera hana smá spennta. Gáfum hennni trefil sem ég keypti á handverksmarkaðnum hérna og hún var rosalega ánægð! :)

Núna er ég bara að bíða eftir að komast í kaffitímann minn. Búin að vera rosadugleg í dag að búa til excel skjal og svona dútlerí. Pantaði líka tíma hjá tannsa fyrir okkur Dawid svo núna bíð ég bara eftir að hann fái algjört áfall þegar ég segji honum hvað skoðunin kostar. 10 þús kall með röntgenmyndum er prísinn í dag! Hann verður ekki eldri þegar ég tilkynni honum þetta.

Verkefni dagsins er svo að panta smá frá Ikea og þvo þvott bæði á nr.3 og 10. Já það er mikið að gera á stóru heimili...

...búin að skrifa við myndirnar hennar mömmu frá Danmörku, gerði það í vinnunni í gær þegar ég var búin að gera allt sem ég átti og þurfti að gera þar.

Er komin með æðislega flotta tísku stutta klippingu. Ása klikkar aldrei á hárinu mínu, aldrei, ALDREI!!! Ég er bara búin að fá hrós fyrir nýja lúkkið og það sem skiptir mestu máli er að ég og Dawid erum ánægð. Skiptir auðvitað mestu að ég sé ánægð en það er líka voða gott að honum finnist ég ennþá sæt! :)

Fór svo að sofa klukkan hálf 21 í gærkvöldi. Ætlaði bara aðeins að leggja mig en þegar ég vaknaði klukkutíma seinna var Arek komin í heimsókn svo ég ætlaði að leggja mig aðeins meira og vaknaði ekki fyrr en Dawid kom í bólið svo ég svaf bara til morguns.

Fór svo í Samkaupfélagið í dag og keypti mér súkkulaði og köku. Má alveg á nammidögum sko! Hárið á mér var alveg beint upp í loftið svo ég þurfti annað hvort að skola það eða finna húfu. Ákvað að finna húfu bara í hvelli og vera úfin í dag. Man núna afhverju ég var kosin úfnasta manneskjan í Svíþjóð 2 ár í röð!

Svo er kökuafmælið hennar Gullu í kvöld *mjamm mjamm*, frétti af smarties, hrískúlum, rjóma og kexi líka svo við ættum að fara glöð heim með glaða malla...

...skellti inn myndum frá Danmörku í gær og var að klára að skrifa við þær svo kíkjið nú og njótið. Ætla að skella inn myndum sem mamma tók í Danmörku líka fljótlega og svo fer ég að vinna í Grikklandsmyndunum.

Annars allt gott að frétta. Dawid smakkaði íslenska kjötsúpu í gær og var rosalega hrifinn. Hann tilkynnti mömmu að hún mætti alltaf bjóða honum í mat þegar hún eldaði hana.

Annað í fréttum, bólan á vinstra augnlokinu er næstum horfin en í staðin er ég með stíflaðan svitakyrtil við hægra augað svo ég er svakalega sæt núna! Langar bara að klóra og pota og fikta í þessu endalaust en Óli læknir sagði að það væri alveg bannað svo ég reyni að vera stillt!

Á morgun er klipping, vinna og svo sveitaferð til Egilsstaða að kaupa, kaupa, kaupa. Laugardagurinn = afmælisskúffukaka hjá Guðlaugu *mjamm mjamm*. Er meira að segja búin að taka frá gjöf handa kerlunni, held ég sé að fara fram úr sjálfri mér...

...ég fékk spennufall í gærkvöldi! Dótið frá Ikea kom og við Guðlaug settum það saman í einum kvelli. Ég var eins og lítill krakki á jólunum þetta var svo gaman og spennandi. Ég sagði Dawid ekkert frá þessu því ég vildi koma honum á óvart þegar hann kæmi örþreyttur heim úr vinnunni. Hann var svakalega glaður og ánægður, bæði að dótið væri komið svona flljótt og að þurfa ekki að setja það saman. Svo fengum við gefins sófasett líka, Ragga hringdi í mig á laugardaginn og spurði hvort okkur vantaði ekki sett því Dísa Dögg væri að fá nýjan og hún vildi helst ekki henda þeim gamla. Við vorum fljót að stökkva á það og okkur var alveg sama hvort hann væri ljótur eða flottur ef það væri bara hægt að sitja í honum. Dawid og Piotr náðu í hann í gærkvöldi og núna er þetta fína '80 sófasett í stofunni hjá okkur. Ég breyddi reyndar teppi yfir þá því þeir eru græn/brúnir með blómamunstri. Svo náði ég í lampafæturnar sem foreldrar mínir höfðu í svefnherberginu sínu fyrir mörgum árum og skellti á þá nýjum skermum og voila rosaflottir. Svo núna á ég bara rosalega fínt heimili. :) Þarf að taka myndir og setja inn á netið þegar ég er líka búin að setja upp fleiri myndir og fínisera aðeins meira.

Ó ég er svo happí oooo...

...pabbi minn á afmæli í dag, til hamingju með daginn bestasti besti pabbinn í öllum heiminum!!!

Annað í fréttum, ég er með bólu á vinstra augnlokinu og það er vont...

...þá er þriðju vikunni í nýju vinnunni senn að ljúka og ennþá gengur allt bara vel fyrir utan smá hnökra eins og að setja póst í vitlaus hólf og gefa samband á vitlausa staði. En það er nú bara smotterí og fyndið svona til að byrja með.

Í gær pantaði ég húsgögn handa okkur Dawid. Stærra eldhúsborð, stofuborð og sjónvarpsbekk. Stakk tveimur lampaskermum með í pakkann svona fyrst ég var að panta. Vona að þetta komi fyrir næstu helgi svo ég hafi eitthvað að gera þá! :)

Þessa helgi ætla ég að kíkja í partý en vera samt róleg - held ég, ekki alveg ákveðin með það ennþá sko! Svo ætla ég að ruslast með afganginn af fötunum mínum af nr.3 yfir á nr.10 og koma svefnherberginu í stand. Áætlaður lokatími á því verkefni er "áður en húsgögnin koma frá Ikea". Ég er í hrikalegri hreiðurgerð þessa dagana og get ekki hugsað um annað en hafa fínt í kringum mig og reyna að gera fallegt með þessu litla sem ég hef.

Svo þarf ég að heimsækja mömmu mína svo ég geti hent nokkrum myndum á myndasíðuna mína, er alltaf að hugsa um þetta en kem því aldrei í verk. Myndirnar mínar frá Danmörku og Grikklandi eru nefnilega í tölvunni hennar því iphoto er bilað í minni, eða ekki bilað það eru komnar of margar myndir inn í það miðað við hvað það er gamalt. Kaupi nýtt þegar ég á pening! Langar þessa dagana frekar að kaupa heimilisdótarí en tölvudótarí því fyrir utan þetta er eplastelpan alveg ágæt...

...er eitthvað hálf þung í hausnum í dag, kannski því ég hef sofið alltof mikið. Var bara eitthvað svo þreytt í gær að ég fór að sofa fyrir allar aldir og vaknaði ekki fyrr en í hádeginu. Svefnpurka!! Er í vinnunni að dúlla mér, búin að gera allt sem ég þarf að gera og núna bara að sitja og vera hérna til klukkan 16, svara í símann og svona. Alltaf rólegt á miðvikudögum. Fór til Egilsstaða í fyrradag að láta minnka gríska hringinn minn, hann var nr 52 en ég læt minnka hann í 49, vissi að ég væri með litla putta en váví!! Nú verður Dawid bara að muna þetta númer svona ef hann skildi vilja kaupa einhvern alveg sérstakan hring á baugfingur vinstri handar!!! :P Maður má láta sig dreyma!

Er alltaf á leiðinni í morgungöngu en veðrið er ekki á sama máli, í dag var brjálað rok svo ég nennti ekki, miklu betra að kúra með tvær sængur. Um daginn var alltaf rigning en þegar góða veðrið var fann ég mér eitthvað annað að gera. Týpískar afsakanir alltaf hreint. Mig langar bara svo í slikkerí og feitan mat þessa dagana. Held ég sé á feita staðnum í tíðarhringnum...

...þá er ég næstum búin að vinna 2 vikur á heisugæslunni og allt gengur bara vel. Byrjaði að vera ein í gær og það hefur bara gengið eins og í sögu. Hef samt ekkert svo mikið að gera því ég er ekki komin inn í allt en það kemur auðvitað bara smá saman. Í dag var ég að læra nýtt sem ég get dundað mér við á næstunni! :)

Svo er ég auðvitað flutt inn á nr.10 með megnið af hafurtaskinu mínu. Ennþá föt og drasl á nr 3 ogbækur og eitthvað smádót í bílskúrnum hjá Óla því við eigum engar hillur ennþá en vona að við fjárfestum í svoleiðis á næstu mánuðum. Ætla bara að byrja á að kaupa meira áríðandi hluti eins og eldhúsborð. Mamma hjálpaði mér heilmikið um daginn, ég reif upp úr kössum og hún vaskaði upp, hefði aldrei verið svona snögg að þessu án hennar. Svo er ég með stóra fatahrúgu á stofugólfinu sem þarf að koma inn í skáp, eitthvað á reyndar að fara til Rauða krossins. Er kominn með stórann kassa handa Rauða krossinum og ætla að losa mig við meira. Það er erfitt að losa sig við sum af þessum fötum því ég bindst miklum tilfinningaböndum við öll fötin mín, man hluti sem ég erði í þeim og með hverjum og hvar, hvað þau kostuðu, hvar ég keypti þau og hver var með mér og stundum hugarástandið sem ég var í. En hvað á ég að gera við alltof lítil föt? Reyni að hugsa um hvað það sé gott að leyfa öðrum að njóta þeirra. Þó ég vonist til að grennast eitthvað langar mig ekki að verða hrikalega horuð aftur, fallegra að vera hraustlegur og grannur en að detta í sundur úr hori. Er ekki viss um að mig langi aftur að passa í föt nr 32...

...já já komin heim frá Grikklandi eftir ánægjulegar en jafnframt erfiðar vikur þar. Erfiðar að því leiti að ég skildi ekkert og enginn skildi mig og svo auðvitað hitinn sem þrátt fyrir að vera yndislegur dregur oft fram erfitt skap. Þetta með tungumálið var allt í lagi þegar við vorum fá því þá hafði Dawid tíma til að þýða fyrir mig og ég gat tekið þátt í samræðunum en um leið og það voru fleiri en 4 þá varð ég voðalega mikið útundan því það var enginn tími til að vera að þýða allt. Þá dró ég mig stundum í hlé og fór að lesa en þá var oft eins og fólk skildi ekki að þetta væri erfitt fyrir mig og reyndi að draga mig fram aftur. Æj þið skiljið, fólk að reyna að vera gott en stundum þar maður bara smá frí frá öllu og kúra sig með bók á móðurmálinu!! :) En eins og ég hef sagt áður var fjölskyldan hans alveg rosalega góð við mig og ég skemmti mér vel með þeim td kvöldið/nóttina sem við vorum hjá Tomek bróður hans að grilla og drekka áður en hann þurfti að fara í annan bæ að vinna í nokkra daga. Ég á langa myndasyrpu frá því kvöldi og Dawid finnst ekki allt vera birtingahæft! Hahahaha Þarf að drífa myndir inn á netið fljótlega, ekki allar því við tókum næstum 500 myndir á nýju flottu rauðu myndavélina mína.

Núna er lífið allt að komast í fastar skorður hjá mér. Er að flytja smá saman inn til Dawids og var einmitt að koma með slatta af dóti í dag sem var í bílskúrnum hjá ömmu. Eitthvað eftir þar ennþá samt en það kemur ekki hingað fyrr en við kaupum hillur því hér er ekkert fyrir bækur eða smáhluti og ég nenni ekki að hafa þetta á gólfinu. Svo er bara að koma dótinu sem er hjá mömmu og pabba hingað yfir og þá er ég alveg flutt. Ég hef aldrei búið annarsstaðar á Seyðisfirði en Fjarðarbakka 3 svo þetta er pínu skrítið en ég er amk ennþá í sömu götu!

Svo er ég byrjuð að vinna á sjúkrahúsinu. Er móttökuritari á heilsugæslunni í 50% starfi og þetta byrjar bara mjög vel. Er reyndar eftir hádegi núna en ekki á morgnanna eins og ég er ráðin í því ég þarf að byrja á að læra á kerfið og taka á móti sjúklingum og það er mest eftir hádegi. Á morgun þarf ég að standa nokkurnvegin á eigin fótum í vinnunni því Birna verður í öðru en hún verður nálægt ef ég lendi í miklum vandræðum. Bara að treysta á sjálfa sig og þá verður allt í orden...

...jaja bara komin ut i Griska eyju og hef tad vodalega notalegt. Eyjan heitir Aegina og er i rumlega klukkustundar siglingarfjarlaegd fra Athenu. Komum i morgun, fundum okkur lelegt hotel og skruppum adeins a strondina. Svo er tad internetkaffi og sma skodunarferd adur en vid forum i sturtu og ut ad borda. A morgun aetlum vid ad leigja bil og runta sma um adur en vid holdum aftur "heim".

Er loksins buin ad sja Akropolis baedi ad nottu og degi og tad er alveg frabaert, tok fullt af myndum og set eitthvad inn tegar eg kem heim. Forum lika og skodudum Agora tar sem er rosalega heillegt hof, ennta med tak og alles og tad fra timum romverja, ca 400 arum fyrir Krist. Mig langadi helst ad klifra upp a gamlar styttur og lata taka myndir af mer med hausinn tar sem vantar a tessa gomlu karla en tad var flautad a mann ef madur gerdi sig svo mikid sem liklegan ad snerta eitthvad.

Svo forum vid i fullt af skartgripa budum tvi Marek brodir Dawids sem byr i Tyskalandi go kaerstan hans hun Ania aetla ad fara ad gifta sig og voru ad leita af hringum og trulofunarhring og eg var svo heppinn ad graeda einn lika. Tja ekki trulofunarhring en astarhring!! :) 3 hjortu, tvo ur gulli og eitt ur hvitagulli alsett kristalsbrotum. Vodalega saetur og fallegur og eg er rosalega anaegd med hann!! Dawis gaf mer lika halsmen og armband med griskumunstri um daginn svo eg er ekki illa stodd skreytingalega sed. Kvarta amk ekki sko! Eg gaf honum lika armband ekkert fansi en honum likadi tad svo hann er ekkert utundan.

Svo fer madur bara alveg ad koma heim, um tetta leyti i naestu viku verd eg komin a Seydisfjord. Verd eiginlega ad vidurkenna ad eg hlakka alveg til. Tad er aedislegt ad fara i fri en tad er alltaf gott ad koma heim aftur - sem betur fer. Lika ordid svolitid pirrandi ad vera svona mallaus, allir vilja reyna og eg reyni en tetta eru mest einfold ord og handapat og eg lofa ad verd betri i polsku tegar eg hitti tau oll naest tvi tau eru svo yndileg vid mig ad tau eiga tad skilid...

...ja min bara a Grikklandi ad hafa tad akveg rosalega gott, heitt og sma vindur alla daga og vid bara ad steikjast innandyra. Fjolskyldan hans Dawids hefur tekid mer mjog vel tratt fyrir tungumalaordugleika og eru vodalega anaegd tegar eg skelli fram litlu polskunni minni. Mamma hans hefur gefid mer kjol og bol og sko, hun hugsar meira um adra en sjalfa sig. Pabbi hans hedur sig mest til hles en hann vinnur lika alveg rosalega mikid og tarf ad vera 3-4 tima i bussum og lestum a dag samtals til og fra vinnu. Vid erum ekki buin ad skoda neitt vodalega mikid, erum ad bida med tad helsta tangad til brodir Dawids sem byr i Tyskalandi kemur a sunnudaginn. Ta aetlum vid i Akropolis og fleiri merka stadi en a morgun erum vid ad hugsa um ad skella okkur a safn um sogu Grikkja og eitthvad svoleidis skemmtilegt. Vid erum lika buin ad fara i grillparty, versla sma, fara 2x i keilu, a kaffihus og strondina og svo er planad ad fara i vatnsleikjagard um helgina med allri familiunni, storum og smaum og svo svona kaerustuvidhengjum eins og mer og fleirum. Mig langar lika ad fara 1 dag ut i einhverja eyju og var ad tala um tad vid Dawid i gaer og vid aetlum ad kikja a tad a netinu og sja verd og kannski gistingu og svoleidis. Eg keypti mer nyja myndavel i gaer, rosalega flott og rauda fra Kodak og eg held bara ad eg hafi gert god kaup tar, er amk mjog anaegd med hana.

Forum i verslunarmidstod i dag en urdum fra ad hverfa tvi Patryk var med okkur og hann var ekki alveg upplagdur i tetta svo vid aetlum ad kikja sma i budir a eftir bara 2 og fa okkur svo eitthvad gott ad borda saman. Herna eru allar budir opnar til 20-21 a kvoldin 3-4x i viku en i stadinn loka margar af litlu budunum snemma hina dagana eda kannski klukkan 14! Tad er yndislegt ad labba um i midbaenum og rafa a milli turistabulla, resturanta og fornmynja, skemmtileg blanda! A eftir ad kaupa gjafir handa nokkrum utvoldum en engar ahyggjur taer eiga alveg eftir ad rata i toskuna. Bara ad reyna ad finna eitthvad skemmtilegt sem er ekki of turistalegt.

Atti samtal vid mann adan sem endadi ekki mjog vel, aetla ad segja honum (ef hann les tetta ta) ad tetta verdi allt i keijinu og vid tolum betur og rolegar saman tegar eg kem heim. Aesti mig kannski heldur mikid en skil lika ekki alveg afhverju hann var ekki bara buinn ad tala vid mig fyrr og segja mer hvernig malin staedu, ta hefdi eg tekid tessu miklu betur.

Jaja ta er best ad fara ad koma ser i baeinn og haetta ad misnota godmensku Tomeks og Marzenu sem eru buin ad bera i okkur kaffi og bjor allan timann sem vid hofum stoppad herna. Laet kannski heyra i mer naest tegar eg fae ad kikja i einkabankann minn svo kikjid reglulega!!! Er tetta ekki spennandi...

...Danmörk var yndisleg, heitt og gott og bjórinn flaut og peningarnir fuku í vasa sænsks mógúls. Þetta voru æðislegir dagar en það var rosalega gott að koma aftur heim og sjá Dawid og pabba gamla. Það voru 30 gráður alla dagana og auðvitað miklu heitara í þröngu götunum í gamla bænum. Við skruppum í tívolí, Rosenborgarkastala, Fields að versla, Strikið þrætt nokkrum sinnum en bara einu sinni til að versla og þá sendum við Jóna mömmurnar bara á saf n á meðan. Fórum líka til Dragör og hittum, Gyðu, Röggu og Dóru í smá stund áður en þær héldu til Odense. Þær hinar fóru svo í dýragarð en ég ákvað að hvíla mig heima og sofa því ég var vansvefta eftir margra daga andvökur, hef líka oft komið í dýragarð. Svo röltum við bara um, skoðuðum Nýhöfnina, fórum í siglingu um kanalinn og sátum svo á kaffihúsum og matsölustöðum og höfðum það reglulega gott. Pabbi bauð okkur svo út að borða og við völdum Jensens Böffhus og þar fengum við reglulega góða og risastórar nautasteikur og auðvitað forrétt og eftirrétt og alles. Þetta var reglulega góð upphitun fyrir Grikkland en þangað er ég einmitt að fara á morgun. Skrítið að hafa verið að tala um þetta síðan um páskana og núna er þetta bara að skella á! Var eitthvað að reyna að pakka í dag en það gekk frekar illa því ég veit ekkert hvað ég á að hafa með mér eða þarf að hafa með mér. En mér tókst fyrir rest að koma einhverju í töskuna og svo er bara að loka henni og koma sér af stað.

Verið nú dugleg að senda mér kveðjur hingað og sms meðan ég er úti svo ég verði ekki einmanna, verð að fá smá ást frá klakanum annað slagið...

...þá er Lunga helgin búin og ég var bara rosalega stillt og góð stelpa. Var hjá mömmu og pabba að spjalla á föstudagskvöldinu og skrapp svo aðeins út að hitta stelpurnar en stoppaði ekki lengi og bara heim að sofa. Á laugardaginn var svo planað matarboð hjá Örnu og við búin að kaupa allt í það en svo var ég bara engan vegin upplögð í það, hálf þunglynd og þreytt og í andfélagslegustuði svo ég var bara leiðinleg og var heima og fór snemma að sofa. Vaknaði snemma á sunnudeginum, fór í sturtu og svo bara brummmm á Borgarfjörð. Hafði aldrei komið þangað svo ég muni eftir svo þetta var alveg rosalega gaman. Falleg náttúran á leiðinni og góður félagskapur frá Dawid og geilsaspilaranum. Á Borgarfirði er svo ofboðslega fallegt, ég varð alveg undrandi og ofboðslega kósí og notalegt. Við skelltum okkur á Álfacafé og fenum okkur að borða og köku og kaffi á eftir og keyptum svo nokkra minjagripi til að taka með til Grikklands. Þar hittum við Þóru frænku mína og fjölskylduna hennar en þau búa á Sauðárkróki og ég hef ekki séð þau síðan 2003! Það var mjög gaman að sjá þau og sérstaklega krakkana en þau 2 yngri hafði ég aldrei séð nema á mynd. Svo skelltum við okkur á rúntinn og fórum að höfninni og skoðuðum fuglabjargið og tókum myndir af því fallega sem við sáum...hvort öðru... ;) Skelltum okkur svo á hitt kaffihús bæjarins og fengum okkur kaffibolla og að pissa áður en við brunuðum heim aftur með stoppi í Bónus á Egilsstöðum.

Í dag var svo aftur farið til Egilsstaða að kaupa sólarvörn fyrir Grikkland. Rosasterka og hrukkubana vörn fyrir andlitið, sterka fyrir líkamann og after-sun. Hefði kannski alveg getað keypt þetta í fríhöfninni en ég nenni ekki að vera með eitthvað prógramm þar, langar bara að dandalast um og kaupa óþarfa!! :D Svo skillst mér að það muni ekkert svo miklu orðið á verði í landi og í dutyfree.

Svo er bara Danmark eftir nokka daga. Veit ekki alveg hvort við förum norður á fimmtudeginum eða föstudagsmorgun en ég vona að það verði ekki fyrr en á föstudeginum því vika án elskunnar hljómar ekkert voðalega spennandi þó ég lifi það alveg af...

...ég er að verða vitlaus á þessari þoku og ég finn þessa litlu brúnku sem ég hef fengið dofna smám saman!! Það var akkúrat sumarið sem mig langaði að fá smá lit að það er bara þoka hérna, alveg pikkföst í logninu og uppi við skíðaskála byrjar sólin að skína. Fuglarnir láta sig samt ekki vanta og syngja alveg á fullu. Ég ætla líka að borða fugl á morgun, svartfugl. Dawid misskildi eitthvað og hélt að við ætluðum að borða hrafn - hahaha!! Bara að skella einum krumma í pott. En mér tókst að útskýra þetta aðeins betur og nú er hann bara stressaður en ekki fullur af viðbjóði! Ég er líka farin að læra pólsku og skemmti mér vel við það, keypti diska frá Eurotalk og get alveg mælt með þeim, allt voðalega skemmtilegt og fást í Office1. Dawid heldur samt alltaf að ég sé að gera grín af honum því hann segir að ég sé með rússneskan hreim en ég er ekkert að reyna það - ég sver það!!! Ætla að reyna að klára þennan disk áður en ég fer í fríið og svo get ég keypt framhald þegar ég kem heim. Bara gaman að vera að læra eitthvað, ætli þetta sé metið upp í stúdentspróf *hux*?

Er ekki ennþá komin í myndaham, algjör lúði ég veit! En fyrir þá sem vilja sjá myndir frá liðinni helgi setti Auður Ösp inn myndir á picasasíðuna sína. Fullt af fólki á öllum aldri þar sem þau systkinin voru öll með einhverja gesti. Ætli ég hafi verið aldursforsetinn...

...það var eitthvað diskó síðustu helgi en ég komst ekki inn á það, var of sein því ég stoppaði á Lárunni. Er svo sem alveg sama en hefði verið gaman að kíkja. Þessa helgi er svo Gulla ein heima svo við unglingumst örugglega eitthvað þar bara, amk á föstudagskvöldið. Ef veðurspáin er góð fyrir sunnudaginn ætla ég að vera góð á laugardaginn svo ég geti verið með Dawid í anda þegar hann málar þakskyggnið fyrir pabba og mömmu.

Síðasta þriðjudag skruppum við Arna til Akureyrar yfir daginn. Það var mjög skemmtileg ferð og fljót að líða þar sem mikið af einkahúmor varð til. Ég er líka ánægð með nýja Glerártorgið, núna er amk eitthvað varið í að fara þangað og ef ég væri ekki að fara til Dk eftir 3 vikur hefði ég keypt mér alveg helling af ónauðsynlegu drasleríi.

Svo kom Gullan loksins aftur heim úr fjölskylduferðinn til Uk. Held hún hafi skemmt sér mjög vel og keypti sér fullt af fallegum fötum og dótaríi. Svo fékk ég fínan pakka frá henni sem var ekkert slor, armband, hálsmen, vaselín með sólarvörn (óskaði sérstaklega eftir því) og símaskraut með elskunni minni henni Tinkerbell úr Pétri Pan. Alveg í stíl við inniskóna frá Klemensi og sokkana frá Gyðu...

...jájá ég veit að ég á að vera sofandi en svona er þetta bara! Dawid er auðvitað steinsofnaður fyrir langa löngu enda er hann oft mjög þreyttur eftir mjööööög langa vinnudaga. Ég aftur á móti dunda mér við að leika húsmóður hérna megin og skoppa svo yfir á nr.3 og leik dekraða dóttur þar. Svona gengur þetta fram og til baka alla daga og mér finnst þetta bara mjög fínt! :) Hvort þetta breytist eitthvað í haust kemur bara í ljós, jábbs allt með kalda vatninu þið vitið. Húsmæðraðist í búðina í dag og bakaði svo pizzu, svaka dugleg, já ég veit!! Matseðill helgarinn er svo fiskur á morgun og pestó kjúlli á sunnudaginn. Dawid pantaði hann, varð svo yfir sig hrifinn af kunnáttu minni í eldhúsinu þegar ég töfraði þennan "erfiða" rétt fram síðast! ;)

Núna er ég aðeins farin að finna fyrir því að það styttist í utanlandsferðirnar mínar. Byrjuð að telja niður í huganum en lofa að byrja ekki hérna fyrr en það verður ennþá styttra í þetta allt saman. En jeij hvað ég hlakka til. Er samt ekki eins og sumir, sem ég nefni ekki á nafn, sem verða þunglyndari eftir því sem styttist í ferðalagið til Póllands þó hann hlakka óskaplega mikið til!! Öfugsnúið...ég veit!! Getur einhver getið hver þetta er?? Held að skytturnar ættu að vera mjög heitar í þessari getraun!

Ahhh fór í leikhús áðan, það var heimsfrumsýning á "Kinkí, skemmtikraftur að sunnan" eftir Benóný Ægisson og í leikstjórn Guðjóns Sigvaldasonar. Þetta var mjög skemmtilegur einleikur í mjög afslöppuðum dúr en ég er sorgmædd hvað það mættu fáir. Ekki nema 25-30 hræður létu sjá sig. Mörgum fannst víst mikilvægara að styrkja fótboltaliðið með nærveru sinni á þeirra fyrsta heimaleik og þau um það. Þeim finnst ég örugglega líka hafa misst af miklu að hafa ekki húkt úti í rigningu og roki, gólandi og gargandi þegar ég gat sitið róleg inni í hitanum með bjórglasið mitt! Ég dæmi engann en ég veit hvoru mér finnst meira vit í...

...sit hérna sveitt og rjóð í kinnum eftir að hafa verið svo góð að taka íbúðina hans Dawids í gegn til að koma honum á óvart. Ekki það að hann sé ekki duglegur að taka til og gera allt sem þarf að gera en stundum langar mann bara að vera extra góður við elskuna sína sem vinnur alltof mikið.

Var í borginni í síðustu viku frá mánudegi til föstudagsmorguns. Hitti nokkra góða vini en náði ekki að hitta suma því miður, Madda Stína mandarína var ein af þeim og mér fannst það mjög leiðinleg en tíminn bara flaug. Þetta var heldur engin skemmtiferð þar sem ég fór sérstaklega til að pakka dótinu mínu niður. Gunnar var svo góður að taka sér frí í vinnunni einn dag til að hjálpa mér og í staðinn gaf ég honum morgunmat, ís og kvöldverð á Taco Bell. Held að honum hafi ekkert fundist það leiðinlegt. Svo er bara að bíða eftir að dótaríið komi og finna stað fyrir það. Ég bý auðvitað hjá mömmu og pabba en þar er ekkert pláss fyrir aðrar búslóð. Svo er ég alltaf hjá Dawid en ég kann ekki við að troða öllu á hann fyrr en hann bíður mér opinberlega að búa hjá sér. Ætla samt að láta hann nota þvottavélina mína þar sem sú sem fylgir með íbúðinni er frekar þreytt og það þarf alltaf að hjálpa henni á næsta kerfi!!

Mér er reyndar boðið að taka road-trip með Örnu í borgina í næstu viku en ég held að ég láti ekki verða að því. Þarf að spara peningana mína fyrir utanlandsferðirnar mínar og svo hef ég í rauninni ekkert að gera í Reykjavík akkútat núna, er samt byrjuð að plana ferð suður í haust eða í síðastalagi í desember og þá ætlar Dawid að koma með og kynnast borginni aðeins.

En sýnist gólfið vera orðið þurrt svo þá er kominn tími á sturtu...

...þá er ég alveg að fara að leggja í hann í borgina. Er ekki alveg að meika að fara að pakka en ég hlakka til að hitta vini mína. Klemens og Sigga eru svó yndisleg að leyfa mér að gista og ætla ég að kúra í sófanum þeirra í 4 nætur. Mmmmm góður sófi sem hefur örugglega saknað mín ógurlega!

Náði mér í smá lit á laugardaginn. Sofnaði reyndar í sólbaði um 18-leytið og vaknaði stuttu síðar þegar sólin var farin, alveg skítkalt. Ef ég ákveð að láta sjá mig á pallinum einn dag kemur þoka og rigning næstu daga, alveg ótrúlegt!!! Vona að verðið verði gott næstu helgi svo ég geti sólað mig aðeins. Ekki það að ég sé svo mikill sólbrunku aðdáandi heldur er ég að reyna aðeins að venja húðina við áður en ég fer til Grikklands. Langar ekki að verða öll rauð og þrútin þar! Er samt ábyrgur sólsleikjandi og nota sólvörn númer 20 á tveggja tíma fresti og geri það að sjálfsögðu líka í sumarfríinu.

Vona að einhverjir hafi skoðað myndirnar sem ég setti inn. Myndavélin er komin í töskuna svo það verða vonandi einhverjar myndir frá borginni og þá ætti nýja flotta klippingin mín að sjást...

...jæja búin að búa til myndaalbúm á picasa. Linkur hérna hliðina á og styttri leið hérna! Hef ekki tekið svo margar myndir í ár en eins og ég sagði áður er ég að reyna að bæta mig. Þetta urðu 3 albúm, eitt frá áramótum, svo er ferðin okkar Dawids til Akureyrar og að lokum maímánuður en ég var svakalega dugleg þá!! :) Njótið vel...

...nokkrar myndir frá ferðinni okkar Dawids til Akureyrar um páskana. Ákváðum að taka nokkrar túristalega myndir, risa snjókarlinn á torginu...

...Dawid og víkingurinn í göngugötunni...

...Dawid á Bautanum í hádegismat, fór með hann þangað því það er svo ekta Akureyrskt...

...aðeins að unglingast við Goðafoss á leiðinni heim...

...með sólina í augunum...

...já kannski loksins komin með myndadellu. Einhverjir örugglega glaðir yfir þessu, það er alltaf verið að skamma mig fyrir að hafa engar myndir og engin albúm en ég er að reyna að bæta þetta. Þessvegna er ég með myndavélina í töskunni öllum stundum núna. Gleymi að vísu oft að nota hana en heij batnandi fólki er best að lifa!! :) Ætla þessvegna að drífa mig að gera albúm á morgun þegar ég kemst í tölvu sem er ekki með allt merkilegt á pólsku eins og td picasaweb osfrv. Frekar pirrandi, tókst samt einhvernveginn að láta Dawid samþyggja að leyfa mér að setja svona takka svo það sé auðvelt að skipta um tungumál á lyklaborðinu og mér tókst það þó allt sé á pólsku. Já er svakalega klár! ;) Ok myndir á morgun en halda áfram að sofa núna...

...myndir af fallega og hamingjusama parinu! Finnst ykkur ég ekki hafa valið vel? Hann fer mér bara eitthvað svo vel! ;)

Annars allt gott að frétta, helgin róleg og góð með svefni á föstudagskvöldinu og rúnti með Herdísi og Gullu og 1 bjór á Lárunni á laugardagskvöldið. Ekkert ráðist á mig aldrei þessu vant en ég var móðguð þegar var sagt við mig að ég hefði aldrei unnið handtak! Sunnudagurinn var svo tekinn snemma, amk svona sunnudagslegaséð, eða um hádegi. Skroppið í héraðið, farið í 11 ára afmæli til Patryks og svo í pylsupartý til Fúsa og co. Dawid var bara hent út í djúpu laugina og látin hitta alla fjölskylduna í einu og ég er ekki frá því að hann hafi verið smá stressaður en hann kom heill og sterkari frá þessu, engin bitför einu sinni.

Ekkert sérstakt á döfunni þessa vikuna nema kenna Dawid meira í íslensku og fara í klippingu. Verð alveg hrikaleg sumarpæja svona um hádegisbil á föstudaginn með rosalega flott hár. Fullyrði það bara því ég verð aldrei fyrir vonbrygðum hjá Ásu. Svo er bara að fara að bóka miða til Rvk til að pakka dótinu mínu saman. Er ekki alveg að nenna þessu og finnst mér ekkert vanta þetta drasl en ef ég mundi láta það allt frá mér mundi ég örugglega sakna þess í vetur. Það kostar sitt að fjárfesta í pottum og pönnum og þvottavél og þvíumlíku, þið skiljið er haggi?

Svo átti Gyða frænka í danaveldi stórafmæli um daginn og óska ég henni til hamingju með það. Daman varð þrítug en það sést ekkert á henni, ungleg og falleg eins og frænka hennar á Fjarðarbakkanum. Ég gleymdi ekkert deginum hennara en asnaðist ekki til að hringja, senda sms, commenta eða neitt en í staðinn fékk hún fallegar hugsanir og von um hitting í sumar.

Ahhh ágætt í bili er það ekki...

...allt alveg jafn frábært og venjulega fyrir utan smá pirringskast um daginn sem tók ekki langa stund.Viðerum bara bæði svo þver að það er engu líkt. Dawid er alveg eins og ég, bara með typpi! Keyptum miðana til Grikklands í fyrradag og förum af stað 5.ágúst til Rvk og svo til Köben, verðum þar yfir nótt og svo eldsnemma morguninn 6. förum við til Aþenu!!! :) Ahhhh 3 vikur í sól og sumaryl, að kynnast nýju fólki, hitta fjölskyldur og vini og vera mállaus. Eini maðurinn sem ég get tala við á mínu máli verður Patryk sem er 11 ára! En omg hvað ég er spennt, Aþena og það með manni sem ratar um og talar tungumálið og ég er hrifin af ;) getur varla orðið betra.

Svoo er auðvita Köben með mömmu, Siggu frænku og Jónu Valdísi 25.júlí til 1.ágúst, dríf mig bara heim, ríf upp úr töskunum, þvæ, þurrka og brýt saman og svo fjúffff aftur til útlanda. En nóg um þetta. Er farin að drekka ennþá meira kaffi, við Gúllas erum búnar að vera á þambinu síðan klukkan 13...

...hamingjan heldur áfram að blómstra og allt er yndislegt! :)

Um daginn fór ég í sólbað, hef ekki gert það í mörg ár og í alvörunni náði ég smá lit. Kannski finnst ykkur það ekkert merkilegt en fyrir hina skjannahvítu mig sem hefur ekki verið sólbrún síðan 1995 er þetta nokkuð mikið afrek. En sólin fékk ofbirtu í augun af mér og hefur ekki látið sjá sig síðan. Vona að hún jafni sig því ég verð að venja húðina aðeins við áður en ég fer til Grikklands.

Undanfarnir dagar hafa verið góðir með tíðum Egilstaðaferðum, nýr kjóll prýðir safnið mitt og rauður varalitur hefur það gott í veskinu mínu. Ég sá líka gamla vinkonu í gær sem leit svo vel út að ég bara gapti og ég samgleðst henni svo innilega. Hún hefur veitt mér innblástur í að losna við þessi fáu aukakíló sem "fegra" líkamann minn, þetta er greinilega hægt og kannski ekkert svo erfitt ef maður er bara ákveðinn og duglegur.

Það var partý í gær og við Dawid fórum en vorum gamla stillta fólkið sem fór heim fyrir miðnætti. Notalegt svona stundum þó ég sé mikið partýljón eins og allir sem mig þekkja vita. Enda þýðir ekkert að vera þreyttur í dag þegar sjómannadagshófið er. Matur, skemmtiatriði, spjall, drykkja og dans fram á rauðan morgunn.

Er að hlaða myndavélina svo ég geti losað hana fyrir kvöldið og ef það eru einhverja fínar myndir af fína og flotta kærastanum mínum getur bara vel verið að ég skelli einni inn, þið verðið nú að fá að sjá gripinn er það ekki?

Já lífið er yndislegt, var ég búin að segja ykkur það...

...lífið er eitthvað svo yndislegt þessa dagana. Ég er svo hamingjusöm og dagarnir bara fljúga áfram. Ég er eitthvað svo sátt við allt og alla og elska allt, blóm og brum, vini og vandamenn, sólina og skýin. Samt hef ég ekkert verið að gera neitt sérstakt af mér. Held bara að þetta hrikalega þunglyndi og kvíði sem hefur hrjáð mig í alltof mörg ár sé loksins að sleppa takinu aðeins af mér og leyfa mér að vera ég sjálf...og ég er svo glöð! Fyrir ári síðan hefði ég td ekki tekið að mér jafn krefjandi hlutverk eins og að vera með í leikriti og ég verð að viðurkenna að stundum þurfti ég aðeins að strita til að komast af stað á æfingar en vá hvað þetta hefur gefið mér mikið. Svo er það yogað sem ég ætla að vona að haldi áfram næsta haust og mínir yndislegu vinir hérna sem eru alltaf svo hressir og kátir og góðir og glaðværir og jákvæðir og skemmtilegir. Vinir mínir fyrir sunnan eru alls ekkert verri en allt er í svo miklu meiri skorðum fyrir sunnan, allt svo langt og erfitt og ég er bara komin með leið á því. Hlakka samt alveg voðalega til að kíkja suður í júní, ekki gaman að taka saman dótið en ég er sátt við ákvörðunina að vera á Seyðisfirði í vetur, rækta nýja sambandið mitt og heilsuna og þjálfa heilann aðeins með fjarnámi og ef allt gengur eins og í sögu ætla ég meira að segja að byrja að vinna! :) Ég hlakka til að kíkja á smá pöbbarölt, hitta góða vini (vonandi sem flesta), fara á Madonna og bara aðeins að túristast og sjá borgina með augunum hans Dawids sem hefur bara verið í Rvk eina nótt. Svo er það þetta yndislega sumar sem er alveg að verða tilbúið, allt að springa út og hitatölurnar að hækka. Það þýðir bara að það styttist í road-trip um Ísland með vel völdu fólki, ferð til Danmerkur og svo síðast en ekki síst 3ja vikna ferð til Grikklands þar sem ég verð algjörlega mállaus útlendingur því ég tala víst hvorki pólsku né grísku. OMG ég verð að þegja í 3 vikur og vera prúð og kinka kolli og brosa og koma vel fyrir...

...margt og mikið gerst síðan síðast. Nokkrir skreppitúrar til Egilsstaða, þrotlausar æfingar fyrir leikritið, Dawid er orðinn stoltur Fjarðarbakkabúi, flutti stuttu eftir síðasta blogg og svo auðvitað frumsýningin. Já frumsýningin var alveg frábær og bara dagurinn allur sem byrjaði á generalprufu klukkan 13 svo það þurfti að mæta klukkan 11 í smink og hárgreiðslu. Svo var generalprufan sem eldriborgurum var boðið á og gekk hún alveg hæfilega brösulega, amk nóg til að allir væru sáttir því það þýðir víst að frumsýningin gangi vel. Eftir þetta skelltum við okkur í sund, pottana og gufu og enduðum sundferðina á að leika okkur með sundbolta, stelpur á móti strákum. Svo var slökunarjóga með Unni Óskars og að því loknu var bara kominn tími á að borða smá og fara aftur í smink. Snorri var mjög sáttur við daginn og sagðist aldrei hafa verið með svona rólegan frumsýningarhóp.

Frumsýning sjálf gekk alveg frábærlega, góð mæting, ekkert klúður sem talandi er um, salurinn frábær og krafturinn með ólíkindum. Eftir sýninguna þegar við fengum að tala við fólkið okkar byrjaði ég að skjálfa og fór næstum því að grenja, smá svona eftir taugakast eða hvað maður á að kalla þetta. Auðvitað var skálað í kampavíni á eftir og svo elduðu Maggi og Lilja lasagna og kjúklingakássu handa okkur öllum, að lokum var sungið og trallað og drukkið og hlegið og svo farið á Láruna þar sem gleðin hélt áfram fram á morgun. Það skemmdi ekkert fyrir gleðinni hvað fólk var duglegt að koma og þakka okkur fyrir og hrósa okkur og handritinu, þetta var bara eilíf sæluvíma. Ég ákvað svo að vera ekkert að fara í eftirpartý þó mig langaði því ég sá ekki fram á að nenna að labba heim og svo mátti ekki gleyma að önnur sýning var strax næsta kvöld. Hún gekk nú bara vonum framar, fólk ekkert mjög sjúskað og salurinn góður þó það væru fáir. Það vill nenfilega oft vera þannig að önnur sýning er léleg og mjög fáir mæta svo við vorum bara nokkuð sátt.

Það var mjög skrítið að fá svo tveggja daga frí, bara hvergi sem maður þurfti að vera allt kvöldið. Hvað átti maður að gera? Horfa á sjónvarpið vera með ástvinum? Eða fá flensu? Jú það síðasta varð fyrir valinu. Ekkert alvarlegt samt, er bara hrikalega tussuleg og hósta heilan helling. Tek bara hósatasaft og panodil fyrir sýninguna í kvöld því ég verð að standa mig alveg extra vel í kvöld því foreldrar mínir koma að berja mig augum. Svo á föstudaginn er lokasýning og þá ætlar Dawid að mæta aftur og taka myndir, gaman að eiga myndir af þessari lífsreynslu. Svo er þessari törn bara lokið en hver veit hvort maður verði með á næsta ári...

...svolítill tími liðinn síðan síðast en ég er samt ekki hætt, ó sei sei nei!

Skellti mér til Akureyra á laugardaginn fyrir páska með Dawid og fjölskyldunni hans. Skrapp í búðir og fékk mér að borða, sendum svo fjölskylduna heim því við áttum bókað herbergi. Byrjuðum á því að leggja okkur og gera okkur svo fín fyrir kvöldmatinn. Ég borðaði himneska nautasteik sem bráðnaði í munninum og drakk alveg hrikalega gott rauðvín með. Svo fórum við í göngutúr og á kaffihús og svo í bíó á 10.000BC. Mjög skemmtileg mynd en fólkinu í kringum okkur hefur örugglega ekkert haft gaman að því þegar ég var að þýða fyrir Dawid þegar fólkið var að tala einhverja fornísku og auðvitað bara íslenskur texti. Svo röltum við aðeins meira um bæinn, ætluðum á kaffihús aftur en nenntum því ekki og fórum heim að sofa. Sváfum eins lengi og við gátum morguninn eftir og fórum svo á Bautann og borðuðum alveg hrikalega góðan mexíkó hamborgara, svo var rúntað um og Akureyri skoðuð áður en var tími til að halda aftur heim. Hefði verið gaman að vera aðra nótt en það er líka gott að fara þegar er gaman svo ferðin verði eftirminnileg.

Þegar heim var komið var hamast við að byrja á páskaeggjum og svo drukkinn smá bjór og farið á Láruna. Gat nú ekki látið heila helgi líða án þess að koma við þar. Það endaði með mega fyllerí hjá öllum og smá misskilningi hjá sumum en allt fór sem betur fer á besta veg að lokum. Sumt fólk tekur bara eðlilegum samskiptum aðeins of alvarlega!!

Eftir páska varð ég svo veik...í 10 daga held ég. Lá bara alveg flöt, bruddi verkjapillur, drakk eplasafa of svaf. Allt sem ég gerði meiddi mig, meira að segja að ganga í joggingbuxum. Þetta voru ekki skemmtilegustu dagar lífs míns og langt síðan ég hef orðið svona hrikalega lasin. Vonanst til að endurtaka það ekki á næstunni. Tóks að smita mömmu ræfilinn og Gullu mína og þær urðu báðar alveg fárveikar í marga, marga daga.

Svo hafa öll virk kvöld og eftir hádegi um helgar farið í leikæfingar, þetta er allt saman að koma hjá okkur og bráðum verðum við stórstjörnur. Ég sýni að sjálfsögðu mikla hæfileika og stjarna mín á eftir að skína skært á fjölum Herðubreiðar. Ég lofa þeim sem mæta að þeir fá að sjá svolítið sem ekki hefur oft sést!!

Hvað er svo planið næstu daga? Jújú það er að baka pizzu með stelpunum og syngja í singstar, veit ekki hvort það er bæði föst og laug eða bara annað kvöldið. Svo er líka á döfinni að vera ekki drukkin á laugardagskvöld svo við Dawid getum gert eitthvað uppbyggilegt á sunnudaginn eins og að fá okkur brunch á hótel héraði eða farið í sund áður en leikæfingin byrjar. Ef við verðum extra snemma í því ætlum við meira að segja að skreppa í sviðsvinnu hjá leikfélaginu líka. Maðurinn segist vera vanur að mála og setja upp svið svo afhverju ekki að nota hann? Svo þurfum við líka að fara í Bónus ef Dawid fær íbúðina sem hann er að fara að skoða í kvöld, *krossa putta* sem er nú einmitt bara hérna í götunni svo ég get bara skoppað yfir á náttfötunum. Það væri nú gaman, vona að allt gangi vel, hann fái íbúðina og geti flutt sem allra fyrst inn því það er það sem hann dreymir um. Kannski ekki gaman að búa í marga mánuði hjá stóru systur og hennar familí.

En jæja þá er komið að mér að fara í bað og borða kvöldmat, alltaf gaman að þessu. Læt ykkur Reykvíkingana svo vita þegar leið mín liggur næst á suð-vestur hornið. Það verður samt kannski ekki fyrr en í júní því það er svo hrikalega mikið að gera hérna í firðinum, leikfélagsæfingar og svo sýningar, sumarbústaður og sjómannadagshelgi svo eitthvað sé nefnt fyrir utan þetta venjulega útstáelsi...

...nei það er ekki netlaust í firðinum fagra en alveg nóg að stússast. Hef gert ýmislegt síðan síðasta færsla var skrifuð. Skrapp auðvitað í borgina og stoppaði í viku, fór á djammið með Herdísi þar og auðvitað var það alveg hrikalega skemmtilegt. Fór líka í bíó og út að borða og allt þetta sem maður gerir í borginni, já og versla ég verslaði smá, en bara pínu ég lofa. Fór svo heim degi fyrr en áætlað var því elsku amma mín fékk heilablóðfall. Við tóku nokkrir erfiðir dagar þar sem fjölskyldan varði að mestu leiti við rúmið hennar á sjúkrahúsinu. Sunnudaginn 24. febrúar lést hún svo á rólegan og kvalarlausan hátt. Við tók mikil sorg hjá öllum og erfiður tími þar sem amma var höfuð og herðar í fjölskyldunni. Laugardaginn 1.mars var hún svo jarðsungin og eftir það var smá kaffi fyrir fjölskylduna og nánustu vini. Núna er mesta sorgin horfin en við tók mikill söknuður sem á eftir að vera í hjartanu um lengri tíma.

Ég hef verið dugleg að stunda yoga hérna á Seyðisfirði og svo höfum við pabbi byrjað að fá okkur einstaka morgunagöngur þegar hann er í landi. Ég ákvað líka að vera með í leikfélaginu og fékk hlutverk svo nú taka við þrotlausar æfingar sem taka upp flest völd þar til í byrjun maí. Mjög spennandi ef ég segji sjálf frá, vona bara að það verði mætt vel á sýningarnar. Svo er ég kannski að fara í 1 til 2 daga til Akureyrar um páskana. Bara svona að sýna mig og sjá aðra, skreppa kannski í bíó og keilu og eitthvað svoleiðis ef tíminn leyfir. Og svo þarf ég sennilega að koma til borgarinnar eina helgi í apríl en það fer allt eftir hvernig gengur að æfa leikritið þó ég sé búin að fá leyfi frá leikstjóranum ef ég lofa að fara bara ekki síðustu vikuna fyrir frumsýningu.

Fleira hefur gerst sem hefur breytt lífi mínu á stóran hátt því við Gunnar ákváðum að hætta saman eftir rétt rúmlega 3ja ára samband. Það var gert í mesta vinskap og höfum við oftsinnis rætt saman í símann frá því að þetta gerðist og planað að fara saman í leikhús þegar ég get stoppað aðeins lengur í borginni en 2 daga. Auðvitað er þetta skrítið en ég hef það sterkelega á tilfinningunni að við eigum eftir að vera góðir vinir um aldur og ævi.

Planið eftir páska er svo að byrja í ræktinni, verð nú að fara að vinna í að losna við þessi kíló sem eru eftir og virðast öll sitja á mallakútnum mínum. en fyrst er það eitt stykki páskaegg og með því...

...jæja alltaf jafn mikið fjör á Seyðis, amk um helgar á virkum dögum líður lífið áfram á sínum vanjulega hraða en um helgar er allt gefið í og þær líða alltof hratt. Síðustu helgi var mikið gaman hjá okkur stelpunum, spiluðum við kertaljíos og rómantík í rafmagnsleysinu, fengum okkur smá í glas, dönsuðum við norðmenn, pólverja og íslendinga, erum svo fjölþjóðleg hérna í firðinum, og heilmikið spjallað og hlegið. Ég datt tvisvar sinnum á hausinn um helgina, fyrra skiptið var ég búin að staulast alla leiðina heim í fljúgandi hálku en datt kylliflöt í bílastæðinu hérna og vissi af mér næst liggjandi hálf undir bíl!! Seinna skiptið var ég í brjálaðri sveiflu með Sævari heiðargæs, á sokkunum á parketlögðu gólfi að dansa við Johnny Cash. Ákaflega skemmtilegt og fjörugt þangað til hann sveiflaði mér eitthvað útí horn og ég bara í gólfið.

Næstu helgi verður svo daman í borginni. Jájá ekkert orðin svo mikil landsbyggðarbomsa að ég geti ekki skellt mér í borgina. Legg af stað keyrandi með Gunnsa, Lillu og Óla frænda eldsnemma á föstudagsmorgun og ætla að stoppa í svona viku. Ekki ennþá ákveðið hvort ég keyri með þeim austur aftur eða tek svona fljúgivél. Það hljómar reyndar betur því það er ekki svo gaman að sitja í bíl lengi en ég læt flugfelag.is ráða þessu, þe. hvernig verð þeir bjóða mér þegar ég þarf á því að halda.

Sem sagt allt í gúddí hérna bara, við heyrumst...

...ég er bara ennþá á Seyðisfirði í öllum snjónum, já það snjóar svoleiðis að maður hverfur aftur í tímann og fer að hugsa um alla góðu veturna sem maður átti sem barn. Ég auðvitað mætti á þorrablótið, hló og skíkti, dansaði og dillaði, drakk og...og...og...drakk! ;) Skemmti mér alveg ferlega vel, fattaði flest öll skemmtiatriðin og hitti fullt af góðu fólki og fékk að taka snúning með pabba og Geira frænda.

Annars líða dagarnir á Seyðisfirði bara áfram í einni rólegri heild, ég er dugleg að heimsækja ættmenni og er byrjuð í yoga og finn mér vonandi eitthvað meira að gera. Svo er ég búin að eignast aðdáanda og það er auðvitað kitlandi skemmtilegt svona í hversdagsleikanum. Láran var svo heimsótt á laugardagskvöldið í skemmtilega veðrinu sem var þá, þar var slatti af góðu fólki og það var voðalega gaman. Ég plöggaði svo partý, labbaði þangað, klæddi mig úr yfirhöfninni, labbaði upp, settist í sófann, stóð strax upp aftur, labbaði niður, klæddi mig í og labbaði heim. Ekki að það hafi verið leiðinlegt þar heldur fannst mér allt í einu bara vera kominn tími á að koma sér heim á leið. Já get einstaka sinnum haft vit fyrir sjálfri mér...

...jæja ekkert verið skrifað síðan um jól, já það er orðið svolítið langt síðan! Er auðvitað komin aftur í borgina og búin að vera í rúma 10 daga. Fyrstu dagarnir voru erfiðir, ég saknaði ættingja og vina fyrir austan og bara tilfinningarinnar sem ég fæ þegar ég er þar. En auðvitað var ég rosalega ánægð með að hitta Gunnarinn minn þó ég væri kannski ekki ein sdugleg að sína það til að byrja með og ég hefði átt að vera. Þannig að lífið hefur verið rólegt síðan ég kom, sofið mikið og kúrt en skrapp aðeins út um helgina. Kle bauð upp á rauðvín og Tia Maria kaffi á föstudagskvöldið og svo labbaði ég í bæinn ig beint heim aftur á laugardagskvöldið. Rosalega dugleg þessa helgi eða þannig en það var bara fínt og gott og gaman. En núna verð ég að koma með tilkynningu!!! Ég = einkabarn = uppáhaldsbarn er að fara á Þorrablótið á Seyðisfirði! :) Fer austur á laugardaginn en veit ekki hvað ég stoppa lengi. Við Gunnar vorum að ræða þetta og ef mér líður betur fyrir austan akkúrat núna þá ætti ég bara að vera þar aðeins, docsanum finnst þetta sniðugt líka en vill fá mig eitthvað suður og ef það verður af þessu þá sækir hún um styrk handa mér til að fljúga suður nokkrum sinnum, amk einu sinni í mánuði. Svo kannski verð ég komin með nóg af Sey eftir 1 mánuð og þá kem ég bara heim aftur í faðminn hans Gunnars en ef ekki ætlum við að hjálpast að við að borga far handa honum í heimsókn til mín. Hvernig lýst liðinu á þetta hjá okkur? Við erum ekkert að rífast eða hætta saman eða neitt þannig, allt gert til að andlega heilsan fari bara upp, upp, upp og hætta að vera í svona miklum bylgjum út og suður. Ég er að minnsta kosti spennt að vera að fara austur en er voðalega leið í hjartanu að vera að skilja Gunnar eftir svona lengi og fá ekkert knús og enga kossa og hafa engan að leiða eða röfla í nema í gegnum símann. En það eru kostir og gallar við allt og ekkert er alveg fullkomið en ég veit að við munum alveg lifa þetta af, sérstakelga ef við fáum að sjást 2 sinnum í mánuði...

...þó það séu jól get ég bara ekki sofið út! Þurfti að neyða sjálfa mig til að sofa til 9 í morgun. Þetta er auðvitað ekki hægt og ætti að vera bannað.
Auðvitað var aðfangadagur yndislegur. Bar út kort og pakka, fór í jólagraut, bar út kort með Gyðu, slappaði af, var illt í maganum, sofnaði aðeins, borðai besta jólamatinn, opnaði frábærar gjafir og fékk hele föðurfjölskylduna í heimsókn. Allt eins og það átti að vera fyrir utan magakrampana en það er nú ok fyrst allt hitt var í lagi. Fékk 1 bók í jólagjöf, pasmínusjal, smá glingur, 2x litla care bears, Georg Jensen jólaskraut, tösku, tölvuleik, dvd mynd, bók með myndum af mér og vinum mínum, sokka, inninskó og peninga. Svo á ég 2 pakka í borginni og svo fengum við Gunnar Soda Stream-vél saman frá tengdó. Eins og þið sjáið get ég ekki kvartað yfir þessu, óvenjumargar gjafir og allar voðalega góðar! :) Svo var árlegt jólaboð hjá Lillu og Gunnsa í gær og ég borðaði helling af heitri aspas-rúllu, meina fæ bara svoleiðis einu sinni á ári. Fór svo heim og lagði mig til...11 um kvöldið...ahhhh gott að lúlla. Smá jólarúntur með Gyðu og Klemensi og svo bara að kveðja Gyðuna sem er á leiðinni aftur til Danmerkur að hitta ástina sína einu og fara í skóla. Í dag hefur verið afslöppun en ekkert lúll, skrapp til ömmu og hef svo bara hangsað yfir tölvuspili og sjónvarpi. Er samt hætt að hafa þolinmæði í að glápa mikið á sjónvarpið en hver veit kannski lagast það þegar við fáum loksins útsendingu í kjallarann okkar. En samt, er það eitthvað sem maður vill að lagist? Í kvöld koma svo amma og Óli að borða hjá okkur og svo er bara bjór og gaman í alla nótt. Annar í jólum er löglegur djammdagur, held meira að segja að það standi í nýja dagatalinu mínu frá Glitni...


...þessi fór í dag og verður sárt saknað en næ vonandi að hitta hana þó það verði ekki nema einn dagur næsta sumar...



...þessi á afmæli í dag og hennar og familíunnar er líka sárt saknað og maður finnur mest fyrir því á svona stundum en í sumar fæ ég kannski að hitta þau öll... :)

...komin í fjörðinn fyrir löngu síðan, já vikan bara þotin hjá og ég alltaf að bralla eitthvað með foreldrunum. Reyni að vakna snemma en legg mig líka oft eftir hádegið, er svo kósí svona á meltunni þið skiljið. Allt skraut komið á sinn stað, var að enda við að skreyta jólatréið og hengja upp bjöllur og svona dótarí sem var eftir. Foreldrarnir komu ekki seríunni á tréið þannig að bjútíblundurinn styttist aðeins svo ég veit ekki hvort ég verð nógu sæt í kvöld. Er sko boðið í samsæti hjá Klemensi með gamla hópnum, svo er annað samsæti hjá Hersdísi og ég kíkji þangað ef sá gállinn er á mér. Annars var síðasta helgi alveg ágæt bara eða meira en það ef satt skal segja. Jólahlaðborð á Skaftfelli með mömmu og pabba á föstudagskvöldinu þar sem maður þurfti að passa sig á að taka lítið af öllu og það var samt of mikið!! Svo heim að spjalla við Guðlaugu og svo á Láruna að hitta Ívar og fleira skemmtilegt fólk sem fylgdi með í "partý" hjá Óla Mundu. Á laugardaginn var svo pizza hjá Örnu "litlu", bjór og spil og spjall og hlátur og gaman, glens og grín. Svo heyri ég auðvitað í Gunnarnum mínum á hvernjum degi, þurfti aðeins að skamma hann um daginn en venjulega er ég voðalega blíð og góð eins og mín er von og vísa þarf bara stundum aðeins að hvessa röddina svo það sé hlustað á mig. Ekki alltaf nóg að tala bara hátt! En Gúa Jóna tilnenfdi mig víst til að segja 7 staðreyndir um mig svo hérna koma þær:

1. Ég græt af gleði og sorg, gamani og alvöru, teiknimyndum, Sci-Fi og hryllingsmyndum. Þetta er stundum svolítið vandamál en ég er að reyna að sætta mig við þetta "vandamál".
2. Er lík ketti að því leiti að ég get sofið 16 tíma á sólarhring.
3. Get sitið allan daginn ein heima án þess að kveikja á útvarpi eða hlusta á tónlist, þögn er svo afslappandi fyrir svona ofvirkan hug eins og ég hef.
4. Er eyrnalokka sjúk, helst nógu mikið glingur. Á mjöööög stóra hrúgu.
5. Er alltaf að heyra að ég tali bæði hátt og mikið svo það er víst staðreynd líka.
6. Ég get farið út eins og ég stend ef ég þarf þess, ómáluð í arababuxum með skítugt hár og svitalykt. Ekki fallegt en satt, fer þó yfir leitt ekki langt, bara að kaupa mér eitthvað að éta.
7. Svara oft ekki í símann í marga daga og allir fara að fá áhyggjur og lesa inn á talhólfið og hringja í Gunnar. Erfitt en stundum þarf maður bara pásu!

Sko 7 staðreyndir um mig svo allir ættu að vera ánægðir! :) Ég prófa að tilnefna einhverja og vona að þetta haldi aðeins áfram, er svo forvitin! Tilnefni Gyðu, Skytturnar 3 (þær ráða sjálfar hvort þær gera þetta allar eða bara ein þeirra) og Klemens. Keep up the good work...

...þá eru flest allt komið ofan í tösku...rnar sem ég tek með mér austur. Vátsí mikið af drasli en ég má það því það eru jól og ég ætla að stoppa svo lengi. Ég hef lengi reynt að vanda mig við að taka lítið með mér sem hefur sjaldan tekist alveg en núna ákvað ég bara að sleppa mér alveg og bara tróð öllu sem mig lysti niður. Allar gjafir líka komnar í hús, en þær eru svo margar að ég þarf að senda kassa með póstinum! Var reyndar að versla fyrir mömmu og pabba líka svo það er ekki bara að ég sé að fara yfir um í gjafakaupum. Svo var kvöldkaffi hjá tengdó, hún útbjó að sjálfsögðu mat fyrir að minnsta kosti 15 manns en við vorum bara 6 sko og svo var hún alveg standandi hissa á öllum afgangum!! Brunað í bíó eftir það að sjá Beowulf í þrívídd, rosalega flott og mikil upplifun og ekki laust við að manni brigði nokkrum sinnum, sérstaklega þegar spjóti var skyndilega otað alveg upp í andlitið á manni. Ég hafði persónulega aldrei farið í svona 3-D bíó áður svo ég var voðalega glöð og ánægð og ekki sakaði að sagan var ekkert leiðinleg heldur, varla dauður punktur þar á ferðinni. Svo það er búin að vera alveg þétt pökkuð dagskrá í dag og morgundagurinn verður eitthvað svipaður. Klipping í fyrramálið, svo að kaupa límband og heim að pakka inn 2 stk gjöfum, út aftur og senda gjafirnar, láta laga myndaalbúmið í tölvunni minni og kaupa mér krem og svo bara *vússssss í 1 klst* og ég bara komin á héraðið og svo *brummmmm* í 20-30 mín og ég bara komin heim á ættaróðalið í faðm fjölskyldunnar. Þetta er ekkert leiðinlegt plan sko...

...alltaf er ég að skirfa á nóttunum. Svaf í allan dag því ég fór á djammið með Herdísi og félögum á laugardaginn. Svo þegar ég vaknaði loksins var ég alveg frá í maganum og sat leeeengi á klóinu með dagblað og fór svo aftur að kúra mig. Var meira að segja svo slöpp að ég kveikti ekki á dvd í tölvunni svo þetta hefur verið frekar slæmt. Föstudagskvöldinu var varið í rólegheit, verslað smá í Smáralind, lesið hann/hún og Cosmo og svo bara í rúmið. Ætlaði nú heldur ekkert út á laugardaginn en eftir fegurðarblundinn sem ég tók um kvöldið var ég bara í einhverju stuði til að sýna mig og sjá aðra. Ég skellti líka jóladúkum á sjónvapsbekkinn og stofuborðið, setti upp jólatréð, gerði aðventudstjaka og kveikti á aðventuljósinu svo nú er voða jóló hjá okkur. Keypti líka jólahafra/geitur í Söstrene Grene, 3 stærðir og kostaði samtals um 1000 kallinn. Mjög billegt og skemmtilegt! :) Ég er að minnsta kosti sátt við mitt, langar auðvitað að hafa allt undirlagt í jólakskrauti en íbúðin ber það sem komið er alveg ágætlega. Ahhhh gleymdi skreytti líka kaktusinn með rauðu pakkabandi og litlu gullskrauti sem amma gaf mér, hengdi afganginn út í glugga...

...jæja var aðeins að taka til á blogginu mínu, setja myndir og svona og er bara nokkuð ánægð? Hvað finnst ykkur um þetta? Lagaði linkana fyrir svolitlu síðan og svo bæti ég myspacinu inn þegar það verður tilbúið, er alls ekki notendavænt forrit!!! Er orðin dauðþreytt enda klukkan orðin rúmlega 3! Þetta er samt búið að vera notalegt kvöld, fyrst hittingur og rúntur með Herdísi, svo langt spjall við mömmu og pabba og svo að lokum tölvudund og spjall við Gunnar og undir hljómuðu jólalög. Er búin að hlusta á 108 jólalög í kvöld!

Svo er það mynd af dísinni minni góðu...

Herdísin mín góða passar upp á lúkkið, er hún ekki sassy?

...helgin var í rólegri kantinum, dvd og nammi og snemma að sofa. Það var ákaflega gott og þarft og ég er fegin að enginn hafði fyrir því að ná mér út á lífið enda er ég aldrei þessu vant næstum því viss um að það hefði ekki tekist!

Er aðeins byrjuð að jólast hérna heima. Fór í Ikea og Rúmfó með Klemensi um daginn og keypti aðventuljós, 2 dúka og kerti til að setja á aðventudiskinn. Það verður ekki mikið um skraut í ár en eitthvað smá samt. Ætla að fara að taka stofuna í gegn og setja upp litla tréið mitt og svoleiðis, ætla samt ekki að segja að ég geri það á morgun því þá geri ég það alveg pottþétt ekki á morgun! Jólaði smá til í eldhúsinu í dag, setti dúk á borðið og mandarínur í skál. Eldhúsið er svo lítið að þetta var alveg nóg til að gleðja mig! :) Ætla samt að setja seríu og kannski greni í gluggann líka. Leiðinlegt að það verður allt í drasli inni í svefnherbergi yfir jólin því við höfum ekki efni á kommóðunni fyrr en eftir jól en þá er bara að loka hurðinni og vera fljótur að gleyma! :D Verð reyndar með bókakassa í stofunni líka þangað til eftir áramót en þá á líka að kaupa eina hillu enn. Úff kaupa kaupa kaupa!!!

Fór í yndilsega heimsókn til Dönu og Sverris í gær, Dana tók að s jálfsögðu vel á móti mér og fyllti borðið af góðgæti og ég tróð mig út, var frekar þung á mér þegar ég fór heim. Svo var loksins farið í Bónus í dag og ísskápurinn hálffylltur og geymsluskápurinn troðfylltur. Get nú ekki haft allt tómt þegar ég yfirgef karlinn í næstu viku. Svo hringdi Herdís og við fórum á Vegamót og fengum okkur smá að narta og svo langan jólarúnt alveg út um allt, vesturbæ, Skeljanes, Hafnafjörður og allt þarf á milli. Okkur tókst meira að segja að villast á Völlunum í Hfj, enda auðvelt að ruglast því það er hringtorg á 50 m fresti!! :S

Sit núna bara og hef það gott, hlusta á jólalög og röfla í Gunnarnum mínum, hann er svo þolinmóður þessi elska. Held reyndar að hann heyri e kki helmingin af því sem ég segji, þarf amk oft að segja HA?!?! þegar ég vill fá svar...

...mér er illt í mænunni...
í orðsins fyllstu merkingu, hlýtur að vera lægð yfir Íslandi...eða what ever...!!! Er vöknuð snemma að venju *hóst*, hef reyndar verið að vakna snemma undanfarið en verð svo þreytt á þessu annaðslagið að ég sef í svona sólarhring á milli, er það ekki bara sniðugt?? Jújú. Borðaði súkkulaði rúsínur í morgunmat og það var gott, er á svo miklum túr að ég á það alveg skilið, held að pampers sé málið í dag! Er að bíða eftir að geta farið að vekja manninn minn því ég er að vera einmanna, búin að hanga í tölvunni í 2 tíma. En hann má víst sofa út því fyrirlestrinum í morgun var aflýust, heppni og einmitt þegar ég var búin að vera með rosalega ræðu um að vera duglegur í skólanum. Var að reyna að hringja í múttu mína áðan svo við gætum fengið okkur morgunkaffi saman en hún svaraði bara ekki, hefur örugglega þurft að fara á aukavakt, alltaf nóg að gera í HSA - eldhúsi. Fer alveg að ákveða hvenær ég fer austur, fékk fréttir í gær um að læknirinn sem tók við af lækninum mínum tók ekki við öllum sjúklingunum hans. Hefði kannski verið hægt að láta vita aðeins fyrr því ég er búin að reyna að vera að fá tíma síðan í lok ágúst!!! Svo nú get ég leitað eitthvað annað og þarf ekki að hafa áhyggjur af þessu þegar ég panta flugfarið mitt. Vildi bara óska að Gunnar kæmist með austur en hann ætlar að vera geðveikt duglegur að læra og svo geðveikt duglegur að vinna á jólamarkaðinum hjá Nexus svo hann eigi fyrir fallegum jólapakka handa konunni sinni. Hahahaha skrifaði fyrst fólapakka, ég er líka óttalegt fól...

...þreif hvorki baðherbergið né fór í Bónus í gær sökum magakvala, var bara alveg frá og leið eins og ristillinn væri að reyna að komast út. Frekar óskemmtilegt eitthvað! Í sárabætur bauð Gunnar mér á rúntinn um kvöldið og það var bara hressandi. Ég hlakka til þegar verður komið upp meira af svona fallegu dúlleríi. Verst að geta ekkert skreytt sjálf, bý í niðurgröfnum kjallara en ég held að þau hérna fyrir ofan séu nú eitthvað byrjuð á þessu svo þetta er ekki alveg ónýtt. Ætla samt að reyna að koma upp aðventuljósi ef þetta lága sem ég sá í jólabæklingi Ikea er ennþá til, þessi venjulegu "húsa" aðventuljós eru held ég of stór fyrir gluggana hérna...eða hvað? Var að hækka á ofninum í stofunni, fannst vera orðið eitthvað svo kalt hjá okkur, kannski ekki nema von þar sem það voru mínus 7 þegar ég var úti. Ég er farin að hlakka alveg svakalega til að fara heim um jólin, get varla beðið og langar helst að fara bara á morgun en á móti langar mig ekkert að fara frá honum Gunnari alveg strax. Þetta er snúið! Er samt að hugsa um að vera lengi, kannski svona mánuð, þá hlýtur þessi Seyðisfjarðarþrá aðeins að minnka. Gunnar var reyndar að spurja hvort ég yrði ekki heima þegar við eigum 3ja ára afmæli þann 15.janúar svo kannski er hann að bauka eitthvað karlinn *spennt*. Jæja ennþá rúmur mánuður í það svo það borgar sig ekki að vera að hugsa um það alveg strax. En ég er orðin svo spennt að gefa Gunnari jólagjöfina sína að ég var næstum bara búin að gefa honum hana um daginn, meina er búin að vera með hana í felum síðan í ágúst og núna er ég bara alveg að deyja...

...hef bara ekki farið í vont skap síðan ég bloggaði síðast, hef greinilega skirfað það frá mér! :) Já já þrif og aftur þrif, þetta hefst, geri bara smá í einu en þetta er svo leiðinlegt!! Geri allt nema vaska upp, ég geri það bara ekki! Finn á mér að eitthvað gerist í dag fyrst ég er vöknuð svona snemma, kannski ég taki baðherbergið í gegn, ætti ekki að taka nema svona 10 mínútur. Ég er reyndar ekki vöknuð snemma af því að ég er í góðu skapi eða afþví að ég sjái fram á að gera eitthvað sem þarf að gera í dag heldur vegna þess að ég fékk í magann! :S Vaknaði við þau óskemmtilegheit, ætti að banna svona!!! Sit hérna í keng við tölvuna og þamba sótavatn og vona að allt verði komið í lag fyrir bónusferðina sem er á planinu í eyðunni hans Gunnars eftir hádegi. Jájá lífið er bara bjart í dag þó það sé ennþá dimmt úti. Ætla a ð hringja í pabba og koma honum á óvart með að ég sé vöknuð svona snemma...

...það er hræðilegt ástand á þessu heimili og þá meina ég ekki bara að aðalkarlinn sé lasinn. Það þarf að vaska upp, þvo gólf og baðherbergi, brjóta saman þvott og koma einhverju úr þvottakörfunni í þvottavélina (karfan er meira að segja rifin það er svo mikið í henni, en örvæntið ei, er búin að kaupa nýja). Það þarf líka að skipta á rúminu, henda lakinu (það er rifið ekki svo skítugt að ég haldi að það náist ekki úr), fara í Ikea og kaupa kommóðu svo það sé hægt að ná draslinu upp úr ruslapokum sem það er búið að vera í síðan við fluttum hingað. Fékk hrikalegt geðvonskukast yfir þessu öllu í gær og já það var eftir að ég tók lyfin inn, fór svo bara að grenja og horfði á teiknimyndir eftir að ég hafði sogið upp í nefið og svæft Gunnar. Þessvegna hef ég ekkert gert í dag nema liggja í sófanum með mismikilli meðvitund og hlusta á Ducktales og knúsa Lúlla (ekki pláss fyrir Gunnar í sófanum og svo er hann lasinn). Rétt áðan færði ég stofuborðið og fann hlunka af ló svo að ég verð að fara að gera eitthvað í þessu. En málið er að ég neita að vera sú sem gerir öll heimilisstörfin og allt leit sæmilega út þegar ég fór austur svo Gunnar er skikkaður til að taka þátt en ég hafði það bara ekki í mér að vera að pína hann meðan hann er lasinn, sár og aumur karlgreyið. Og afhverju get ég ekki verið húsleg í mér? Afhverju hef ég ekki gaman að því að sveifla umhverfis mig rökum afþurrkunarklútum og að ríða um á kraftmikilli ryksugunni? Og afhverju geri ég ekki það sem ég hef gaman að eins og dúllast í útsaumi, elda og baka, lesa og spila tölvuspil, hreyfa mig og hitta fólk. Í staðinn sinni ég tveimur áhugamálum alltof mikið og það er að kúra mig undir kærleiksbjarnasænginni minni og horfa á teiknimyndir. Allt er víst gott í hófi!

Svo er það þessi blessaða kommóða sem ég er alltaf að reyna að kaupa, reyndi í byrjun september en þá var liturinn sem ég vildi ekki til í þeirri stærð sem ég vildi. Fékk sms stuttu seinna um að hún væri komin, við brunum frekar löngu seinna í Ikea en engin kommóða og ég varð pirruð yfir að hafa verið svona lengi á leiðinni og misst af henni en nóbbs þá kom upp úr krafsinu að hún hafði aldrei komið, einhver mismerking á gámnum og von á henni eftir 11 vikur. 11 VIKUR!!!! Það er langur tími en ég ákvað að bíða eitthvað lengur en var samt að horfa í krignum mig út um allt eftir annari sem ég mundi falla fyrir. Er semsagt búin að fá sms um að hún sé komin í hús og vitið menn þá á ég ekki pening. Frjáls framlög vegna kommóðukaupa velþegin.

Ég er pirruð við Ikea og pirruð við sjálfa mig og pirruð yfir að svona fáir kommenti á bloggið mitt þó að þónokkrir virðirst skoða það á hverjum degi og pirruð yfir látunum í ísskápnum sem byrjuðu um daginn og bara PIRRUÐ yfir höfuð og það er engum að kenna akkúrat núna, er ekki einu sinni búin að taka inn lyfin í dag! Best að vinda sér í það og vona það besta, sem betur fer fyrir Gunnar er hann sofnaður...

...veit ekki hvernig veður er í Reykjavíkinni því ég hef ekki kíkt út um gluggann síðan ég kom á fimmtudaginn. Gunnar var með allt dregið fyrir og það hefur passað skapvonskunni minni ágætlega. Var hálf lasin þegar ég kom og hélt nú að það yrði komið í lag fyrir laugardag en neibbs var slöpp og öfugsnúin sem aldrei fyrr. Ef ég hefði vitað þetta hefði ég nú stoppað aðeins lengur heima hjá mömmu og látið hana hugsa um mig. Gunnar heldur að skapvonskan sé vegna lyfjanna sem ég var að fá aftur eftir smá hlé, segir að ég hafi verið svona líka þegar ég byrjaði á þeim guð má vita hvenær, rúmlega mánaðar hlé og allt aftur á byrjunarreit. Missti af dilissíus kjúllasúpunni hans Klemensar og Páls Óskars-djammi á Nasa og það gerir mig ekkert betri í skapinu!!! *ARG*

Annars er mig farið að langa til að föndra eftir að hafa skoðað og lesið bloggið hennar Gúu Jónu, hún lætur þetta virka svo auðvelt, bara *vifff* og þá er búið að töfra fram sokka og kramarhús eins og ekkert sé. Mann fer líka að langa til að innrétta allt upp á nýtt en hérna eru hvorki góðir flóamarkaðir né peningar í veskinu til að gera eitthvað þannig. Held reyndar að allsherjar þrif myndi gera helling fyrir útlitið því Gunnar var ekki að hafa áhyggjur af svoleiðis smotteríi meðan ég var í burtu! Mig langar líka að fara að gera smá jólalegt hjá mér en hugsa að ég bíði með að setja upp litla tréið mitt þar til 1.des. Vildi að ég gæti sett upp stóra tréið mitt og allt fallega skrautið sem ég á á Seyðisfirði. Svo sem ekkert vandamál að setja það upp, vandamálið er hvar það ætti að geyma það þegar jólin eru búin. Kannski svolítið dýrt að vera að senda það fram og til baka fyrir nokkra daga...

...jæja mín bara sest við skirftir eftir langt hlé. Ástæðan hefur ekki verið leti eða að ég hafi ekki haft neitt að segja heldur netleysi. Já búið að vera heldur betur bras á þessu hjá okkur, línan vitlaus tengd hjá köllunum, síminn og rhí sendu okkur fram og til baka og svo voru ráderarnir eitthvað að stríða okkur en núna er þetta alveg að koma, vonandi meira að segja fyrir helgina bara. Ástæðan fyrir að ég get bloggað núna er sú að ég blikkað ofurfallega til pabba, sem brosti til mömmu sem tók upp visa kortið og þess vegna er ég bara á Seyðsifirði og ætla að stoppa í svona viku. Hef reyndar tilkynnt Gunnar að ég komi ekki heim fyrr en það verði búið að vaska upp. Ég hata að vaska upp, hata það meira en að ryksuga, og núna er vaskurinn yfirfullur og hálf pizza þar í þokkabót. Var að reyna að bjarga kotasælunni frá vísum dauðdaga og pizzan datt í vaskinn og hengdi sig á kranann. Mjög smekklegt.

Smá fréttir af íbúðinni, hún er 45 m2, lágt til lofts, ljós og létt með sjálfskúrandi eldhúsgólfi, ekki allir með svoleiðis sko!! Svo er fallegur rauður póstkassi fyrir utan sem kemur aldrei neinn póstur í. Það er reyndar gólfkuldi því allt er flísalagt en inniskórnir sem ég fékk í jólagjöf frá tengdó í fyrra hafa alveg reddað mér. Ef ég læt laga myndaalbúmið í tölvunni minni get ég kannski tæmt myndavélina og þá tekið myndir og sett inn en ég lofa engu því hjá mér tekur allt sinn tíma....og hvaða tími er núna? Jólagjafatími!!! Ég er alltaf að pæla og spegúlera í jólagjöfum, búin að ákveða sumar og kaupa þrjár. Er reyndar ekki farin að hlusta á jóllög eins og frænka mín á Landamótum, reyni að sleppa því þangað til í desember svona til að æra ekki aðra en ég er voðalega hrifin af jóladótinu sem er komið í búðirnar og jólaljósin, það er farið að hengja upp jólaljós!! :)

En held að ég sé komin með ritræpu, svo ég segji þetta bara gott. Vona að fólk hafi ekki alveg gefist upp á að kíkja hingað inn, þangað til næst...

...komin heim eftir frábæra ferð til Danó. Heimferðin var mjög skemmtileg líka, fyrst lest til Hjöddu með Gyðu, stopp þar í nokkra klukkutíma og fékk pönnsur og öl á eftir. Svo var lesti til Köben þar sem ég sat með sex 18 ára strákum sem voru á leið á fótboltaleik. Þeir buðu upp á 3 öl og fullt af spjalli svo tíminn leið mjög hratt. Á flugstöðinni gaf íslensk stelpa sig á tal við mig og við vorum samferða í gegnum fríhöfnina og spjölluðum þar til við fórum í vélina. Svo fékk ég að sitja ein alla leiðina heim og hafði það mjög gott, borðaði góðu bolluna frá Hjöddu með grænmeti og tómötum beint úr garðinum hennar og las alveg heilan helling, svaf ekkert þótt undarlegt sé.

Og svo vorum við að flytja, tók 2 daga að flytja allt og þrífa. Núna eigum við fulla sotfu af dóti og hálf fullt eldhús líka. Verður mikil vinna að koma þessu öllu á sinn stað en það er samt skemmtilegra að koma sér fyrir en að flytja allt! :) Ég svaf mjög vel fyrstu nóttina, amk eftir að mígrenið hætti, fékk rosa kast þegar við vorum í bíó og varð svo ómótt og kastaði upp þegar við komum heim og ég veit ekki hvað og hvað.

Fórum á Astrópíu, að sjálfsögðu áttum við boðsmiða enda merkilegt fólk! ;) Þetta er vægast sagt alveg stór glæsileg og skemmtileg mynd og ég varð ekki fyrir vonbrigðum. Hún var bara skemmtileg og ég held að ég geti horft á hana aftur og aftur og aftur, svona svipað og Sódóma Reykjavík. Ætla að eignast hana þegar hún kemur út á dvd (die video die, hahahahahaha). Jæja er niðri í Nexus því við erum að sjálfsögðu ekki komin með netið á nýja staðinn, best að hætta og fara að gera það sem ég ætlaði að gera á netinu...

...ta er bara bloggad fra Denmark. Buin ad gera slatta, slaka a, drekka øl , borda english breakfast, versla helling, fara i brudkaup og veislu og skreppa i heimsokn. A morgun er planad ad fara i den gamle byn (Arbæjarsafn) svo eg sjai eitthvad annad en bara innvolsid i verslunum bæjarins. Eg er buin ad hafa tad alveg otrulega gott herna hja Gydu, sofinn tæginlegur, kokkurinn vinalegur og auvitad rosalega kokkamatur a næstum hverju kvøldi. Verst er ad eg hef ekki sofid neitt serstaklega vel, hef reyndar ekki sofid almennilega sidan adur en eg for til Dano en tetta hlytur ad fara ad koma, held eg se a godri leid med ad verda utkeyrd af svefnleysi. En eg get ekki kennt mottøkunum sem eg hef fengid um tad. Hlakka samt alveg til ad koma heim aftur tott mig dreymi um ad flytja aftur til utlanda, ja tetta er flokid. En audvitad hlakka eg til af fa nyju ibudina og hefja alveg nytt lif med Gunnari minum og fa ad rada (mest) øllu sjalf um innrettingar og tannig. Ekki svo ad skilja ad mer hafi mislikad ibudin i Stigahlid og mer finnst dotid hans Klemensar falleg en tad er ekki mitt dot. Tid skiljid tetta alveg er tad ekki? Veit samt ad tetta verdur skritid til ad byrja med, minni felagskapur og tannig en veijhu vid verdum bara 2 i fyrsta skiptid sidan vid byrjudum saman fyrir 2 og halfu ari. Samgledjist tid okkur ekki...

...ok mjög langt síðan síðasta bloggfærsla var en vott ðe hekk ég var í sumarfríi! Var á Seyðó í 6 vikur að hafa það rosalega gott, var einmitt þar um versló og það var mjög gaman, fullt af fólki úti og dj-ar og allur pakkinn. Svo kom ég suður aftur og fór á gay-pride, gönguna, út að borða og ballið. Má engu slepp sko! Svo slappaði ég af í nokkra daga og svo var afmælispartý og annað partý daginn eftir svo það var nóg að gera. En þetta er í góðu lagi því þ að er ennþá sumar og alvaran tekur ekki alveg strax við aftur.

Vorum að skoða íbúð áðan og festum okkur hana, skrifum undir á morgun. Hún er á Miklubraut og bara nokkur skref frá Móu þegar hún er á klakanum. :) Er í kjallara og lágt til lofts en allt annað alveg dásamlegt og flott og nýtt og súper bara.

Svo er ég að fara til Danmerkur ekki á morgun heldur hinn. Ætla í bryllup og sól og bjór og búðir. Ég hlakka mjög til en alltaf þarf að vera eitthvað annað sem mann langar að gera líka. Núna er Hlíf Ösp á Íslandi og ég missi af henni því ég verð í Danmörku, svo ég þarf bara að halda áfram að safna og reyna að fara sem fyrst í Svíþjóðarferð. Reyndar getur verið að við náum að hittast í nokkrar mínútur kvöldið sem ég kem heim en hún fer einmitt fyrir hádegi næsta dag.

En já bara gleði gleði hérna megin, eina sem ég kvíði fyrir að borga svona miklu meiri leigu en ég er vön. Það er vont en það venst...

...sumarbústaðurinn var æði, mættum þarna á milli 20 og 21 og byrjuðum að hakka í okkur snakk og nammi og belgja okkur út af veigum. Það stóð til að verða 6 með tilheyrandi sögum og sykurpúðasteikingum. Eftir stuttan svefn fór kvenkyns liðið á Akranes að kaupa eina sítrónu, bættust reyndar við sykurpúðar og eitthvað að drekka í leiðinni en ferðin var farin fyrir sítrónuna. Svo kom ég heim og lagði mig í 2 tíma, var vakandi í smá stund en ákvað að kúra aðeins lengur. Svo grilluðum við handa 14 manns og svo lagði ég mig, svo hrofði ég á næstum 1 bíómynd og drakk 1 lítinn bjór og svo fór ég að sofa. Þvílík var afslöppunin og sælan í sveitinni og ég fann að ég bý við umferðagötu því þögnin var svo afslappandi. Var reyndar miss leiðinleg á sunnudeginum og kúrði leeeeengi, svo var grillað, tekið til og burrað heim aftur. Var alveg endurnærð en næst er ég að hugsa um að koma gönguferð og spilum inni í myndina líka.

Fór í heimsókn áðan til vinkonu sem ég hef ekki séð svo lengi að það mætti halda að hún byggi ekki í sama bæjarfélagi og ég. Já eftir Ikea og stutt stopp í Smáralind með Klemensi lét ég hann skutla mér til Möddu. Hún bauð upp á sterkt kaffi og skemmtilegt spjall og ekki var verra að Elís kíkti við líka. Gaman að slúðra smá og fá veður af lífi annars fólks og hætta að hugsa um þokuna í sínu eigin lífi.

Var að panta far austur áðan, fer 30.júní og lengdin á stoppinu er óákveðin en að minnsta kosti til 22.júlí því ég er búin að lofa Röggu frænku að hjálpa henni að elda á Lunga. Gunnar kíkjir svo við þegar hann getur og stoppar vonandi í ca 2 vikur og verður þá yfir Lunga líka. Smá sumarfrí handa greyinu.

Svo býð ég bara með tær og fingur, hendur og fætur krossaðar yfir að við fáum inni á stúdentagörðunum. Ef ekki veit ég ekki hvað við gerum því leigumarkaðurinn er svo svakalegur og alls ekki fyrir fólk með lítil fjárráð. Allir að krossa allt sem þeir geta til að færa okkur smá lukku...

...jæja þá er mín búin að fjárfesta í einu stykki sundbol og fara einu sinni í sund. Var mega duglega og synti í hálftíma og það var erfitt því laugin var 50 metrar og alltof fáir bakkar til að hvíla sig á. En þetta tókst og fékk ekki einu sinni harðsperrur. Er aftur á móti með harðsperrur í dag eftir að Klemens viðraði mig í gær. Tókum þennan svaka sprett upp í Öskjuhlíð, niður að Nauthólsvík og langleiðina vestur í bæ. Mjög hressandi og gaman og ég er bara mjó í dag, ég er að segja ykkur það!

Er annars að drepa tímann áður en við förum í bústað með Mikka og Herdísi. Ætlum að eyða helginni í Hvalfirðinum og vona að veðrið verði gott svo ég geti tekið smá sólbað á þetta. Það vantar að vísu því miður heitan pott þarna en við bætum það upp með bjór...

...það er búið að vera að rukka mig um blogg svo hérna kemur eitt sjóðheitt! Mamma og pabbi aðvitað löngu farin austur aftur eftir yndislega daga í borginni. Perlan var frábær og meira en það, þvílík þjónusta, þvílíkur matur, þvílíkur snúningur.
Fyrst fengum við reykta hörpuskel með spínati og styrjuhrognum.
Svo var forrtétturinn, ég fékk mér hvala carpaccio. *slurp*
Svo kom milliréttur, það var bakaður rjómi með sultu ofan á sem hreinsaði vel bragðið úr munninum.
Í aðalrétt fengum við okkur öll gómsætar krónhjartarlundir
og í eftirrétt fékk ég mér créme brulé.

Omg hvað þetta var allt saman gott, eftir matinn fórum við svo á barinn og fengum okkur tvo drykki hvert áður en við fórum heim til okkar í rauðvín og viskí og svo á bæjarrölt til 5 um morguninn. Gamla settið kann þetta sko alveg ennþá!!

Hef lítið gert undanfarið nema hanga inni í herbergi, er með eitthvað sumarþunglyndi sem er að sleppa af mér takinu í þessu töluðu orðum. Hef ekki haft lyst eða getu til að hitta nokkra sál og hvað þá að fara út úr húsi, jesús minn nei nei nei.

Klemens er kominn heim úr sveitinni og enginn friður fyrir honum, *djók* Ívar kom brunandi með honum suður því mamma hans varð 60. Alltaf gaman þegar hann lætur sjá sig í borginni. Við Klemens fórum á '90 djamm á Nasa en stoppuðum stutt, tókum samt nokkur vel valin dansspor áður en við röltum annað. Eða ég ætlaði annað en varð svo full að ég fór bara heim og kynnti mig fyrir frú fötu. Bölvað að gleyma sér svona yfir rauðvínssullinu, við kláruðum næstum því kútinn á einu kvöldi! Var hálf tussulega fram eftir degi, fór í Kringluna í mínu fínasta pússi aka rifnar íþróttabuxur girtar ofan í sokkana og gömul spútnik peysa. Var að borða Seranos þegar ég þurfti að hlaupa inn á klósett og æla. Það var mikið glápt á mig þegar ég kom fram til að skola munninn. En eftir þetta var ég bara hress, kláraði matinn minn og fékk mér sjeik og keypti bjór og allt hvað eina. Fór samt ekkert út um kvöldið, Ívar og Kle fóru í heimsókn og svo í aðra heimsókn og ég var bara ein heima með Gunnari, leið og fór að sofa. Gaman að því er það ekki?

Ég er alltaf á leiðinni í bæinn að kaupa mér sundbol. Á þetta fína íþróttabikiní sem ég treysti mér ekki út í eins og magamálin standa akkúrat núna. Því er nú verr og miður! Hef samt mikla löngun til að flaksa kroppnum mínum frama í alla í sundlaugum borgarinnar og hver veit nema ég taki smá sprett líka (ætli sprettur sé orðið sem ég var að leita af?) Kannski ég komist í bæinn í dag svona fyrst ég er vöknuð fyrir allar aldir en fyrst er það Beverly Hills og morgunmatur og svos sturtu og svo hugsa ég málið hvort ég vilji sjást úti í dag. Þetta fer allt eftir veðri og vindum...

...þá er gamla settið mitt í bænum og við búin að stússast ýmislegt. Laugarvegurinn var tekinn á þriðjudaginn í blíðskaparveðri og stoppað á 2 kaffihúsum þar ásamt nokkrum búðum en fyrst borðuðum við dýrindis smörrebröd á Jómfrúnni og drukkum hvítvín með. Um kvöldið fórum við Gunnar svo með þau á NanaThai að borða gómsætan asískan mat úr fyrstsa flokks hráefni og Tælenskt rauðvín með, það var mjög bragðmikið en gott og passaði vel við sterka réttinn. Í gær skruppum við svo í Smáralindina og mamma bætti aðeins í fataskápinn sinn. Ég keypti mér kjól á 3000 kr og er mjög sátt við það verð, Vila klikkar bara ekki á þessu. Borðuðum svo súpu og sjávarrétti á Madonna og höfðum það gott til klukkan 22 þegar ég skrapp í bíó með Gunnari, Herdísi og Mikka. Spiderman 3 varð fyrir valinu og ég er bara mjög sátt við hana, hló og grét og allur pakkinn bara. Í dag var svo frí frá búðum, smá kaffihús og svo matur hjá tengdó. Tengdafólkið okkar beggja að hittast í fyrsta skiptið. Gerða eldaði geðveikt góðan mat og Ásgeir klikkaði ekki á grillinu. Þetta gekk alveg rosalega vel og allir spjölluðu heil ósköp um alla heima og geima, gæti bara verið að við leyfum þeim að hittast aftur við tækifæri! Á morgun er svo stefnan sett á Kringluna og svo að borða í Perlunni. Mömmu og pabba langaði svo að bjóða okkur Gunnari fínt út að borða útaf afmælunum okkar og Gunnar þrítugur og allt það. Ég hlakka mjög til, hef aldrei borðað þarna, bara rétt skroppið á kaffiteríuna einu sinni fyrir mörgum árum og minnir að ég hafi borðað amerískan kleinuhring, örugglega með karamellu...

...þá er Gunnar líka búinn að eiga afmæli, karlinn varð þrítugur á mánudaginn. Var einmitt að kaupa afmælisgjöfina handa honum í dag, ég, mamma og pabbi og kannski einhverjir fleiri gáfum honum video-flakkara. Hann sagði að það væri góð tilfinning að halda á honum. Nú þarf bara að fara að finna eitthvað til að setja á hann, held að það verði ekkert voðalega erfitt.

Við héldum sameiginlegt afmæli í spilasal Nexus á laugardaginn. Þar var boðið upp á bjór og rauðvín, stuð, glens og gaman og held ég að allir hafi farið sáttir út aftur. Við fengum nokkrar góðar gjafir, ég fékk td. loðkraga og við fengum bjórglös, bjór, vín, leikhúsmiða og pening til að fara út að borða. Gunnar fékk bækur og viskí og ýmislegt fleira skemmtilegt. Eina sem ég varð sár yfir var að mjög fáir af þeim sem ég bauð mættu. Að vísu var slatti búin að afsaka sig með veikindum og því fólki er fyrirgefið en allir hinir?? Hefði verið allt í lagi að láta vita! Þegar ekki er látið vita er búist við fólki og gert ráð fyrir því í innkaupum. Dónaskapur og aftur dónaskapur segji ég. Mamma mín ól mig amk betur upp en þetta...

...afmælisdagurinn kominn og farinn og gekk bara vel fyrir sig. Fékk gjöfina frá Gunnari kl 2 á aðfaranótt mánudagsins og það var hvorki meira né minna en nintendo ds tölva. Ég vissi varla hvernig ég átti að haga mér þegar ég hafði opnað pakkann, þetta var svo mikið og ég var svo glöð því mig er búið að langa í hana svo lengi. Á afmælisdaginn fórum við Gunnar aðeins í Kringluna fyrir hádegi til að fara í Bónus og ríkið og fá okkur að borða. Svo fó ég aðeins aftur í Kringluna með Klemensi eftir hádegi og svo bara heim að slappa af og leggja mig aðeins fyrir kvöldið. Fór svo í fylgd nokkurra kærra vina á Eldsmiðjuna og fékk dýrindis pizzu sem passaði svona flott í magann minn. Þegar heim var komið var korkurinn dreginn úr stórri rauðvínsflösku og þessir fáu en góðu gestir sem ég bauð fóru að tínast inn um dyrnar. Ég fékk góðar gjafir eins og glös, eyrnalokka, pening, rauðvín og málverk, fékk fullt af knúsi og kossum og svo afmælissönginn á ensku. Einhverntímann eftir miðnætti fóru svo nokkur af okkur út á lífið þar sem var tekinn fordrykkur á Celtic Cross og svo dansað gat á gólfið á 11-unni. Ég var alveg búin í fótunum og labbaði heim á tánum eftir alla þessa snúninga á dansgólfinu. Vá hvað það var gaman!!! Var samt eitthvað fúl á leiðinni heim en það lagaðist leið og þreyttu fæturnir mínir komust yfir þröskuldinn. Takk allir sem gerðu daginn minn skemmtilegan með kveðjum, gjöfum og fyrir að vera með mér. Best af öllu er að finna að fólk muni eftir manni, það er ómetanlegt...

...eftir kvöldið í kvöld verð ég fræg og kannski Gunnar bara líka! Vorum að módelast fyrir Herdísi, hún er í einhverjum stíliseringar myndakúrs í Listháskólanum. Ég var ekki að nenna að fara og farið að dreyma afsakanir en þegar ég var komin á staðinn var þetta svo bara þrælgaman allt saman og tíminn bara flaug frá okkur. Nú er bara að vona að ég hafi staðið mig vel og þurfi ekki að skammast mín fyrir útkomu myndanna. Hver veit nema ég pósti einni í framtíðinni ef ég fæ leyfi, Herdís lofaði amk að senda okkur nokkrar myndir við tækifæri en ég pressa ekkert á það strax enda nóg að gera hjá henni núna.

Hef lítið annað gert undanfarið en að bjútíblunda og fara á kaffihús fyrir utan að vera veik. Ætlaði aldrei að ná þessu almennilega úr mér og er búin að vera hálf drusluleg í fleiri daga en held að þetta sé að verða gott núna *7-9-13* eftir mikla baráttu og mörg töp! Svo er ég búin að skrópa í vinnuna mína *roðn* lofaði að þrífa hjá Nedda frænda áður en hann kæmi frá Spáni en var svo drusluleg að ég nennti ekki. Ætli ég fari ekki á morgun og geri eitthvað extra mikið svona til að minnka samviskubitið. Sendi reyndar yfirleitt sms daginn áður svo það sé búið að taka saman í eldhúsinu og blaðarusl og þannig en ég á það svo sem alveg skilið að gera það sjálf núna. Sé til hvort ég nenni því, annars fer ég eftir helgi...samt ekki á mánudaginn því þá ætla ég næstum bara að gera skemmtilega hluti. Vitiði afhverju??? Þetta er getraun...

...þar kom að því, ég er lasin og það frekar illa! Ég sem var að tala um það á laugardaginn hvað það væri langt síðan ég hefði orðið almennilega lasin og gerði meira að segja 7-9-13 í tréborðplötu. En allt kom fyrir ekki og ég ligg heima með allan pakkann og er alveg raddlaus þar að auki. Kemur bara eitthvað hvæs þegar ég reyni að tala, Klemensi til mikillar skemmtunar. Hef það samt ótrúlega gott, bý mér til gott bæli Gunnar megin í rúminu með fullt af koddum undir mér og svo tölvuna, vatn, varasalva, gemsa, Lúlla, dvd í haugum, verkjalyf og nammi allt í kringum mig svo ég þurfi helst ekki að standa upp. Dreymdi í dag að ég væri að reyna að tala við pabba í símann og hann heyrði ekkert í mér og skellti á. Ég varð mjög sár. Þetta væri lífið ef væri ekki fyrir beinverkina, svitann og leiðinlega drauma...

...páskarnir teknir í faðmi fjölskyldunnar á Seyðisfirði. Var á einhverjum bömmer svona viku fyrir páska og hringdi í mömmu þá sagðist hún hafa verið að hugsa um að bjóða mér heim kvöldið áður svo ég var fljót að segja já með tilheyrandi gleði ekkasogum. Flaug á miðvikudeginum fyrir páska og byrjaði á því að fylgja pabba á bryggjuna því karlinn þurfti á sjóinn, svo var heimsókn til ömmu og Lillu, það voru 2 flugur í einu höggi því amma var hjá Lillu. Svo byrjaði ballið...á skírdag var byrjað á fermingarveislu hjá Daða þar sem ég þurfti að hemja mig í átinu á gúmmelaðinu því ég var á leiðinni í brúðkaup á eftir. Eygló frænka mín og Dánjal voru að hnýta hnútinn og gerðu það sko með stæl. Flottur matur, ræður, söngur (bæði hóp og ein), skemmtiatriði og svo ball og spjall. Kom heim klukkan hálf 6 og var ekki einu sinni næstum því síðust heim! Á föstudaginn langa var svo 2. í fermingu hjá Daða því við gleymdum að setja peninginn í umslagið!!! Svo matur heima með einn gest, smá partý og svo djammið í Herðubreið. Allt saman alveg rosalega gaman. Eftir þetta var ég svo þreytt að ég svaf í sólarhring og vaknaði fyrir 7 á páskadagsmorgun og var örugglega sú fyrsta á Seyðisfirði til að opna páskaeggið eða klukkan 7:15. Svo vorum við með Gúu og Steina í mat og sátum svo að sumbli til klukkan 6 með tilheyrandi spjalli og hlátrasköllum. Mánudagurinn var tekin frekar rólega og snædd kengúra, alveg hrikalega góð og farið svo í 3ja í fermingu hjá Daða. Smá svona fjölskyldu kaffi fyrir pabba og auðvitað okkur hin til að hjálpa þeim að klára allar kökurnar. Þriðjudagurinn var svo heimsóknardagur, Steini og Gúa aftur í mat og svo kertaljósaspjall þar til var ákveðið að fara í eitt glas niður á Láruna. Það endaði með roknar djammi því þar var fullt af fólki og allir svo glaðir og kátir, skemmtilegir og spennandi og góðir vinir. Endaði í partýi og var samferða Steina frænda heim klukkan 7 um morguninn!!! Mættum slatta af fólki sem var á leiðinni í vinnuna!!! En þrátt fyrir mikla djamm páska voru þetta örugglega bestu páskar sem ég hef átt lengi, er amk mjög sátt við minn hlut.

Kom svo heim á miðvikudagskvöld og fór næstum strax að sofa, var svo þreytt eftir þriðjudaginn. Gunnar fór líka að lúlla því hann var hálf slappur með hálsbólgu og einhvern skít. Í gær var okkur svo boðið í mat til Mikka og Herdísar og fengum kjúlla-nachos. Alveg svakalega gott hjá þeim og bjór og hvítvín með. Við spiluðum og spjölluðum til rúmlega miðnættis en þá var allt gamla fólkið orðið svo þreytt að við kvöddum og ég heim að sofa, snemma einu sinni en! Í dag var svo Kolaport, Laugarvegur og Smáralind með Siggu og Klemensi í góða veðrinu. Núna er ég bara ein heima, Gunnar að spila, Sigga að borða með bróður sínum og Klemens í afmæli. Á mini rauðvín sem ég ætla að sötra ein en svo ætlum vi ð Sigga út og hitta Klemens í trylltum dansi.

Kannski ekki skemmtilegasta bloggið en þið sem eruð ekki hérna hjá mér vitið amk hvað ég hef verið að bralla undanfarið. Verð að fara að vera duglegri, hlýt að fá hugljómanir með hækkandi sól og blómum í högum...

...jæja hvað er ég búin að bralla síðan síðast? Alveg heilan helling það er alveg á hreinu en svo er að reyna að muna eftir einhverju!

Ég horfði allaveganna á Pans Labyrinth og Óskarinn í bíóinu hans Gísla, plataði Gunnar til að horfa á allt með mér nema rauða dregilinn, strákarnir neituðu og gláptu á einhvern hasar á meðan tískuvísara kynið velti kjólum, skarti og hárgreiðslum fyrir sér.

Ég hef amk einu sinni farið í bíó og það var á Nexus forsýninguna á 300. Það var mikið geim og gaman og ég mæli með þessari mynd fyrir alla, ef áhugi á sögunni er ekki fyrir hendi þá er allaveganna hægt að horfa á hasarkroppa.

Gyða, Móa og Bertram heiðruðu landann með nærveru sinni og ég naut góðs af. Budda og yndisleg samveru stund með mæðginunum og fullt af knúsí búsí með Gyðu.

Ég fór á Seyðisfjörð í 90 ára afmæli ömmu minnar. Það var heljarinnar veisla sem kerlan bauð til og enginn fór svikinn heim, best er að ég held að hún sjálf hafi verið ánægðust af öllum.

Á Seyðisfirði var slappað af og labbað um, eldað og borðað, spjallað og brallað ýmislegt. Það var æðislegt og leið alltof hratt. Er strax farin að hlakka til að fara aftur austur eða amk að fá einhverja vel valda ættingja suður í heimsókn við fyrsta tækifæri.

Að sjálfsögðu hef ég slett eitthvað úr klaufunum enda mánuður síðana síðasta bloggfærsla var. Það voru að sjálfsögðu bæði komu og kveðju matarboð og partý fyrir Gyðu, smá samsæti á Seyðisfirði sem endaði ekki fyrr en að verða 8 um morguninn og rauðvínsspjall með Klemensi yfir x-factor sem endaði í örstuttu og rólegu Rosenberg stoppi.

Auðvitað hef ég líka kíkt aðeins á kaffihús borgarinnar, bæði ein og í ákaflega góðum félagsskap, minnir að ég hafi borðað á American Style einhverntímann, kíkt til læknanna minna, snúið sólarhringnum fram og aftur og aftur og fram og ætli ég hafi ekki kíkt eitthvað í skólann líka? Ég þreif hjá Nedda frænda, keyrði til Keflavíkur að ná í Gyðu, ég talaði í símann og horfði á dvd og tv.

Er þetta ekki bara orðin ágætis yfirferð...

...alveg hellingur búinn að gerast síðan síðast. Lilla og Gunnsi voru í bænum og ég hékk utan í þeim í heilan dag og hafði það gott, daginn eftir var svo pizzaveisla fyrir alla því það var hin marg fræga mega-vika á Dominos. Svo var auðvitað Valentínusardagurinn og Gunnar var svo elskulegur að gefa mér Valentínusargjöf. Fékk rosalega sæta fiðrildanælu, hann getur þetta strákurinn. Mér finnst samt skemmtilegri hefð að halda upp á konudaginn og bóndadaginn og í tilefni af konudeginum eldaði Gunnar handa mér í gær, verst að það var ekkert svo rómó þar sem heilsan var ekki sem best hjá íbúum Stigahlíðar. Ívar er í heimsókn hjá okkur og hefur spillt okkur eins og honum einum er lagið. Það var ball með Pöpunum á föstudagskvöld og partý hjá Þóru á laugardagskvöld. Við fórum fyrst út að borða á Madonna þar sem Ívar vildi endilega bjóða upp á rauðvínið, er svo mikill herramaður þessi elska. Svo var bara partý, partý, partý, ég ætlaði á Pál Óskar með Klemensi og Ívari en var svo aum í maganum að ég var ekki í miklu stuði. Labbaði niður á 11 með Nedda og fleirum en við Neddi snérum strax við og við komum inn og héldum heim á leið. Held að það hafi líka bara verið sterkur leikur því ég finn að ég er orðin of gömul fyrir svona 2ja daga djömm. Svo er það bara skólinn sem á nánast allan minn hug þessa dagana. Var að læra fyrir félagsfræði prófið sem er á morgun en stein rotaðist yfir þessu "skemmtilega" ljósriti, hrökk upp klukkan 15 og hoppaði fram úr rúminu, svo brugðið var mér. Þá veit ég amk hvað er gott að lesa í kvöld ef það verður erfitt að sofna...

...já langt síðan síðast, hef verið haldin miklum janúar doða sem er rétt svo að byrja að sleppa af mér hendinni og það komið langt fram í febrúar. Hef bara verið alveg ótrúlega leið og niðurdregin en samt ekki beint þunglynd. Takmark mánaðarins er að lifa á eins litlum peningum og mögulegt er og ég held að það eigi alveg eftir að takast, hef verið mjög prúð og samkvæm nýju stefnunni hingað til. *Krossa putta* að það haldi áfram svo að mars verði ekki blankur líka!

Mér hefur nú samt tekist að fara aðeins út á lífið, leyft mjöðnum að lyfta mér aðeins upp annað veifið. Fór á fimmtudagstónleika á Dillon einhverntímann og hlustaði á hið undurgóða rokkabillí blús band Grasrætur. Mæli með þeim við alla sem ég þekki og hina bara líka. Svo var fjáröflunarpartý hjá fatahönnunardeild sem ég skellti mér á, þar vildi svo skemmtilega til að Grasrætur voru líka að spila svo ekki spillti það fyrir. Eftir frían bjór og skemmtiatriði var farið á eitthvað skrall út um víðann völl með matarstoppi og alles. Almennilegt djamm það. Fyrir partýið hafði ég eldað þetta fína nautakjöt og með því og Herdís og Mikki borðuðu með okkur svo ekki klikkaði þetta kvöld. Síðustu helgi eldaði Klemens góða súpu og svo var lítið samsæti með smá singstar, svona smá til að Klemens fengi tilfinningu fyrir afmælinu sínu sem var á mánudaginn. Skruppum svo í bæinn en ég var ekki lengi þar, var kannski aðeins og full aldrei þessu vant, fór að gráta, keypti kebab og tók taxa heim. Vona bara að ég hafi ekki skemmt djammið fyrir hinum. Lofa að drekka 2 færri bjóra næst þegar ég fer út. Það var bara svo gaman hjá okkur að ég gleymdi mér aðeins og viðurkenni það líka.

Svo er Seyðisfjörður á dagskránni í næsta mánuði, hlakka ekkert lítið til. Amma verður 90 ára og fjölskyldan ætlar öll að safnast saman og fagna þessum merka áfanga. Hvað gefur maður 90 ára ömmu sem á alla skapaða hluti í afmælisgjöf? Ráð þegin með þökkum! Ekki skemmir það fyrir þessari gleði að Gyðan ætlar að heiðra okkur með nærveru sinni í að ég held 2 heilar vikur. Er á sama máli og hún og get ekki beðið eftir að fara út að dansa með henni. Vonast svo til að komast í smá verslunarfrí til hennar í apríl, safna, safna, safna og spara þangað til.

Er að pæla í að fara bara að kúra mig yfir dvd, ekkert merkilegt í sjónvarpinu, Gunnar í tölvunni, Klemens að vinna og Sigga og kærastinn eitthvað að knúsast inni í herbergi. Óska þessu að morgundagurinn verði frábær í alla staði, ekki það að þessi hafi verið eitthvað hræðilegur...

...ligg hérna í aladdin-buxunum og frú Jensínu og borða súkkulaði rúsínur. Eini félagskapurinn minn er Lúlli Love-a-Lot sem ég fékk í jólagjöf frá mr.G. Klemens á útstáelsi með einhverjum og Sigga farin að sofa, maðurinn minn að spila. Er að vonast til að karlinn fari að koma sér heim því mig langar í knús. Svo langar mig að halda áfram að hanga í rúminu og horfa á dvd. Held ég byrji á því eftir þetta blogg. Hef ekkert gert síðustu daga nema hanga í leti en það fer alveg að breytast. Býst við að rífa mig upp eldsnemma eða um hádegisbil á morgun og reyna að koma í þvottavél og láta sjá mig úti meðan dagsbirtan er ennþá við völd. Langt síðan ég hef gert það! Áramótin voru fín, matur hjá tengdó, skaupið heima, búbbluvín og horft á flugelda, gestir og svo farið í nexus-partý. Ég talaði og talaði og drakk frekar lítið. Talaði svo mikið að ég steig ekki eitt dansspor! Löbbuðum heim um 7 með einn rauðan og einn hvítan kút og rauða flösku. Miklar byttur þar á ferð, heppin að vera ekki rænd á leiðinni. Síðan þá hefur farið mest fyrir rólegheitunum eins og áður var sagt, nema síðustu helgi fórum við óvart út. Byrjaði með rauðvíni og ostum heima og þróaðist í rólegt pöbbarölt og gott spjall sem endaði ekki fyrr en undir morgun. Gaman að því!

Það er farin að síga á seinni hluta súkkulaði rúsínanna svo ég nenni ekki meira, er að hugsa um að fara að hringja í mr.G og reka hann heim. Finnst betra að hann og litli bíllinn séu heima þegar það snjóar mikið. Er ég frek? Æ já ég veit svo ekkert endilega vera að svara...

...þá lætur kerlan loksins heyra frá sér, bloggaði reyndar rétt fyrir jól en þá fraus tölvan og ég nennti ekki meira. Jólin hafa að sjálfsögðu verið alveg yndisleg og liðið alltof hratt. Ég hef líka legið í hroðalegri leti þegar ég hef ekki verið að láta gamla settið þræla mér út. Græddi reyndar á að þrælast um alla Reykjavík í leit að gjöfum fyrir hálfa fjölskylduna, fyrir að vera dugleg að þrífa og fyrir að elda jólamat. Fékk þessar líka fínu aladdin kozy-buxur úr Draumhúsinu! :) Ég get heldur ekki kvartað yfir jólagjöfunum sem voru hverri annari betri. Fyrst ber þar að nefna 2 ný pör af gleraugum frá mömmu og pabba (fékk 2 fyrir 1 tilboð), svo voru það 2x sokkar, inniskór, 2x húfa, náttföt, 2 púðar, bók, jólaskraut, heimagerðar skálar, fótabaðssápu og alveg örugglega eitthvað fleira sem ég man ekki eftir akkúrat núna en voru engu að síður mjög góðar! :) Ég er amk ánægð með mitt, held ég sé það nú alltaf. Annars er ég í þessum skrifuðu orðum að innporta tónlist inn í tölvuna mína. Mamma og pabbi eiga nokkra diska sem mér finnst alveg nauðsynlegt að eiga, svo er bara að sjá hvort ég verði dugleg að hlusta. En þið vitið hvernig þetta er, maður þarf alltaf að hlusta á það sem maður á ekki en hefur engan áhuga á því sem er til staðar.

Þá er ég hætt, ætlaði svo sem bara að láta vita af mér. Er farin að snyrta mig til svo ég geti byrjað á kveðjurúntinum. Það er víst borgin á morgun, matur og partý á áramótunum og rosalegt stuð. Á nú samt alveg örugglega eftir að fá smá Seyðisþrá sérstaklega svona um miðnætti en það reddast nú enda ekkert slorfólk sem ég verð með...

...um daginn eiganðist ég fyrstu flíspeysuna mína, hún ber nafnið frú Jensína og er rauð ðog 7 númerum of stór semsagt ekta kósí peysa. Er að hugsa um að hafa frú Jensínu með mér austur, annað hvort það eða að stela peysunni af pabba. Bara verð að hafa alltof stóra peysu til að fara í áður en ég klæði mig og þegar ég er búin að hátta og er að kúra yfir tívíinu. Nafnið kemur auðvitað til vegna þess að Hrefna gaf mér peysuna og mamma (Jensína) hennar átti hana. Verð samt að láta plássið í ferðatöskunni ráða því hvort frúin fær að fljóta með því þvílíkt og annað eins jólagjafa sem ég þarf að burðast með austur hefur ekki áður sést. Í kvöld var ég svo aðeins að jólast og pakkaði inn gjöfunum sem eiga að verða eftir í borginni og þessari sem ætlar að skreppa til Danmerkur. Verð að segja að þolinmæði mín og fimi í innpökkun hefur aukist til muna því eftir að ég var búin með minn skammt fór ég aðeins að hjálpa/skipta mér af Klemensar innpökkun. Híhíhíhíhí

Helgin var á ákaflega rólegum nótum, föstudagur: leigt dvd, laugardagur: leigt dvd, sunnudagur: kúrt, pakkað og spilað smá wow. Held að næsta helgi verði líka svona róleg enda þarf að safna orku fyrir annan í jólum djammið og svo áramótin! Reyndar ætlar pabbi að bjóða okkur mömmu á danskt jólahlaðborð á lagardaginn og ég hlakka voðalega til. Var búin að sjá þetta auglýst og langaði að fara. Verst að Gunnar missir af gúmmelaðinu.

Á morgun er ég að fara í sjónmælingu því á föstudaginn valdi ég mér nýjar umgjarðir, fæ 2 fyrir 1 tilboð og kvarta alls ekki yfir því. Hefur alltaf dreymt um að eiga tvenn gleraugu. Vona bara að þau verði tilbúin á fimmtudaginn því ég á fyrsta flug austur á föstudaginn. Þau þarna í búðinni eru eiginlega búin að lofa því enda er ég ekki með nein vesenisgler svo þetta ætti ekki að taka nokkra stund fyrir þau.

Þá bjóðum við frú Jensína, sem er að leika kodda fyrir Gunnar akkúrat núna, góða nótt enda löngu kominn tími fyrir þá sem þurfa að vakna fyrir hádegi að koma sér í rúmið...

...elsku eplastelpan mín er lasin þessa dagana svo þetta er pc-blogg. Reyndar held ég að hún sjálf sé ekki lasin heldur hleðslutækið því þeir í apple-búðinni sögðu að allt væri í orden þegar ég fór með hana í heimsókn til þeirra á föstudaginn. Annar í heimsókn á morgun og sé fram á að þurfa að splæsa 8000 kalli í hleðslutæki. Ég svitnaði aksjúalí við að skrifa þetta!!

Það er allt jóla þessa dagana. Í dag voru jólaskreytingar og á morgun eru jólagjafakaup. Ég er eiginlega búin að kaupa allt sem ég ætla að gefa en þá hringdi mamma og bað mig að redda fyrir sig og ömmu Gústu. Veit ekki alveg hvernig ég á að fara að því að koma öllu þessu dótaríi fyrir í töskunni minni. Meina þarf að koma fötunum fyrir líka og alveg slatta af þeim, stoppa alveg í 2 vikur! Þá á eftir að jólaskrifa, jólapakka inn og niður, jólataka til, jólabaka (kannski ef ég verð í stuði á Sey) og jóla hitt og jóla þetta. Er með eitt alveg á hreinu þessa dagana og það er að jólaéta, sem betur fer hefur það einskorðast við mandarínur og sunlolly síðustu daga en hef á tilfinningunni að það eigi allt eftir að fara niður á við. Hvar kaupir maður svona búning sem minnkar ummálið um 15%? Eins og Bridget Jones notar í mynd nr 2. Held að ég verði að grípa til einhverra svoleiðis örþrifaráða ef ég ætla að komast fyrir í flugvélasætinu á leiðinni austur. Æ veit ekki líður bara eins og ég sé að blómstra á alla vegu en held samt að ég sé ekkert að því. Tilfinningin gæti kannski verið komin vegna þess að ég hef varla klætt mig í almennileg föt í fleiri vikur nema rétt svona um helgar. Hangi bara í einhverju skítabolum og gömlum íþróttabuxum og læt sjá mig þannig úti. Skil ekki hverslags lægð er í gangi en ég bara nenni ekki að klæða mig og svo þegar ég loksins fer í almennilega leppa þá líður mér eins og ég sé að fara á ball. Það er greinilega rétt sem mamma segir, íþróttaföt eru frá djöflinum komin og eiga hvergi að sjást nema þegar fólk er að stunda íþróttir. Mér hefur amk aldrei liðið svona áður enda hafa svona föt aldrei áður verið fastur liður í minni tilveru...

...er að fara í bíó kl 20 að sjá Mýrina, það verður örugglega gaman. Skellum okkur með Lindu sem klippti mig um daginn og kærastanum hennar, eins gott að vera fín um hárið svo hún skammi mig ekki!

Núna eru bæði Sigfríð og Stína í heimsókn hjá okkur svo það er aldeilis líf í tuskunum, mér finnst þetta góð tilbreyting frá hversdagsleikanum.

Á laugardaginn buðum við Herdísi og Mikka í mat og það var gaman. Gunnar stakk okkur reyndar af og fór í póker en við blöðruðum og sungum þar til var kominn tími á bæjarrölt. Vorum leeeeengi á leiðinni í bæinn, ekki sökum veðurs heldur vegna þess að Herdís valdi sér bilaða skó til að vera í þetta kvöld - kvenfólk!!! Gunnar kom svo og hitti okkur á Næsta bar og við höfðum það cozy þangað til það var tími til að labba aftur heim í snjóbyl. Mér fannst reyndar veðrið ekkert svo vont en þegar við vorum komin upp að Hlemmi mættum við lausum taxa og létum hann skutla okkur afganginn af leiðinni. Hitti reyndar sænskar stelpur á barnum og önnur þeirra var lesbía sem sagði að ég væri sætasta stelpa sem hún hefði nokkru sinni séð. Get ekki sagt að mér hafi fundist þetta leiðinlegt hrós. Við skiptumst á msn og hún búin að bjóða mér að búa hjá sér í Stockholmi ef mig langar að skila kallinum og dömpa skólanum. Ég hugsa málið! ;)

Var að panta mér flug heim um jólin, stoppa frá 15.-30. des og Gunnar kemur til okkar 23.des og fer svo suður um leið og ég. Ákvað að stoppa alveg í 2 vikur svo ég geti hjálpað eitthvað til og lært að elda jólamatinn fyrst að mamma verður að vinna. Uss uss uss hvað maður er orðin fullorðin...

...mín reif sig eldsnemma á fætur, burraði upp í iðnskóla og fékk 1 stykki ókeypis klippingu hjá henni Lindu sem ég hitti í Wow-partýinu um daginn. Hver segir svo að það borgi sig ekki að djamma? Er að spara mér 10 þús kall! Er mjög ánægð með útkomuna og núna sést loksins þokkalega framan í mig. Hvort það er bót eður ei verðið þið bara að ákveða sjálf en svarið er ei þá vinsamlegast haldið því fyrir ykkur sjálf!

Plan kvöldins er að fara í bíó og sjá hann Borat. Það er víst algjör nauðsyn að sjá hann gera grín af ameríkönum. Varla að maður tími samt að fara, 900 kall fyrir bíómiða er náttúrulega bara fáranlegt verð...

...viðraði mig í dag eftir 5 daga inniveru. Fór á Te & kaffi og borðaði súpu og drakk kaffi og þvældist svo um með Herdísi. Endaði í Hagkaup og keypti mér prjóna og garn og fékk svo smá prjónakennslu í gegnum símann. Er byrjuð á svörtum og glitrandi legghlífum fyrir veturinn og ekki seinna vænna miðað við slagviðrið sem er úti núna. Fékk líka pakka áðan, það var færeyska sjalið sem ég pantaði hjá Röggu frænku, það er rosalega flott og fínt og ég er rosalega ánægð með það. Sakna samt ennþá gamla sjalsins sem var stolið úr fatahenginu á Hressó. Bölvaður lýður...

...þetta var víst ekki þynnka frá helvíti heldur var ég komin með flensu. Er að jafna mig núna en ætla að vera heima í dag bara svona til öryggis. Það hefur sem sagt lítið gerst undanfarið hjá mér nema svefn, hausverkur, kvef, beinverkir, ógleði o.s.frv. Borðaði reyndar appolló lakkrís en veit ekki hvort það telst fréttnæmt...

...lífið tók öll völd af kerlunni í gær, eftir mikla dramatík útaf WoW spilun karlsins skellti konan sér í WoW partý með honum og skemmti sér svo vel að dagurinn í dag er ónýtur. Frú fata hefur fengið að kúra við hliðina á rúminu í dag, uppköst hafa verið stundum, verkir á undarlegum stöðum eins og andlitinu og rasskinnunum og gvuð má vita hvað. Kannski var ég kýld og svo sparkkað í rassin á mér?! En partýið var svo skemmtilegt að það er næstum því þess virði að þjást fyrir það.

Var rétt í þessu að senda tvo herramenn af stað út á lífið í vonsku veðri. Þeir ætla að hrissta botnana við skífuþeytingar Hr. Páls Óskars. Ástand mitt varð til þess að ég reyndi ekki einu sinni að hugsa um að fara með þó það verði vafalaust skemmtilegt. Er að reyna að hugsa um hvort ég eigi að horfa á sjónvarpið eða fara að sofa. Andlitsverkurinn styður það síðarnefnda, fjarstödd þreyta mælir með fyrri kostinum...

....í dag gerðist ég hipp og kúl og keypti mér alpahúfu, silfurpeysu og bol með dinglumdangli. Man eftir því að hafa átt blágræna alpahúfu þegar ég var krakki, lék mér oft með hana í barbí - ekki spurja hvernig ég setti saman barbí og alpahúfu, ætli hún hafi ekki verið motta eða hjónarúm! Allaveganna fannst mér hún alveg hroðalega ljót og skildi ekki afhverju nokkrum manni datt í hug að láta mig ganga með þenna hroðbjóð. Er sem sagt komin í 180 gráður við barnið í sjálfri mér. Kannski ágætt, get víst ekki verið barn að eilífu...

...mig dreymdi svo skemmtilega í dag og ég ætlaði svo að muna eftir draumnum, mundi hann í dag en sofnaði aftur og get núna bara munað góðu tilfinninguna sem ég var með. Mmmmm líður vel við tilhugsunina.

Skrapp á Stylinn og kaffihús í kvöld með mr.G, Herdísi og Mikka. Kjúklingasalatið var æðislegt og swiss mokkað á Café París var yndislegt, líka eplakakan sem við hjónaleysin deildum. Erum svo obbossla huggó og rómó. "...og rúsínupoka með hnetum!"...

...jæja krakkakúlurnar mínar, tölvan ákvað að leyfa mér að komast á netið. Greinilega hætt í fríi og komin á fullt. Varð mjög ánægð þegar ég komst inn og gat byrjað að hanga á netinu og þurfa ekki bara að horfa á vegg! ;)

Bústaðarferðin var æði, bara svo þið vitið það útlendingarnir ykkar. Fórum obbossla oft í pottinn, ég eldaði lasagna, við drukkum bjór, ég tók verkjatöflur var nefnilega lasin líka. Svo var farið í buzz og singstar, rúntað á Gullfoss og Geysi, drukkið meiri bjór, lagt sig, bakað, drukkið ennþá meira, spjallað, grillað, borðað nammi og snakk og ég veit ekki hvað og hvað. Held að það eina sem hafi gleymst var að skrifa í gestabókina!!

Helgina eftir átti svo að slappa af en endaði með heljar djammi, fer nú að verða hundleið á þessum djömmum en það er alltaf svo mikið um að vera. Reyndar var ekkert um að vera á föstudagskvöldinu. mig bara langaði svo á kaffihús þannig að við Gunnar og Neddi fórum á Dillon og ætluðum í einn bjór en það endaði með 4 plús rauðvíni plús pizzu!!!! Laugardagur átti að fara í afslöppun en þá fékk mr.G símtal og var spurður hvort hann hefði ekki fengið sms með boði í halloween-partý. Hann hafði ekki fengið það svo við skelltum okkur í partý með Maríu mey, djöfladýrkanda, afríkubúa, pari úr apaplánetunni, boxara og ég veit ekki hvað og hvað. Við vorum bara íslendingar ekki um neitt annað að velja þegar maður hefur bara 2 tíma áður en partýið hefst. Þetta endaði með bæjarferð og pöbbasetu fram á morgun og nánast dauða á leiðinni heim sökum fimbulkulda. Mr.G var sem betur fer heima og ég gat hlýað mér hjá honum. Fékk að vita að það hefði verið mun betra að vakna hjá mér en að vakna við að ísmoli skriði upp í!

Well, er farin að tala við roomie-ana mína og drekka te...

...allt í gangi þennan sólríka morgun. Fólkið er að búa sig undir að koma sér út úr bænum og upp í sumarbústað. Þar á að elda og baka, syngja og fara í heita pottinn, þjóra bjóra og fleira fljótandi en ekki fara á Geirmundarball eins og síðast því Úthlíð er víst ekki opin á veturnar. Þvílíkt og annað eins hef ég nú aldrei heyrt!!

Annars erum við með breta að nafni Stephen í heimsókn, veit ekki alveg hversu lengi því karlinn er sennilega kominn með vinnu á Segafredos eða hvernig sem það er nú skrifað. Auðvitað erum við búin að halda smá samsæti honum til heiðurs og létum hann syngja á fullu, drekka bjór og taka fullt af ópalskotum. Við höfðum sem betur fer vit á að tala við kerlurnar fyrir ofan og neðan og láta vita af látunum. Þeim var alveg sama svo lengi sem við létum vita og sú eldri sagði að fólk yrði nú að fá að skemmta sér! :) Vorum nú reyndar ekki að nema til svona 23:30 en eftir það tók Ívar dj-völdin og hélt uppi frábærri stemningu.

Núna er best að fara að pakka fyrir bústaðinn svo við komumst einhverntímann af stað, planið er ríkið, bónus, apótek og Selfoss kl 17. Þar þarf víst að ná í eitt gerpi sem er búin að lána bílinn sinn...

...jæja best að uppfæra þessa síðu aðeins. Reyndar nánast ekkert að frétta nema mig langar til útlanda. Langar að heimsækja Gyðuna en fyrst þarf hún víst íbúð blessunin. Það sem er svo ekki að frétta er að ég er löt og leiðinleg. Þarf að vera duglegri að læra og vera duglegri að hreyfa mig og vera duglegri að borða rétt og og og og og þið vitið bara allt!! Mamma og pabbi eru reyndar farin til og komin frá Barcelona og þá græddi ég jakka og peysu og smá nammi sem ég hef ekkert gott af. Æj bla er hætt þessu núna, sjáumst þegar ég verð í betra stuði, er frekar þreytt og asnaleg núna...

...ennþá einn föstudagurinn kominn í hús, engin þrif þessa vikuna ef frá er talið létt skúring yfir eldhúsgólfið sökum bjórsprengingar sem varð þegar falleg lítil lite flaska gat ekki meira og framdi sjálfsmorð með að steipa sér úr ísskápnum. Dró upp tuskuna því ekki viljum við hafa musteri matarsins angandi eins og Nelly´s á slæmu kvöldi!!

Afmæli á fullu þessa dagana og fluttningar líka, annað er gleðilegra en hitt ekki það að ég samgleðjist ekki öllum þeim sem eru að leggja land undir föt en söknuðurinn á eftir að verða mikill. Þið vitið öll hver þið eruð og ég óska ykkur öllum til hamingju með allt og allt en ætla sérstaklega að nefna að pabbinn minn átti afmæli í gær, ekkert stórt en samt gaman. Hann fær litlu gjöfina frá mér bara þegar hann mætir í borgina í næstu viku til að fljúga til Barcelona með frúgunni.

Annars er minn annar eiginmaður að flýja hús í stutta stund svo þá er spurning hvað kerlan á að bardúsa á meðan. Slappa af og láta kvissa í einum bjór er ákaflega freistandi svona þessa síðustu og verstu...

...gleðifréttir, tja amk fyrir mig, tveir á heimilinu búin að vera fárveik en ekki ég!! Varð svoldið slöpp og aum og var þessvegna heima en varð ekkert veik. *jeijhúúú* Þannig að það hefur ekkert gerst nema hóst og gubb og kvart og kvein á þessu heimili síðustu vikuna. Síðustu helgi fékk ég reyndar boðsmiða á hausttónleika Harðar Torfa. Við Klemens sátum bara með rauðvínsglös yfir Stuart litla og höfðum það voðalega næs þegar kallið kom, glitur var sett á augun og varalitur á munn og svo bara spænt af stað. Hef reyndar aldrei hlustað neitt á Hörð Torfa en varð mjög ánægð með þessa tónleika og skemmti mér mjög vel.

Dagurinn í dag bíður upp á ótalmargt, td verslunarferð í Ikea og Bónus og svo einhverja snúninga, matarboð, sing-star, 90' tjútt og ég veit ekki hvað og hvað. Ætla að fara rólega í hvítvínið, hef komist að því að það fer ekki vel í magann á mér í miklu mæli. Ekki gaman að kasta upp á miðju djammi...

...föstudagskúr= tékk
föstudagsþrif= tékk
andlitið í lagi= tékk
er í fötum= tékk
ömurlegt veður= tékk
Ikea og Hagkaup= ólokið

Er of snemmt að opna rauðvínsflöskuna...

...búin að finna þemalagið mitt:

I don't want to work,
I just want to sleep!

Með það sama er ég farin að kúra mig í góða sófanum þangað til skólinn byrjar, ég má það alveg er búin að læra og allt...

...langt um liðið frá síðasta bloggi og ýmislegt búið að gerast. Má þar nefna að það kveiknaði í íbúðinni á móti okkur, það var mikið stress og ekki gaman. Var byrjað á að dingla harkalega hjá okkur, mín til dyra en enginn svarar, dinglað aftur, Bogi fer til dyra en enginn vill koma upp. Þá er byrjað að berja á allar dyr í stigaganginum og þá höldum við að þetta sé fólk á sunnudagsfyllerí, hefur svo sem gerst áður að það séu læti hérna á Neshaganum. En nei nei þetta bara löggan og allir út. Þetta var mikið sjokk og mín búin að hugsa mikið um eldvarnir síðan. Reyndar grunaði þá íkveikju en ég veit ekki meir, eina sem ég veit er að fólkið sem býr þarna er erlendis svo þetta er allt saman voðalega dúbíus.

Meira sem hefur gerst er að mín er formlega orðin gömul þó ég sé ekki ennþá orðin fullorðin. Er byrjuð í öldungadeild við MH og líka bara vel. Ef allir áfangarnir hafa komist inn og þeir verða með skemmtilega (rétta) áfanga í vor þá ætti ég að geta náð stúdentsprófinu þá. *Krossa putta*

Hef líka djammað eins og brjáluð manneskja, yrði ekkert hissa á ef Hr.Þórarinn Tyrfingsson færi að hafa samband og bjóða mér pláss. Það var L.ung.A, svo pylsupartý hjá Fúsa, svo versló, svo Gay-Pride og svo loksins menningarnótt. Gamla konan er bara að verða þreytt á öllu djamminu enda ekki tvítug lengur og á erfitt með að þola 2 kvöld margar vikur í röð! *Fjúff* Var búin að lofa mér rólegri helgi og stend við það nema ég fái Sing-Star partý, þá dreg ég fram eitthvað gott hvítvín og syng þar til hjartað getur ekki meir, gleðin mun verða svo mikil. Annars ekkert planað.

Get ekki sofið núna sem útskýrir færslu á þessu ókristilega tíma. Ætla samt að rífa mig á lappir snemma því sólarhringurinn er búinn að vera út um allt hjá mér síðan ég kom að austan og núna ætla ég að koma mér í rútínu. Reyndar er eitthvað af svefnleysinu stress því ég er hálf stressuð yfir þessum flutningum sem eru framundan hjá okkur. Veit bara ekki hvað ég á að gera við sumt af dótinu mínu. Það er ekki mikið sem vantar geymslupláss bara svona ef ykkur langar að lána mér eitt horn af geymslunni ykkar í eitt ár. *Vink vink til allra sem eiga stór hús og/eða hálf tómar geymslur* Best að hætta þessu og halda áfram að gera slökunaræfingar *anda inn, aaaaanda úúúút* svo ég fái smá svefn áður en ég ætla að fara út að leika á morgun. Líka bannað að gleyma að kaupa kamillute *skrifa bak við eyrað*, það á víst að vera svo róandi fyrir svefninn...

...jæja þá er konan komin heim eftir margra daga dvöl úti á landi. Það var svo yndislegt í firðinum fagra og þó að sólim léti ekki sjá sig og þokan hengi yfir okkur var samt það heitt að Gunnar fór bara þrisvar sinnum í jakkann sinn. Fyrsta skiptið var þegar ég lét hann sýna foreldrum mínum hve fallegur jakkinn væri, annað skiptið þegar hann var töffari og fór í honum út og þriðja skiptið var í kvöld þegar við flugum aftur suður og það var ekki pláss fyrir jakkann í töskunni!

Það voru tónleikar með Sigur Rós í fallega firðinum í gærkvöldi. Við Gunnar hlustuðum hugfangin inn um stofugluggann á ættaróðalinu en um leið og við ákváðum að stíga fæti út fyrir hússins dyr ákvað hljómsveitin að hætta að spila. Ég er samt glöð að hafa heyrt í Sigur Rós live því ég hef aldrei fílað hana í útvarpinu. Það er alltaf fréttir, íþróttir, veður, dánaféttir og svo Sigur Rós og ég hef aldrei fílað vælið og volið. En að hafa þá svona live í stofunni var alveg yndislegt og ég mun reyna að heyra aftur í þeim live í framtíðinni.

Eftir að kerlan mætti aftur í borgina vonast hún til að sjá sem flest af ykkur á djamminu næstu kvöld. Hef heyrt af einhverju grillpartýi annað kvöld en hef ekki fengið neitt staðfest, vonast samt til að sem flestir úr hópnum góða ætli að hittast um helgina. Við sjáust!!! Vonandi...

...þá er konan búin að vera í firðinum fagra hátt í tvær vikur og lífið leikur við hana. Fyrst var hrært, skorið og borinn fram matur á L.ung.a, svo var djamm og djúserí og svo þessi yndislega afslöppun sem næst ekki í borginni þó fríið sé staðreynd. Fuglarnir syngja og sólin skín á milli þokuslæðanna, það er þurrt og heitt og ekki hægt að kvarta yfir neinu. Tja kannski því að við séum ofalin en það er gott að safna forða fyrir veturinn er það ekki? ;) Sit núna og pikka á milli þess sem ég slafra í mig sunlolly sem ég læddi í körfuna þegar við pabbi vorum að versla og hlusta með öðru eyranu á pabba og mr.G tala um virkjanamál og stóriðju. Væri alveg til í að taka þátt í umræðunum en þeir tala hvor í kapp við annan og enginn fær að komast að. Þeir eru svo þreytandi að mamma er hálf dottandi hérna við hliðina á mér. Hvítvínið, baylisið og bjórinn eru farin að segja til sín svo það er best að fara að þrífa stríðsmálninguna framan úr sér og koma sér í rúmið. Ábyrgist samt að maskarinn góði frá Lancome hreyfist ekki, hann er súper vatnsheldur...

...núna er farið að styttast ískyggilega í að *fjúffffi* austur á land í sumarfrí. Hjálpa aðeins til að Lunga og svo bara sól og sumarylur fram að mánaðarmótum. Helgin, já blessuð helgin, var óvenju löng að þessu sinni. Rauðvín og grand hjá Klemensi á fimmtudaginn, djamm og djús og snemma heim á föstudaginn, meira djús og kokteill á laugardaginn og brúðkaup í gær með tilheyrandi kræsingum og guðaveigum. Athöfnin var mjög falleg og skemmtileg og presturinn í fríkirkjunni er óformlegur og gaman að hlusta á hann. Finnst ég líka vera hálf puffy í dag og með áfengisbjúg. Grænt te og nóg af íslensku vatni ætti að laga það í einum kvelli. Núna bíð ég bara þolinmóð þangað til að að Madda nær í mig svo ég fái að borða, er að klikkast úr buritos löngun og ætla að láta það eftir mér. Mmmmmm burtios á Súfistanum!

Hef ekki hugmynd um hvernig bloggmálum verður háttað á næstunni, netið á ættaróðalinu hefur verið í mjög löngu sumarfríi en það er búið að hringja í atvinnurekandann og hóta öllu illu. Nei svona í alvörunni þá er línan inn í húsið biluð og síminn lætur þau bara á biðlista, hafa varla verið í síma- eða netsambandi svo mánuðum skiptir. Var líka mjög stolt af móður minni þegar hún hringdi og sagði þeim rólega en ákveðið hvernig hún mundi snúa sér í þessum málum ef þeir færu ekki að redda þessu. Hún kann þetta konan!

En er farin að hanga, heyrumst einhverntímann...

...*kvart og kvein* mér er illt í löppinni, fokking alveg að drepast og skil ekki afhverju. Þá er kerlan búin að kvarta svo þá er kominn tími á pistil um liðna helgi! ;) Samsæti hjá Möddu, löng röð á Hressó en ekki fór ekki inn því það kostaði, fór á Sólon og dansaði, fór á Barinn í fyrsta skipti og fannst hann undarlegur, hljóp niður á Nasa á gay-ball og tók nokkur vel valin dansspor með fólkinu mínu og fór svo heim og eldaði pasta. Góð helgi!!

Nóg á dagskráinni á næstunni, sjónvarpsgláp með vinum í kvöld, brúðkaup um helgina og vonandi eitthvað djamm á eftir, fer austur á mánudaginn og ætla að hjálpa Röggu frænku að gefa krökkunum á Lunga að borða, Gunni kemur til mín, svo eru tónleikar, ball og fyllerí, rúntur um austurland og afslöppun.*Ahhhh* hlakka bara til og vona að austurlandið sýni sínar bestu hliðar með yndislegu veðri, sólskini og logni. Er það til of mikils mælst...

...alveg yndisleg nótt að baki, amk ef manni finnst gaman að kasta upp þrisvar sinnum, svima, grenja og vera ógeðslega illt í höfðinu. Á milli uppkasta hef ég sofið og svitnað og svitnað og svitnað og svitnað og sofið, gægst með öðru auganu á Thundercats og Ewoks inn á milli og reynt að fá mr.G til að vakna með öllum tiltækum ráðum. Réðst meira að segja á bólu sem ég fann á honum en allt kom fyrir ekki og hann sefur eins og steinn enda er hann lasinn líka og ég bara að hugsa um sjálfa mig *skamm skamm illa kona*. Vonast til að hann verði oggu ponku pínu pons hressari í dag en í gær svo að hann komist niður í Nexus að ná í meira Star Trek, er farin að fá fráhvarfseinkenni. Hélt í gær að ég væri bara súper þunn eftir þetta mergjaða djamm á laugardaginn en í dag er ég ekki alveg viss. Auglýsi hér með eftir vitnum sem geta upplýst um hvort að þetta djamm eigi mögulega að hafa getð orsakað þriggja daga þynnku! Æj veit ekki hvað ég er að hanga uppi og blogga þegar ég á að liggja með lokuð augun og hlusta á Lion-O berjast við Monkian. Held að ég sé ekki alveg með fullri rænu...

...var að koma heim eftir strætóferð frá helvíti sökum *ehemmm* velgju. Er það ekki fallegt orð yfir þynnku? Mikið hopp og hí og trallalí í gærkvöldi, Klemens bauð í mat og fordrykk og svo var ginið dregið upp og þambað af áfergju áður en kallað var á einkabílstjórann og brunað í bæinn. Gisti hjá Gyðu því að mr. G var hvort eð er að fara að vinna í dag og núna er hann að kenna svaka leikarapíum að spila role-play. Bannaði honum að raka sig í gær svo þessar mellur mundu ekki reyna að stela sweetypie-inu mínu! ;) Annars leyfir heilsan ekki mikil afrek svo ég er farin að horfa á Care Bears, eitthvað sem er jafn fallegt og krúttlegt hlýtur að hafa góð áhrif...

...þá er Gyðan loksins komin heim frá Danmörku og voru miklir fagnaðarfundir þegar við Klemens fórum að ná í hana á völlinn í gærkvöldi. Mikið rosalega var gott að sjá hana aftur og ég er strax farin að hlakka til að vitleysast eitthvað með henni við fyrsta tækifæri. Það er undarlegt að eldast því eins mikið og mig langar að fara út eftir menntó og mennta mig meira þá verður tilhugsunin um það alltaf erfiðari og erfiðari því vinirnir og fjölskyldan skipta alltaf meira og meira máli. Samt langar mig ekkert endilega að fara út og koma aldrei aftur heim, held bara að það sé þæginlegra að læra úti, peningalega séð og svona. Jæja nóg um þetta í bili amk.

Núna fer alveg að koma að hinu vikulega Desperat Housewife labbi okkar Klemensar. Það er aðvitað mikil kraftganga um vesturbæinn og svo glápt á þáttinn áður en ég held heim á leið. Reynum nú að fara aðeins oftar en einu sinni í viku út að labba en á fimmtudögum í sumar hefur þetta verið alveg pikkfastur dagur. Best að fara að hafa samband við karlinn og koma sér í gallann...

...jæja mín komin aftur til landsins eftir frábæra daga í kóngins Köbenhavn. Auðvitað var rigning þegar við lentum en það virðist vera standardinn þegar komið er heim úr fríi frá heitari stöðum. En hérna kemur smá ferðasaga:

Miðvikudagur: komið til Köben kl.22, lest í bæinn og svo taxi til Mæju. Lentum í Bollywoodtaxa sem fór með okkur vitlausa leið eða á Englandsvej í staðinn fyrir Jyllandsvej. Helvískur var pottþétt að leika sér af þessu og endaði verðið í 300 dkr!!

Fimmtudagur: Strikið að versla, drukkinn bjór og kaffi og verslað meira. Borðaður yndislegur kjúllaréttur á einhverjum litlum veitingastað. Pöb um kvöldið og drukkið fullt af bjór! :)

Föstudagur: Fredriksbergscenter (verslunarmiðstöð). Rólegt og gott þar inn því það var svo heitt úti. Verslað og drukkið bjór eins og daginn áður. Tívolí um kvöldið, farið í fullt af tækjum, keypt mynd úr rússíbananum, borðað, meira af tækjum og svo bjór og candyfloss (bara handa mér) áður en var haldið heim um miðnætti.

Laugardagur: *púfff* verslað meira, aftur í Strikið en bara til að kaupa það sem gleymdist, drukkinn bjór og spókað sig og komin heim um kl 17. Byrjaði að pakka niður og lagði mig síðan smá. Mæja eldaði ofboðslega góðan kjúlla handa okkur og svo sátum við að sumbli í eldhúsinu hjá henni til að verða kl 2. Þá tókum við Klemens næstustrætó í bæinn og kíktum á 3 staði áður en við héldum aftur heim.

Sunnudagur: Tókum lest yfir á Fjón til að hitta familíuna mína sem er með sumarhús þar. Keyrðum aðeins um, keyptum risa ís og svo var náð í Röggu frænku og haldið í húsið. Þar var manni réttur bjór um leið og fæti var stigið inn. Svo var meiri bjór, kvöldmatur, hvítvínsgöngurtúr með Gyðu og Klemensi, meiri bjór og spilað boddsja (kann ekki að skrifa), ennþá meiri bjór og spilað Kubb, spjallað, kaffi með dooley's, spilað yatzy, horft á Dirty Dancing og farið að sofa.

Mánudagur: Lest aftur til Köben um hádegi eftir veglegan morgunmat. Löbbuðum heim frá lestarstöðinni með viðkomu í Fredriksbergcenter til að kaupa það sem hafði gleymst eða sem við höfðum ekki verið viss með. Labbað alveg heim með ferðatösku í eftirdragi (ath ég keypti hana ekki!). Slappað af og pakkað niður, borðuðum pasta, fórum í göngutúr og svo bus og lest út á Kastrup rétt fyrir kl.20. Lentum í Keflavík um miðnætti og komin alveg heim rétt rúmlega 1:30.

Frábær ferð, góður félagskapur, yndislegt veður, gaman að sjá eitthvað smá annað en miðborg Köben þó að hún sé alveg ofboðslega fallegt. Finn hvað ég hafði gott af þessu, er öll einhverveginn léttari...

...er alveg að leggja í'ann til Keflavíkur og svo *fjússss* til Köben. Var að skoða veðurspána og hún lítur mjög vel út, þarf amk ekki að hafa áhyggjur af að ég hafi ekki pakkað niður neinni hlýrri peysu. Ef veðurguðirnir fara að stríða okkur kaupi ég bara eina!! :D

Vona að ég eigi góða ferð og skemmti mér vel, sjáumst eftir helgi! ;)

Hej hej...

...tja best að blogga um djamm eins og venjulega! Ætlaði að eiga þessa fínu og rólegu helgi en Þóra var ekki alveg á þeim buxunum og hélt eitt stykki innfluttningspartý. Þar var mikið stuð og fullt af nýju fólki til að kynnast. :) Skemmti mér amk vel allstaðar nema á leiðinni í bæjinn en þá var ég að þrasa við Björn sem ég leigji með, það gerist oft en núna er ég búin að fá nóg!!! Skellti mér á Kaffi Vín til að heilsa upp á Gunnar og Helga sem er að fara að gifta sig og hringdi svo í Klemens sem var farinn heim og lét hann snúa við og við hittumst á Hressó og dönsuðum fram á rauðan morgun. Gaman gaman gaman :D

Núna er ég þvottateroristi, búin að þvo í alla nótt því ég ætla að hafa allt hreint þegar ég fer til Danmerkur. Nenni ekki að koma heim í yfirfulla þvottakörfu og plús það að ef ég þvæ ekki langar mig pottþétt að hafa eitthvað með mér sem er skítugt og það er bara ávísun á bömmer! Ekki það að ég ætli að taka mikið með mér en ég ætla að hafa stóra tösku með svona ef ég skildi finna eitthvað fallegt í búðunum!! :D

Jájájá sólarhringurinn öfugur því ég tók dvd-flipp og kúrði allan sunnudaginn (sökum *hóst hóst* augnverkja) og allan gærdaginn upp í sófa og dottaði. En ætla að fara að lúlla núna svo ég geti vaknað eldhress um tvö-leitið. Þvottavélin snýst á fullum hraða og ég hef ekkert annað að gera en að ZZZzzzzZZZzzzzzzZZZZZZ...

...pantaði miða til Köben í gær, ákvað að nota orlofið sem er einhverstðar í Landsbankanum til þess að geta eitthvað skemmtilegt! :) Skelli mér út með Klemensi og Elfu þann miðvikudaginn 14. og kem aftur til landsins rétt fyrir miðnætti þann 19. Er voðalega glöð og spennt að fara aðeins út fyrir landsteinana, hef ekkert farið síðan ég flutti aftur til landsins sumarið 2004 *sussumbía*. Engar áhyggjur gott fólk, verð komin aftur í tækatíð til að taka einhver leiðinda próf og til að skella mér til tannsa að láta laga brottnu tönnina.

Ætli það sé ekki skilda að skrifa eitthvað smá um liðna helgi. Gyða og co. voru með afmælishelgi þar sem var haldið skuggalegt singstar sukkpartý á föstudagskvöldinu, laugardagurinn fór í þreytu og leti og sunnudagurinn fór í ennþá meira partý, spil, singstar, kúr, spjall, köll, dans og ég veit ekki hvað og hvað! Bæði kvöldin endaði ég á 11-unni en seinna kvöldið rann ég til í drullusvaði og var heppin að stórslasa mig ekki. Var voðalega spök og róleg að reyna að komast út til að fara heim á leið þegar mín bara rann í áfengispolli og datt á eyrað og var öll undarleg og skítug eftir fallið. Skilst að marið á hendinni sé eftir að dyravörðurinn greip í mig. Ég lít alltaf út á handleggjunum eins og Gunnar sé vanur að grípa í mig, sver fyrir það hér og nú að sú er ekki raunin! :)

Gunnari tókst að afleiða mig áðan og ekki nóg með það að við keyptum ís heldur keypti ég súkkulaði líka og ég sem var í heilsunbótargöngutúr með Klemensi í kvöld. Sukkilaðið var reyndar lítið en oj er búin að fá alveg nóg af sykri eftir það. Held ég geymi ísinn þangað til mig langar næst í eitthvað óhollt. Ætla sko alls ekki að fara með "feituna" með mér út til Danmerkur...

...núna eru vinir mínir byrjaðir að hverfa af landi brott einn af öðrum. Sem betur fer er það bara til skamms tíma amk núna en sumir plana brottfluttning í haust. Ekki gaman fyrir þá sem eftir verða en mjög skiljanlegt. Vonast reyndar til að komast sjálf úr landi í nokkra daga en það er allt í skoðun. Er orðin svo nísk í ellinni!

Leyfði Klemensi að draga mig á göngu um daginn, það var svo hressandi að ég tróð mér með honum aftur í gær. Markmiðið er að hvítu pilsin sem ég hef svo oft rætt um fái að sjá sólina áður en það fer að hausta. Get reyndar troðið mér í þau en það er ekki falleg sjón enn sem komið er. Sé fram á að geta farið að skella mér í sund fljótlega, slímið sem ég hélt að væri sest að til frambúðar er byrjað að minnka og hóstinn næstum horfinn. Ætla bara ekki að byrja á fullu fyrr en ég hef verið frísk í einhvern smá tíma svo ég falli ekki aftur til baka á fyrsta reit. Miðað við þessar skjótu framfarir verð ég að viðurkenna að ógurlegi læknirinn hafði rétt fyrir sér. Hefði samt verið gott að vita hvað hann var að hugsa, mæli með túlk...

...í gær (föstudagskvöld) skrapp ég í bíó með fögru föruneyti að sjá The DaVinci Code. Ég varð fyrir vonbrygðum, vægast sagt. Ekki því ég hafði búist við einhverri stórmynd sem mundi marka djúp spor í kvikmyndasögunni heldur vegna þess að hún var frekar langdregin og ekkert voðalega skemmtilegt. Vill ekki fara mjög djúpt í þetta hérna svona fyrir þá sem hafa ekki séð myndina ennþá en mér fannst þessi C.S.I stíll sem var á sumu hálf glataður og oft á tíðum fannst mér eins og ég væri að horfa á leikna heimildarmynd á Discovery. Frekar kraftlítil mynd, enginn neisti á milli leikaranna og allt frekar flatt eitthvað ef þið skiljið mig. Er mjög fegin að hafa lesið bókina því ég hefði ekki lagt í að skilja hoppið og skoppið í byrjunni annars, verið að re y na að útskýra margt á stuttum tíma og æji það var ekki alveg að gera sig. Er eiginlega hálf leið yfir að hafa séð myndina því ég hafði mjög gaman af bókinni því já það er hægt að finnast bækur skemmtilegar þó þær séu ekki best skrifaðar í heimi.

Dagurinn í dag var örlítið meira spennandi en myndin. Sat uppi á slysó og las gömul Hér og nú og Woman & Health beðan ég beið eftir að Guðlaugu frænku væri tjaslað saman. Þeirri ungu konu datt nefnilega í hug að brjóta í sér ristarbein með því að stíga vitlaust til jarðar. Ekki mjög skyndamlegt að mínu mati en ekki hægt að taka það til baka núna. Þegar gipsið var þornað var brunað til Gyðu að borða mexíkanskan mat og spjalla og glápa á kosningartívíið með öðru auganu. Verð að segja að það var ekki slæm tilfinning að geta sagt Guðlaugu að ég mundi gera hækjurnar upptækar ef hún væri með einhverja stæla. Þvílíka valdið sem maður fær við að lána einhverjum peninga...

...fór til læknis í morgun því hóstinn og allt það sem ég fékk sýklalyf við í endaðan apríl er komið aftur og mun verra. Lenti hjá vægast sagt ömurlegum lækni, um leið og hann opnaði hurðina hugsaði ég "ég trúi ekki að ég lendi hjá honum!!" Hann var hokinn og dauður til augnanna og þegar hann tók í höndina á mér var hún lin og þvöl. Hann er ungur en samt hokinn og einhvernveginn hægur og hann hafði engann áhuga á að hlusa á hvað ég var að segja. Þegar ég var svo að reyna að komast að hverju hann hefði komist að með að hlusta lungun og skoða hálsinn gat hann varla svarað því. Tókst samt að draga upp úr honum að sýklalyfin væru fyrir hálsinn. Hálsinn?!?!?! Mér sem er alveg hroðalega illt í lungunum! Hefði þá amk getað ropað upp úr sér einhverri hugsanlegri skýringu eins og td að ég væri með sýkingu í hálsinum sem hefði þessi áhrif en nei nei og aftur NEI! Ég fékk engar upplýsingar og ég var svo svekkt og sár þegar ég var búin að taka aftur í linu höndina hans og kveðja að ég fór næstum að grenja. Fór heim og kúrði mig og hóstaði svo mikið að ég ældi. Pant aldrei fara aftur til þesa læknis, sver að ef mér verður gefinn tími hjá honum þá afþakka ég...

...leikhúsið var æðislegt því það náði að sýna geðveikina líf átröskunarsjúklinga er alveg ofboðslega vel. Ég grét alveg helling yfir því afþví að þetta var allt eitthvað svo satt og svo erfitt að horfa á og sjá hvernig maður sjálfur var. Þó að ég sé búin að ná langt finn ég alveg hvernig þessi rangi hugsanaháttur treður sér stundum inn en það er gott að vita að maður geti haft stjórn á honum. Þetta leikrit setur sig ekki í neinn forvarnarpakka heldur sýnir bara hvernig það er að hafa átröskun og mér finndist ekkert vitlaust að kvikmynda verkið og nota til að sýna aðstandendum því oft á tíðum eiga þeir mjög erfitt með að skilja hvernig það sé hægt að vera svona. Verst að þetta var síðasta sýninginn því ég mundi mæla með að allir sæju þetta verk.

Mamma heiðraði mig með návist sinni í nokkra daga, kerlan var í verslunarleiðangri svo við þræddum allar búðir og hún mundaði kortið hvað eftir annað. Ég á nú einhvern þátt í eyðslunni því hún splæsti í afmælisgjöf handa dótturinni frá foredrlunum og svo fékk ég slatta af snyrtidóti í kaupbæti fyrir að hjálpa henni að finna föt á sig. Það var alveg frábært því ég gat endurnýjað eitthvað make-upinu sem var alveg að syngja sitt síðasta. Ég kvarta amk ekki!! ;) Var samt svo vitlaus að þyggja ekki sólpúðrið sem hún bauð mér, braut nefnilega það sem hún gaf mér einu sinni og var svo að spurja í einhverri búð hvað það kostaði og þá spyr mamma hvort hún eigi að gefa mér það. Ég skil ekki hvað ég var að hugsa þegar ég svaraði "nei nei bara að athuga verðið upp á framtíðina, get alveg notað þetta brotna áfram". Hlýt að hafa verið ofþornuð og með óráði þarna!! Hahahahaha :)

En í dag er júróvissjón eins og allir vita. Okkur er boðið í slatta af partýum og mig langar jafn mikið í þau öll. Ætla að reyna að vera svoldið á flakki á milli en annars kemur þetta bara allt í ljós. Verst að ég er alveg hroðalega kvefuð, með hálsbólgu og ljótan hósta svo ég verð að fara vel með mig. Gróf úlpuna mína út úr skápnum áðan og ætla að spígspora um í henni í kvöld og ég býst fastlega við að herra húfa og ungfrú vettlingar fái að fljóta með enda er ég ekki vön að skilja þau útundan hvort sem það er sumar, vetur, vor eða haust...

...Klemens kom til mín í gærkvöldi og af því tilefni skelti konan sér í hellings þrif, ekki gaman að skammast sín fyrir útganginn á heimilinu. Gamla trixið að bjóða fólki í heimsókn virkar ennþá og var ég enga stund að gera íbúðin heimsóknarvæna. Eftir bjór og bað og smá sparsl og fullt af blaðri var tölt niður í bæ og stefnan sett á Þjóðleikhúskjallarann þar sem Páll Óskar var að dj-a á gay-balli. Við komumst auðvitað ekki alla leið nema stoppa einu sinni og pissa og var það gert við Ráðhúsið, kerlan tróð sér inni í eitthvað horn á milli rósarunna til að sjást ekki. Staðurinn var góður en rósarunnarnir voru ekki sáttir og döngluðu í rassinn á mér, lærið og andlitið. Sést því miður ekkert á mér svo ég get ekki lagt fram kæru! ;) Það var rosalega gaman á ballinu og Páll Óskar klikkar ekki í lagavalinu svo við dönsuðum alveg heilmikið. Ég sendi líka greinilega frá mér einhverja lesbúi víbringa því það voru 2 stelpur sem reyndu við mig. Önnur kom bara og fór að dansa hjá okkur Klemensi sem var bara fínt en þegar við þurftum að fara varð hún ekki sátt og næst þegar ég mætti henni labbaði hún í mig geðveikt fast og fúlt. Það var mjög...undarlega áhugaverð lífsreynsla. Það sem var miklu mun minna gaman var þegar ég rann á glasi á gólfinu og datt og fékk skurð á hnéið. Núna er mér dauðillt í hnéinu og skurðurinn er opinn, gæti þurft að skella mér á slysó og láta setja spor í þetta. Langar amk ekki að fá eitthvað hrikalega feitt og breitt ör á hnéið í viðbót við öll hin!

Ætla að kúra mig alveg þangað til Gunnar kemur heim úr vinnunni, þá ætla ég að kúra með honum þangað til það er tími til að hitta Heiðu og fara í leikhús. Fann loksins einhvern sem vill sjá Hungur og þegar við sáum auglýsta lokasýningu tókum við aldrei þessu vant við okkur og pöntuðum miða. Eins gott að verkið standi undir væntingum því ég er búin að hlakka svo til að sjá það...

...Gunnar á afmæli í dag og afþví að ég elska hann var ég búin að þeytast um borg og bý að finna handa honum afmælisgjöf. Fyrir valinu urðu náttbuxur og "I hate mondays" nærbuxur, bókin 100 most dangerous things in everyday life and what you can do about them og 75 color puzzels frá Mensa ásamt litlu korti sem ég skrifaði ástarjátningu innan í. Fékk kossa og knúsa að launum fyrir hlaupin og fékk að heyra að kortið væri það besta af gjöfinni. Ég er fullkomnlega sátt við það. :) Fékk ennþá meiri kossa og knús þegar Gunnar staulaðist heim í nótt eftir að hafa fangað því að aðeins ár væri eftir í hið stóra 30. Ég fór ekkert á lífið því ég var svo þreytt, skellti bara He-Man í drifið og hafði það nice, var samt alltaf að vakna til að pissa og vaknaði svo alveg þegar Gunnar kom heim. Hann var voðalega spjallinn og eldaði handa mér samloku með eggi og beikoni sem var gott því ég var svöng, það sem var ekki gott var að ég gat ekki sofnað aftur fyrr en rétt fyrir hádegi. Fyrirgef honum það afþví að hann er afmælisstrákur, ef þetta hefði gerst annan dag hefði ég ekki verið svona hress. Lét hann líka draga mig út að borða á Nana-thai ásamt 3 vinum sínum/okkar og svo í bíó á Inside Man. Var mjög þreytt en hann er afmælisstrákur, reyndi í smá stund að malda í móinn en hætti afþví að ég vildi vera góð kærasta svona til að sýna mig. Myndin er hreint út sagt frábær, skemmtileg myndataka, góð samtöl, hæg, spennandi, ekki gufusoðinn og hélt manni föstum án þess að vera ágeng. Mæli með henni af heilum hug. Efast samt um að strákurinn sem sat fyrir aftan mig mæli með henni, hann skildi ekkert og var alveg lost í hléinu og þegar vinir og vinkonur hans reyndu að útskýra það litla sem þau skildu átti hann ennþá erfiðara með þetta allt saman og ég sá fyrir mér hvernig þessar litlu gráu kreistust fram og aftur á akkorði við að reyna að koma púslinu saman en allt saman fyrir ekkert. Þegar hann þurfti að spurja endalaust mikið eftir hlé þurfti mín að sperra hnakkann, snúa höfðinu og horfa á þau útundan mér og andvarpa þungt með pirringsáherslu. Það dugði og þau steinhéldu kjafti það sem eftir var af myndinni, ekki eitt múkk datt út fyrir vaxtarræktarvarirnar og mín undi sátt við sitt.

Er farin að lúlla mig og mér og Gunnari til mikilla ánægju fæ ég að sofna við theme-music úr WOW. Hann varð mjög undrandi um daginn þegar ég bað hann um að fara aðeins að spila í tölvunni því ég gat ekki sofnað. Var einmitt verið að grínast með að ég gæti keypt hæsta levels karakter og bara byrjað að spila því ég kynni þetta greinilega orðið svo vel. Var sko að leiðrétta Gunnar aðeins, má ekki láta hann fara með rangt WOW-mál. En allaveganna börnin mín þið verðið að tékka á veitingastaðnum Nana-thai sem er í Skeifunni, við hliðina á Epal, beint fyir aftan Bónusvideo fyrir þá sem þekkja Grensásveginn betur. Góður matur úr góðu hráefni og ekki dýr. Reyndar dýrari en td Krua-thai (sem er líka fínn) en það margborgar sig því maturinn er ferskari og betra kjöt. Ekki láta þennan framhjá ykkur fara næst þegar á að skreppa út að borða, miklu ódýrara en pizza. Þetta var hátt í 1000 kalli ódýrari máltið en pizzurnar og meðlæti sem við keyptum á Hróa um daginn og tilfinningin í maganum er miklu betri. Okí er farin, vildi bara ekki gleyma að deila þessu með ykkur...

...þá er ég orðin ári eldri en síðast þegar ég bloggaði, svona ef það skildi hafa farið fram hjá einhverjum að ég hafi átt afmæli!!! ;) Fékk nokkrar góðar gjafir og ef alir standa við sitt á ég ennþá eftir að fá nokkrar í hendurnar en sjáum til hvernig það fer! Hahahaha Fæ svo eitthvað voða skemmtilegt þegar mamma kemur í borgina núna í maí, mátti sjálf ráða hvort ég fengi sendan pening eða mundi bíða eftir henni og held að það sé bara betra að bíða! :) Ákvað að skreppa út úr húsi í tilefni af deginun þó að ég væri ennþá veik. Fengum okkur að borða með Siggu og Gyðu og svo kom Klemens og stal okkur stelpunum frá Gunnari og við fórum og horfðum á Evert í kokteilakeppni. Dagurinn minn varð honum ekki til lukku að þessu sinni en við bíðum bara þangað til næst. Ég græddi 5 kokteila þó ég væri bara með miða fyrir einum :D þeir voru reyndar svo þunnir að ég fann ekki einu sinni á mér eftir þá!! :/ Svo var sest í Mávahlíðina í smá stund áður en var skroppið í bæinn og dansað og spjallað. Hefði kannski betur sleppt síðasta partinum því ég hef verið hálf slöpp síðan, samt ekki nógu slöpp til að hanga heima þó ég hafi gert það að mestu leiti.

Fékk reyndar lítinn frænda í afmælisgjöf, þetta er í annað skitpið sem það gerist en hinn varð 7 ára. Erum samt svo heppin að eiga aldrei stórafmæli á sama degi svo enginn fari að stela athyglinni frá hinu hehehe nei djók!! :) Enda er ég svolítið mikið eldri og er ekki viss um að ég hafi áhuga á að halda upp á afmælin okkar sameiginlega alveg strax. Finnast barnaafmæli alveg voðalega erfið, amk þegar er mikið af börnum í þeim íhíhíhí. Svo er annað sem stendur í vegi fyrir svona plönum og það er að við búum í þremur mismunandi löndum, ég á Íslandi, Hilmir 7 ára í Svíþjóð og þessi splunkunýji býr í Færeyjum. Vona samt að ég rekist á hann (og fjölskylduna alla) á Seyðisfirði í sumar...

...er veik ennþá einu sinni og alltaf á besta tíma. Það er prófavika eftir helgi og ég verð sennilega ekki orðin hress þá, verð örugglega að fá að taka sjúkrapróf! Hef bara legið og sofið og svitnað, þegar ég rumskaði tróð Gunnar í mig verkjapillu og skipaði mér að drekka heilt glas af vatni. Svona var þetta í 4 daga, á 5.degi og ég ekkert byrjuð að lagast fór ég til læknis og er núna komin með pensilín og slímslosandi mixtúru. *jeij* Er orðin miklu hressari en alveg ofboðslega þreytt, Gunnar þurfti td að koma með mér í þvottahúsið í gær til að bera blauta þvottinn upp því ég réð varla við að koma sjálfri mér upp stigann.

Svoldið svekk að missa af júróvísjón umræðuþættinum í kvöld en ég verð bara að reyna að troða mér í heimsóknir næstu laugadaga til að sjá restina! :) Svo ætla ég að skella mér á 6 vikna afró-námskeið, verður gaman að ná betri tökum á sporunum og fá meiri innsýn í dansinn heldur en maður fær á þessri klukkustund sem opni tíminn á laugardögum gefur manni.

En best að fara að kúra undir sæng og bíða eftir að eldabuskan mín komi heim. Þessi elska er búin að hugsa svo vel um mig í veikindunum og passa að ég borði og drekki og elda á hverju kvöldi handa mér. Þvílíkur lúxus sem ég man ekki eftir að hafa orðið aðnjótandi áður, best að halda fast í hann...

...komin í Neshagann eftir yndislega páska á Seyðisfirði. Þar var afslöppnunin svo mikið að ég vafraði hálfsofnandi um húsið og hafði ekki einu sinni rænu á að láta mér leiðast enda aldrei leiðinlegt heima! Skruppum í fína fermingarveislu, á þrælmagnað ball og á pöbbinn og auðvitað í kaffiboð til ömmu og nokkrar heimsóknir. Gleymdi reyndar að mæta á páskabingóið, mig sem langaði svo að fara -ath. ekki kaldhæðni! Afslöppnunin hélt áfram í bílnum á leiðinni suður þar sem ég svaf mest allan tímann, vaknaði aðeins á Klaustri til að borða samloku og rankaði við mig í Vík til að ath hvar við værum stödd. Það var sem sagt ekki eins mikið stuð í bílnum og á leiðinni austur þar sem við Klemens og Sigga lékum á alls oddi, lékum perra, lítil börn, sungum og lásum á skilti, breiddum yfir haus, lékum dansk og þýskt fólk og ég veit ekki hvað og hvað. Gleðin var svo sannarlega við völd og ferðin fljót að líða enda ekki nema 7 og hálfur tími frá Selfossi til Seyðisfjarðar.

Í dag var páskaletin alveg að drepa mig og það var svo erfitt að koma sér af stað í skólann. Drattaðist samt á fætur og mætti og geyspaði allan tímann eins og hann lagði sig fyrir utan stutta stund þegar ég fékk mikil breytingarskeiðs svitakóf. Alltaf gaman að því. Var með erfiðleikum að reyna að koma íþróttadótinu ofaní töskuna þegar ræktarfélaginn minn afboðaði mér til mikillar gleði og þar sem ég hef engan sjálfsaga í dag ætla ég að fara að kúra mig með páskaeggjaafganga og horfa á dvd...

...þvílík ævintýri sem verða á vegi manns þegar ferðast er með strætó. Í dag var allt stopp við Sóleyjargötuna því lítil og krúttleg gæsafjölskyla ákvað að taka þriðjudagsheilsubótargönguna úti á miðri götu. Kjöguðu þarna um og ákváðu svo að fara alveg yfir og sennilega fá sér sundsprett í Tjörninni. Ég var í svo góðu skapi að þetta amaði mig ekkert en ég held að strætóbílstjórinn hafi verið orðinn frekar óþreyjufullur þó hann hafi ekki byrjað að flauta.

Skrapp og lét klippa á mér lubbann svo austfirðingar myndu ekki flýja fjórðunginn þegar ég mætti á staðinn. Er ofboðslega fín og flott núna eða vona það amk! ;) Svo þurfti ég að heimsækja Kringlunna einu sinni í viðbót, var ekkert sérstaklega hress með það. Þurfti að ná í pilsið sem ég var að láta laga. Rakti nefnilega faldinn á því niður þegar ég fór á klósettið um daginn, lítill endi hafi flækst í sokkabuxunum og áður en ég vissi af var hálfur faldurinn kominn niður og ég á veitingahúsi! Alltaf jafn heppin. Tékkaði líka á hvort skórnir sem ég labbað sólana af á innan við 2 vikum væru komnir úr límingu en var ekki svo heppin. Eins gott að þessi líming haldi annars kemur ekki kát Sirrý að kvarta við verslunarstjóra Centrum í Kringlunni.

Er búin að henda þessum fáu tuskum sem við Gunnar ætlum að taka með okkur austur ofan í tösku. Ef fötin hans Gunnars væru ekki svona stór hefðum við getað tekið helmingi minni tösku með okkur. Tekur Síbería við fólki í minnkun? Líka búin að fjárfesta í bílveikistöflum og verkjatöflum. Tók upp á því á gamalsaldri að verða bílveik en vona að það sé bara eitthvað tímabundið. Er líka búin að vera með endalausan hausverk í alltof marga daga svo ég þorði ekki annað en að kaupa verkjatöflur, er nenfilega viss um að þurfa ekkert að nota þær ef þær eru í veskinu! :) En er farin að kúra verð að vera hress fyrir keyrsluna á morgun, ótrúlega heppin að hafa ekki bílpróf og geta bara tekið rosalegar bílveikistöflur sem svæfa mann og sofið alla leiðina. Stundum er lífið ljúft í ömurleika sínum...

...þessi fyrsti virki dagur í páskafríinu mínu byrjar ekki vel. Vaknaði kóf sveitt einhverntímann í morgun, blautt rúm og allur pakkinn. Ætlaði í sturtu áðan og þá er ekkert heitt vatn svo ég varð að þvo mér með köldum þvottapoka og vonast til að komast í bað í kvöld. Þá var komið að því að seðja hungrið, cherriosið var komið í diskinn og þá er engin mjólk til. Átti að eiga amk eina óopnaða fernu. Hef sterkan grun um að Bogi hafi drukkið hana alla. Ekkert brauð til í húsinu svo ég er að drekka ananas trópi og borðaði páskaegg númer 1 sem tengdó gáfu mér í mogunmat! Getur þessi dagur orðið verri? Hann stefnir í það, er að fara að láta laga pils sem ég rakti óvart niður faldinn á því spottinn flægtist í sokkabuxunum mínum og er að fara að kvarta út af skóm sem ég keypti um daginn og sólinn er að detta af þeim. Ekki sátt við að borga næstum 6000 kall og nota skóna í örfá skipti og þeir bara að verða ónýtir. Svo eru sokkabuxurnar mínar götóttar á tánum og hárið á mér er ógeðslega úr sér vaxið og skítugt, bandið er alltaf að losna af brjóstahaldaranum mínum og það vantar ljósaperur í þvottahúsið, þurrkerherbergið og í útiljósið. Haldið ykkur frá mér í dag!! URG...

...við Gunnar ætteiddum hann Skrekk (Stinkey) frá Múmíndalnum fyrir ekki alls löngu. Hann er voðalega góður strákur og fær að hanga á símanum hennar mömmu sinnar. Þrátt fyrir að á hann vantaði annað eyrað elskum við hann afar mikið enda ekki á hverjum degi sem fólk finnur lifandi eftirmynd sína. Hann er með breytt nef eins og pabbi og stórar tennur eins og mamma og svo er hann dökkhærður eins og pabbi og með úfið hár sem stendur í allar áttir eins og báðir foreldrarnir. Skrekkur er samt allur loðinn og verður því ekki kalt þó hann sé á Íslandi og foreldrarnir þurfa ekki að hafa áhyggjur af fatainnkaupum. Skrekkur er þekktur fyrir að vera stríðnispúki og var oft til vandræða fyrir Múmínstrákinn og vini hans en er samt ofboðslega góður og með stórt hjarta.

En ég flyt sorgarfréttir, Skrekkur týndist í dag. Hann var að fara í strætó með mömmu, þau ætluðu í heimsókn til Gyðu frænku því pabbi var ekki heima. Skrekkur fékk að kúra í töskunni hennar mömmu og hafa það gott en honum hefur eitthvað leiðist því hann læddist upp úr töskunni og lét sig hverfa. Atvikið átti sér stað einhverstaðar á milli heimilisins og 10-11 við Hjarðarhaga. Mamma er þjökuð af samviskubiti yfir að hafa ekki tekið eftir að Skrekkur hafi laumast burt fyrr en hún var komin upp á Hlemm. Hans er sárt saknað og vonumst við til að hann rati aftur heim. Kannski getið þið hjálpað honum...

...kemur sennilega engum á óvart að síðan ég bloggaði síðast er ég búin að vera veik í marga daga!! Er orðin svo þreytt á þessu að þið trúið því ekki, það er fínt að vera heima einstaka sinnum og borða ís en ekki að vera heima í marga daga og halda engu niðri nema ís!!!

Byrjaði á nýrri lotu í skólanum í gær, er bara í þýsku núna því ég er búin með hina áfangana sem krakkarnir í bekknum eru í. Það er einhver íslenska og efnafræði og svo ég hef það bara fínt og mæti frá 14-16 mán, mið og föst og svo 2 klst einhverntímann yfir daginn á þrið og fimm. Ljúfa lífið hjá mér amk skólalega séð. Ætla að nýta þennan tíma í að reyna að byggja mig upp andlega og vera dugleg í ræktinni svo líkaminn verði stinnur og sterkur. Nokkrar ástæður sem liggja að baki ræktarátaki, langar að líta betur út, langar að líða betur andlega, langar að vera öruggari með líkamann minn og svo ein svona yfirborðskennd því mig langar að hafa fallega leggi í sumar ef það skuldi verða nógu gott veður til að sleppa sokkabuxunum þegar ég spígspora um allt í pilsi. Hmmm ekki að ég sé ekki í pilsi á nánast hverjum degi (like mother, like daugther, líkur sækir líkann heim og allt það) en þá koma þykkar svartar sokakbuxur sér ákaflega vel til að hylja mestu gallana. :)

Nördaskapurinn fer ekkert minnkandi og horfi ég á Star Trek Deep Space Nine af mikilli áfergju þessa dagana og glápi á Battlestar Galactica inn á milli, vill ekki horfa á orf mikið af því í einu því það eru bara komnar 2 þáttaraðir! :P Og þar sem Nerd is the New Cool þá spyr ég eins og fávís kona og auglýsi eftir fólki til að læra Klingonsku með mér. "Is there a word for loneliness in Klingon? Ahhh yes "GARDAK!!!" Hihihihi man einhver eftir þessum Simpsons þætti...

...ótrúlega aktív helgi að baki, kom miklu í verk sem hefur sitið á hakanum lengi. Kósí föstudagskvöld eins og áður hefur verið nefnt, laugardagurinn fór í að telja allar umbúðirnar í geymslunni. Ég taldi 1498 stykki nánast ein, Bogi kom og hjálaði aðeins þegar ég var búin með yfir helminginn. Er glöð núna að ég fór ekki í ræktina á laugardaginn því að bera upp yfir 20 poka af drasli, telja upp úr þeim og bera þá niður aftur var nóg æfing fyrir einn dag! Var líka orðin mjög pirruð um kvöldmatarleitið enda var ekkert eldað fyrr en rúmlega 21 en þá galdraði mín líka fram veislumat. Svo var ótrúlega snöggt bað, snyrting og svoleiðis og beint til Gyðu í sing-star partý. Tók með mér einn lite bjór og fékk svo eitt rauðvínsglas á staðnum. Skrapp svo í bæinn með Klemensi og hitti Gunnar og Þóru. Skellti mér á 1 skot og einn einfaldan gin og tonic og dansaði svo til klukkan 5. Er mjög stollt af mér því venjulega er ég svo feimin að dansa svona nánast erú en þetta var ekkert mál, sing-star algjörlega búið að koma mér í stuð og þá var ekki aftur snúið.

Sunnudagurinn fór í að bera pokana með dósunum einu sinni en, fyrst upp og út í bíl og svo inn á lager hjá Nexus því enginn vildi leyfa okkur að skila því þetta var svo mikið. Á einni Sorpu stöðinni gekk maðurinn svo langt að halda því fram að við værum að skila fyrir íþróttafélag, stofnun eða veitingastað því þetta væri svo mikið. Mikill pirringur í stuttan tíma var málið en ótrúlega góðar núðlur á Na na thai reddaði því alveg og svo var brunað upp á Skaga að ná í dótið mitt. Gott að vera loksins búin að því, getur enginn tuðað lengur yfir þessu hvorki fyrrverandi tengdafjölskyldan eða fjölskyldan mín. Erna var reyndar voðalega hress og kát og bara gaman að hitta hana svona smá, Telma var voðalega ánægð að sjá mig og spjallaði mikið og sýndi mér nýja dótið sitt og Jónas var svo elskulegur að hjálpa til við að bera. En sjitt hvað hann er orðinn myndarlegur, yrði ekkert hissa á að sjá hann í Herra Ísland við tækifæri!! Var svo rosalega dugleg þegar við vorum búin að bera allt upp og byrjaði að taka upp úr kössum og koma dótinu fyrir, búin að vaska upp mest af leirtauginu og skrúfa saman hilluna. Ætlaði að halda áfram í dag en vaknaði í nótt alveg sárlasin svo ég ætla bara að slappa af í dag, klára að horfa á Battlestar Galactica innganginn eða myndina eða hvað á að kalla þetta og bara hafa það eins gott og ég get í nýja rúminu. Á morgun þarf ég nefnilega að fara á fund, skreppa í Ikea og klára að gera fínt hérna inni áður en ég fer yfir um, þoli ekki svona óreiðu!

Ef einhverjir hafa nennt að lesa þetta allt þá óska ég ykkur til hamingju, það var leiðinlegt að skrifa þetta og örugglega ennþá leiðinlegra að lesa þetta...

...betra rúm, betri draumar. Eða það vona ég alla veganna! Splæstum á eitt queen size amerískt rúm í Svefn og heilsu áðan og flatmaga núna á því. Það er aðeins hærra en ég hélt, amk er það miklu hærra en rúmið sem ég skoðaði í búðinni svo ég get örugglega teygt mig alveg upp í loft þó ég liggji á bakinu! ;) Er mest hrædd um að vakna einhverntímann úti í glugga því það nær næstum því upp að gluggakistunni. Það var reyndar alveg kominn tími á að eyða í þetta því hitt rúmið var alveg að gefa sig sbr. blogg frá ekki svo ýkja löngu síðan þar sem þið voruð frædd um afturlappaleysið og allt það. Ég er svo himinlifandi yfir nýja rúminu að ég hef ákveðið að liggja í því í allt kvöld, þó að ég sé eina heim, og stelpast í staðinn fyrir að fara í partý. Að stelpast þýðir að ég ætla að skoða Cosmopolitan, Elle og Marie Claire, lesa make-up blöðin mín og horfa á Singing in the Rain sem ég fann á dvd útsölunni í Nexus (allir þangað, 3 dvd á 2499 ódýrara en í Bónus) ;) Er búin að dreyma um að eignast þessa mynd í mörg ár og var ekki lítið ánægð þegar ég rak augun í hana þegar ég var að bíða eftir að Gunnar væri búinn að gera upp. Ég sem var ekki einu sinni að skoða þetta bara eitthvað að glápa!

Eyddi peningum í dag og í gær og hef þar af leiðandi sett kortið mitt ofan í krukku svo það fari ekki með í bæinn á næstunni. Í gær var Ikea og svoleiðis snatt með Klemensi og Gyðu og auðvitað þurfti mín að splæsa í ruslafötu, bastkörfur og skápahengji til að geyma skóna mína í. Í dag var Herdísar-hittingur og varð Kringlan fyrir valinu því að það var svo mikill úði úti. Þar þurfti ég að spandera í ógeðslega flott lág rauð "ég er lítil og langar að hoppa í polla" stígvél, bláa og gyllta tösku til að henda íþróttadótinu ofan í og ógó flottan sailor-bol sem mig var búið að dreyma lengi um í Vero Moda. Ætla aldrei aftur með Herdísi á staði þar sem er hægt að eyða peningum. Held að næst verði það göngutúr út að Gróttuvita sem verði fyrir valinu!! Held að það sé amk ekki ennþú búið að opna sjoppu þar...

...það eru bara afmæli á hverjum degi þessa dagana. Hún amma Sigga mín er afmælisbarn dagsins og er orðin 89 ára en samt hress og kát að vanda. Væri alveg til í að vera á Seyðó núna og knúsa hana en verð bara að knúsa hana helmingi meira um páskana. Til hamingju með daginn elsku amma mín!! *kossar og knús*

Fleiri gleðifréttir í dag, um kvöldmatarleitið í gær eignaðist æskuvinkona mína hún Hildur Jóna og Þórður hennar sitt fyrsta barn. Það var stúlka og samkvæmt fréttum frá þeim er hún stór og hraust. Til hamingju með dótturina elskurnar mínar og ég hlakka ekkert smá til að fá að kíkja á hana. Svo 1.apríl næstkomandi verður mín að versla barnaföt. *jeij* :) Elska að skoða þessi pínulitlu krúsidúlluföt.

Fór annars á Aeon Flux í gær, alveg ágætis mynd, ekki sú besta en ekki sú versta, ég skemmti mér amk ágætlega. Allt umhverfi og búningarnir rosalega flottir og samtölin voru minimalísk og fönguðu víst vel sögurnar úr Heavy Metal blöðunum en ég veit ekkert um það því ég hef ekki lesið þær. Heyrði reyndar í 2 töffurum í hléinu sem voru ekki að skemmt sér vel og fannst þetta léleg mynd. Kannski fannst þeim það bara en ég hallast frekar að því að þeir hafi ekki skylið hana en what ever...

...ein af mínum allra bestu vinkonum á afmæli í dag og er hvorki meira né minna en 25 ára kerlingin sú. Hjartanlega til hamingju með daginn elsku Maddan mín, loksins ertu orðin fullorðin og fyndin! ;) Í tilefni af þessum merka áfanga skelltum við tvær okkur aðeins út á lífið á föstudaginn, ég var samt frekar stillt, passaði mig að fá mér mjög vel í aðra stóru tánna en hafa hina tóma svo allt færi vel fram sem það og gerði. Var ekkert þunn á laugardaginn nema þegar ég fór upp í ökutæki, þá leið mér hörmulega og varð óglatt og alveg ómöguleg öllsömul, ekki gaman af því en ég ætla ekki að kvarta hefði getað verið verra.

Varð fyrir asnalegu óhappi í gær, stóð upp í rúminu til að opna gluggann og þegar ég ætlaði að láta mig detta mjúklega niður á rassinn aftur misreiknaði ég mig eitthvað og meiddi mig í hægri rasskinninni. Það var svo vont að ég fékk næstum tár í augun og ákvað að sofa lengur til að finna ekki fyrir þessu. Haltraði svo út um allt og var alveg ómöguleg en er miklu betri í dag, finn bara fyrir þessu ef ég tek mjög undarlega og snögga snúninga.

Annars er mér boðið í 2 partý næstu helgi og ég sem ætlaði bara að vera róleg. Kannski ein djamm helgi áður en það verða teknar nokkrar mjög rólegar. Á föstudaginn er partý hjá Finni og mér skilst að bara allir séu velkomnir og á laugardaginn ætlar Gyða að halda sing-star partý þar sem flest allir verða rólegir en ákaflega glaðir og skemmtilegir. Ég mæti amk þangað og verð ef til vill rosalega villt og tek með mér 1 bjór! ;)

Er alveg að deyja úr hungri núna, er á tærfljótandi fæði þangað til á morgun út af þessari ristilspeglun. Má bara borða tærar súpur, vatn, te, powerade og eplasafa og ekkert af þessu stoppar lengi í systeminu þegar það er ekkert annað í maganum. Verð bara að fara snemma að sofa og ef ég get ekki sofnað er ég viss um að það líður yfir mig af hungri svo það kemur kannski niður á það sama...

...þvílíkri brennslu í Baðhúsinni lokið, *fjúff* hvað ég var dugleg! :) Var reyndar búin að brenna ágætlega í Kringlunni áður, skoppandi fram og aftur með risa stóran bakpoka og svo auðvitað kaupin góðu í hendinni. Tókst að flækja mig í afgreiðsludömu sem var vopnuð herðatréi, velta um koll verð skilti sem stóð á borði og reka mig í alla fatarekka sem ég fór framhjá. Keypti mér tvö veski því ég er orðin svo fátæk af þeim eða amk fátæk af þeim sem mig langar til að nota! ;) Hef þá afsökun að annað þeirra var á mega súper tilboði, of gott til að sleppa þó ég hafi ekki vitað það fyrr en ég kom upp að afgreiðsluborðinu og rétti fram debetkortið hissa á svip *roðn*.

Tók strætó heim áðan sem er svo sem ekki frásögu færandi nema vegna þess að strætóinn okkar stoppaði þegar við vorum nýlögð af stað og bílstjórinn snaraði sér út og að næsta vagni. Ég glápti á með stórum augum, hissa og pirruð yfir að allt gengi ekki smurt fyrir sig og ég kæmist heim sem allra fyrst. Stjórinn opnar vagninn og hleypir gamalli konu út. Greyið hafði orðið eftir inni í vagninum og stóð við hurðina og vonaðist til að verða hleypt út. Finnst þetta hroðalega fyndið en líka eitthvað svo sorglegt...

...Madda var svo ofsalega dugleg að draga mig í body pump í kvöld svo núna er ég vel ræktuð og fín eftir killer pump og 30 mín brennslu á eftir. Finn strax hvað hreyfing lætur mér líða miklu betur andlega og líkamlega, þarf ekki nema eitt skipti til að byrja að finna áhrif! Núna á að fara að gera eitthvað í sínum málum einu sinni enn, er orðin leið á að vera ekki formi og öll lin og asnaleg. Ætla nú samt ekkert að fara fram úr sjálfri mér en núna fer þetta allt að gerast! :)

Annað ekki alveg ein skemmtilegt, ég þarf að fara í hálfa ristilspeglun sem ég er ekkert svo rosalega spennt fyrir. Samt amk betra en að þurfa að fara í "fullkomna" eins og læknirinn orðaði það. Er samt sama hvað þeir gera ef þeir finna bara út hvað veldur þessum leiðinlega verk sem ég hef haft af og til í mörg ár. Botnlanginn farinn en ennþá verkur svo þetta er greinilega eitthvað annað. Er samt hræddust við að ekkert finnist sem ætti að vera gott en það þýðir að ég sé miku meira crazy en talið er nú í dag! Var voðalega glöð að heyra einn lækninn segja að þetta væri greinlega eitthvað fyrst hann gat potað í verkinn. Ohh well, þetta kemur allt í ljós en núna verð ég að fá mér eitthvað í gogginn...

...hver vill koma með mér á leikritið Hungur í Borgarleikhúsinu, litla sviði? Held að miðaverð sé 2500.-, annars er linkur hérna fyrir neðan. Rétt upp hönd sem vilja koma með!!

Hungur

Hungur er nýtt, íslenskt verk eftir Þórdísi Elvu Þorvaldsdóttur Bachmann, og verður frumsýnt á Litla sviðinu þann 18. febrúar næstkomandi. Hungur er um lífsbaráttu fjögurra einstaklinga í heimi þar sem útlitskröfurnar eru svo óraunhæfar að internetið er eini staðurinn þar sem hægt er að uppfylla þær. Hvað gerist þegar tveir anorexíusjúklingar mynda vináttutengsl, og þegar offitusjúklingur finnur sér loks maka sem elskar hvern einasta blett á henni?

Hungur er þriller um stjórnun, kynlíf, sjálfsaga, ást, fíkn, ímynd, fegurð og leit að fullkomnun.

Leikritið er sett upp af Fimbulvetri í samstarfi við Leikfélag Reykjavíkur, og hefur verið styrkt af Leiklistarráði, Listasjóði, Reykjavíkurborg, Heilbrigðisráðuneytinu, Menningarsjóði Íslandsbanka og Samfélagssjóði Alcan.

Eftirfarandi orð og setningar koma fyrir í verkinu:

Flóðhestur, hungurverkir, nærföt í yfirstærðum, klóak, sjálfsstjórn, anorexía, fegurðarstaðlar, rassadillandi klámdrottningar, sársauki, sellerí, my little pony, einn fyrir pabba, kjaftæði, sjálfsagi, skósíður kyrtill, fullkomnun, 39,7 kíló, kynlíf, óléttur fíll, ást snýst um fórnir, fegurð, finna fjársjóðinn við rætur regnbogans, Guð

“Matur er ekki óvinur þinn… þú ert falleg eins og þú ert… þetta er
náttúrulega bara afsakanir fyrir feitt fólk.”
- Dísa, 23 ára/Hungur

“Ef karlmenn eru farnir að fíla þessi herðatré sem eru í sjónvarpinu
endalaust, þá er það vegna þess að þeim er ekki boðið upp á neitt annað. Ég
er viss um að afar fáir karlmenn myndu virkilega vilja sofa hjá konu sem er
vaxin eins og ellefu ára gamall strákur.”
- Hallur, 38 ára/Hungur

“Hér áður fyrr, ef ég var að slá mér upp með einhverjum, þá datt mér ekki í
hug að leiða hann á almannafæri. Ég hugsaði alltaf með mér: Hvern langar til
að láta sjá sig með þessu? ...þú veist.”
- Ingibjörg 44 ára/Hungur

“Klárar anorexíur deyja aldrei.”
- Emma, 23 ára/Hungur


Leikendur:
Helga Braga Jónsdóttir
Elma Lísa Gunnarsdóttir
Þorsteinn Bachmann
Ásta Sighvats Ólafsdóttir

Ljósahönnun: Kári Gíslason
Leikmyndahönnun: Þórarinn Blönddal
Tónlist: Axel Árnason
Kvikmyndalist: Ósk Gunnlaugsdóttir
Búningahönnun: Ragna Fróðadóttir
Förðun: Petra Dís Magnúsdóttir
Framkvæmdastjórn: Árni Árnason

Leikstjóri: Guðmundur Ingi Þorvaldsson...

...sit hérna á nýja fína Ikea púðanum mínum, fyrir aftan ekki alveg eins fína rúmið okkar og bíð eftir að græni góði maskinn minn verði búinn að vera nógu lengi á smettinu á mér. Þá ætla ég nefnilega að fara að sofa! :) Fór í Ikea áðan og keypti helling, rúmföt, lampa, vasa, púðann góða, mini straubretti og þvottkörfu handa Boga og ekki má gleyma ljósaperunum svo að nýju lamparir (voru sko 2 í pakka) fái að njóta sín. Skellti nýju rúmfötunum í þvottavélina svo ég geti hennt þeim á rúmið við fyrsta tækifæri. Svaf reyndar óvart rúmfatalaust í nótt, sofnaði nefnilega í öllum fötunum og svaf til morguns. Veit ekki hvort Gunnar vildi ekki eða nennti ekki að vekja mig og ég nenni ekki að spurja hann! :)

Annars verður skemmtilegur dagur á morgunn, er að fara til meltingarsérfræðings. Hljómar ekki skemmtilega en það er allt skemmtilegra en verkurinn sem ég er alltaf með í maganum þar sem botnlanginn var. Verð víst að vera þolinmóð og vera viðbúin að það taki einhverja mánuði að komast að hvað þetta er *gubb gubb ég nenni því ekki!

Þá er það þvottur upp á snúru og ólívur ofan í maga og svo maski af andliti. Púff fullt að gera fyrir svefninn góða...

...þá er ég mætt aftur á Neshagann eftir næstum einn og hálfan sólarhring í burtu. Var að snúast með Gyðu í gærdag og svo ákváðum við að hafa sukkdag og keyptum snakk og ís og horfðum á dvd og sjónvarpið út í eitt. Svo fékk ég bara að gista þar sem það var hvort eð er mæting hjá henni aftur 11 morguninn eftir til að fara að Koloaprotið og Gunnar að spila langt fram á nótt. Við komumst reyndar aldrei í Kolaportið en fórum í staðinn ásamt sambýlingum hennar í morgunkaffi á Kaffi Roma og svo beint heim að undirbúa bollukaffið hennar Hrefnu. Það er sko alls ekki ókeypis að gista hjá Gyðu því ég var sett í þrif og sópaði, þurrkaði, dustaði, hristi, skar og ég veit ekki hvað og hvað áður en ég var búin að borga fyrir gistingu, smá fæði og svo auðvitað bollurnar. Ekki nema von að ég nenni ekki að þrífa heima hjá mér!! ;) En ætli það sé ekki best að fara að hlaða elsku eplastelpuna mína (tölvuna fyrir þá sem ekki fatta) svo hún verði vel upplögð fyrir skólann á morgun...

...já já já skólinn ennþá fínn eða amk dagarnir sem ég hef getað mætt á sökum veikinda. Búin að vera fárveik síðan á sunnudaginn en var nú líklega byrjað að grassa áður en maður er alltaf að reyna að vera sterkur og láta svona "smotterí" ekki hafa áhrif á sig. Fór í júrópartý til Klemensar á laugardaginn og þar var mikil gleði og gaman þó ég hafi verið róleg í drykkjunni og hafi farið frekar snemma heim. Varð samt alveg blindfull og hroðalega þunn daginn eftir og skildi bara ekkert í þessu því ég drakk ekki mikið nema ykkur finnist 2 rauðvínsglös og tæpir 3 lite bjórar vera mikið? Var sem sagt greinilega bara orðin veik og er ennþá! :( Hiti, beinverkir, uppköst og magaveiki, hausverkur og allur pakkinn kom í heimsókn. Gat samt ekki verið þæga stelpan heima í dag því ég fór á minningarathöfn með Gunnari og svo fjölskyldukaffi á eftir. Athöfnin var ofboðslega falleg en mjög erfið þrátt fyrir að ég hafi í rauninni ekki þekkt konuna svo ég get ekki með nokkru móti ímyndað mér hvernig þetta hefur verið fyrir ættingjana og aðstandendurna. Er núna bara komin heim og upp í rúm með 10-11 pastasalatið mitt og er að reyna að næra mig á einhverju sem fer vel í magann því kökur og þannig lagað gerðu það ekki. Sé samt ekki eftir að hafa gætt mér á þeim því þær voru ákaflega ljúfengar! :) Jæja kominn tími á að setja afganginn af salatinu inn í ísskáp og koma sér í náttföt, dvd-stund kvöldsins bíður...

...annars frábær annar skóladagur að baki, heima með ælupest!!! Er búin að vera eitthvað slöpp í maganum síðan á laugardaginn og í nótt vaknaði ég og ældi smá köku og fullt af galli. Nammi namm *kaldhæðni*, var ekkert annað í maganum því ég gat næstum ekkert borðað í gær, leið alltaf eins og ég væri alveg pakksödd, svona illa södd eins og þegar maður slysast til að borða alltof illa yfir sig og langar aldrei aftur til að hreyfa sig eða borða því það er svo vont. Gat samt borðað ágætlega áðan og fer auðvitað í skólann á morgun nema ég fari aftur að gubba en ég held að þetta sé komið núna því sem betur fer eru gubbupestir yfirleitt stuttar.

Jæja ætla að læra í þýsku og sögu áður en ég fer að horfa á einhverja mynd með Gunnari í tilefni af valentínusardeginum. Það er víst sagnakönnun í þýsku á morgun og ég ætla að fá allt rétt þar! :) Reyna að finna og sýna gamla góða metnaðinn minn...

...þá er fyrsta skóladeginum lokið og ég verð að segja að ég er hálf fegin yfir því. Það var samt mjög fínt í skólanum og allir voru voðalega vinalegir við mig þó að ég hafi nú ekki eignast neina vini og viti ekki hvað neinn heitir. En það er svo gott að vita að ég þurfi aldrei aftur að eiga fyrsta skóladaginn í Hraðbraut framundan, skiljiði ekki hvað ég meina? Þetta var allt saman furðulega fljótt að líða og leit vel út og nú er bara að bretta upp ermarnar og vera duglega svo þessum menntaskólastelpuferli mínum fari að ljúka. Það er svo margt annað sem ég væri til í vera að gera en obbosí ekkert stúdentspróf. Markmið morgundagsins eru svo að vera dugleg að spurja í stærðfræði, gera þolæfingar í ræktinni og reyna að tala við einhvern í bekknum. Stay tuned eftir meiri upplýsingum um daga mína sem menntaskólastelpa...einu sinni en...

...algjört svindl, búin að sofa í 3 tíma þegar ég svona líka glaðvakna aftur. Ég sem var svo glöð yfir að fara svona snemma að sofa til að venja mig við áður en skólinn byrjar á mánudaginn. Púff alvara lífsins tekur víst við þá og ég kvíði svolítið fyrir en bara fyrir svona asnalegum hlutum eins og að ég eigi ekki eftir að kynnast neinum og alltaf vera ein. Hef engar áhyggjur af lærdómnum, held að það verði ekki mikið mál að massa hann, bara að vera dugleg að nota tímann rétt á lærdómsdögunum. Amma hringi í mig um daginn og ég sagði henni hverju ég kviði mest fyrir í sambandi við skólann og hún kom með frekar fyndið pepp handa mér, "þetta verður allt í lagi, þú ert svo sniðug að tala mikið!!" Hahahahaha gat ekki annað en farið að hlægja af þessu, fannst þetta uppörvandi en skondið hvað er alltaf hægt að koma því að að ég tali mikið. Held að ég tali ekkert meira en aðrir, bara vikar þannig stundum. Sit oft og þegji og hlusta, það man bara enginn eftir því afþví að það er ekki eins skemmtilegt!! ;) Eyddi slatta af peningum í dag og ég get með sanni sagt að ég hef ekki eytt svona miklu í einu í yfir ár. Keypti samt bara það sem ég þurfti, skólabækur fyrir 2 af 3 áföngum sem ég fer í í fyrstu lotu, "smokk" utan um tölvuna mína til að verja hana og svo lét ég stitta pilsið sem varð fyrir flugeldaóhappinu um áramótin. Það verður "gaman" að splæsa stórum upphæðum í bækur á 5-6 vikna fresti fram á sumar og svo allan næsta vetur en það er allt gert svo að stúdentsprófið góða komist í hús og þá geri ég það með "gleði" í hjartar og "söng" á vörum...

...gleði fréttir í dag, ég byrja í menntaskólanum Hraðbraut 13.febrúar næstkomandi. :) Það passaði akkúrat að ég mundi byrja þá miðaða við hvað ég er búin með og hvert þau sem verða með mér í bekk eru komin. Ég hlakka voðalega til en kvíði líka fyrir. Langar svo að standa mig núna og ég held að ég geri það núna því þessi skóli er byggður þannig upp. Hann notar lotukerfi þar sem 3 áfangar eru teknir fyrir í 4 vikur, svo eru próf 5. vikuna og 6. vikuna er frí ef maður nær prófunum en annars upptökupróf. Svo fer þetta annan hring o.s.frv.. Dagarnir hjá þeim eru líka þannig settir upp að á mánudögum, miðvikudögum og föstudögum eru kennslustundir, 2 klst fyrir hvern áfanga en á þriðjudögum og fimmtudögum er mætingaskylda til að læra sjálfstætt. Finnst ykkur þetta ekki hljóma vel? Þannig að frá og með 13.febrúar og þangað til í júní verð ég að vera í skólanum frá 8:30-16:05 alla virka daga, amk þegar það eru kennsluvikur...

...síðustu dagar og dagurinn í dag hafa verið alveg frábærir þangað til rétt áðan. Fór í mat til Gyðu í gær og fékk spínatsúpu og sólkjarnabrauð, ananas, japansmix, kaffi og gott spjall. Svona kvöld klikka aldrei. Í dag var svo hangs og kaffi hjá Gyðu, smá læknisheimsókn og svo meira hangs og kaffi hjá Gyðu, loks fahitas í kvöldmatinn og hangs og sjónvarpsgláp eftir það. Hitti Gunnar svo galvösk áðan, ætluðum að fá okkur kaffisúp áður en hann héldi áfram að vinna yfirvinnuna sína en hættum við og hann skutlaði mér heim. Ég tékkaði á póstinum í mesta sakleysi því ég vissi að ég ætti von að bréfi frá Sverige sem var upprunalega frá Íslandi. Opnaði það og það var rukkun um himinháa upphæð í mínum huga. Sögðust hafa sent mér annað bréf í nóvember og að e´g hefði ekki gert neina athugasemd og þessvegna væri þetta svona. En ég fékk bara ekkert bréf frá þeim, ekki á lögheimilið mitt og ekki til Svíþjóðar. Svo ég er fokvond og áhyggjufull núna. Ég er svo pirruð yfir að þeir skyldu senda bréf til Svíþjóðar þegar ég hef haft lögheimili á Íslandi síðasta 1og1/2 árið og þeir vita það því ég hef sagt þeim það og svo er það líka í þjóðskránni!!!

Ég þakka bara Guði ef hann er þá til fyrir að ég ákvað í augnabliks veikleika að kaupa mér nammi á leiðinni heim, annars hefði ég örugglega fengið mun alvarlegra taugaáfall þegar ég opnaði þetta fjandans bréf áðan...

...tók þessa mynd úr albúminu hjá Möddu, fannst hún eitthvað svo sæt. Er samt ekki að deyja úr egóisma og var ekki að læra að setja inn myndir, hef bara ekki verið með neinar myndir til að setja inn áður. :)

Erum nýbúin að skila pabba út á flugvöll og núna er hann í loftinu að nálgast Egilsstaði. Leiðinlegt að hann sé farinn en gott að hann þurfti ekki að vera lengur því það þýðir að augað er í lagi. Veit bara ekki hvað ég á að borða á næstunni, orðin svo góðu vön eftir að hafa borðað úti í hádeginu, um miðjan dag og á kvöldin á meðan karlinn var hérna. Verða engar súkkulaðikökur eða endalaust flæði af kaffi á næstunni , á örugglega eftir að fara í fráhvörf og blogga um höfuðverk og niðurgang á næstunni...

...er að hlusta á diskinn sem þessi góði og skemmtilegi jólasveinn henti inn um bréfalúguna hjá mér á aðfangadag. Sveinki karlinn kemur svo sannarlega á óvart með skemmtilegu lagavali, tæknikunnáttu og persónulegum upplýsingum á blaðinu sem fylgdi með disknum þar sem fram koma nöfnin á lögunum og flytjendunum ásamt nokkrum línum um hvað honum finnst um þau. Takk elsku Kertansíkir, ég hef alltaf sagt að þú værir bestur. Ætti eiginlega að koma með nokkur kerti handa þér næst þegar ég kíkji í kaffi. Geri það ef ég man...

...það var kominn tími á einn góðan dag eftir alla þessa hræðilegu daga og nætur sem ég hef átt undanfarið. Pabbi karlinn kom í borgina í dag, reyndar ekki í neinum gleðierindum því hann var hjá lækni að láta skoða augað sem hann fékk eitthvað drasl í betur. En við erum búin að labba borgina fram og aftur, drekka kaffi, borða með Gunnari og spjalla helling. Voðalega notalegt og skemmtilegt.

Þar sem ég hef átt marga slæma daga í röð hef ég ekki frá mörgu að segja, amk ekki sem mig langar að segja. Það helsta af því sem er ekki niðurdrepandi er:
*Strákarnir vöskuðu upp!!! *JEIJ*
*Ég neitaði að hjálpa þeim og bar fyrir mig miklar hreingerningar og uppvösk fyrr í mánuðnum sem ekkert tillit var tekið til!
*Horfði upp í loftið.
*Horfði á dvd.
*Horfði á Gunnar.
*Horfði í spegil.
*Horfði inn á við.
*Horfði á bók, nennti ekki að lesa hana!
*Spilaði BubbleShooter á leikur1.is og varð úr því ég er rangeygð þegar ég var alveg að ná metinu hans Gunnar! *SVEKKJ*
*Fór í langt, heitt, gott og mjög þarft bað einn daginn! Ykkur til ánægju hef ég haldið hreinkunni (er það ekki orð eins og brúnka???) við síðan svo það er óhætt að hita mig!! ;)

Sko mikið að gerast alltaf hreint, fer alveg að verða meira að gerast hjá mér. Bíðiði ekki spennt eftir að vita hvað það verður? Það er ég viss um...

...dagurinn í dag hefur einkennst af svokölluðu "white-trash" heilkenni sem virðist hafa hellst yfir mig í nótt. Byrjaði á að ég svaf yfir mig á fund sem ég átti í morgun. Rétt drallaðist á fætur, tróð mér í götóttar bómullarsokkabuxur, íþróttabuxur sem meiga muna fífil sinn fegri hvað varðar útlitið, girti þeim ofan í rauð stígvél og skellti húfu á úldinn hausinn sem eitthvað skreytti sem eitt sinn var kallað hár en hefur í dag líkst meira ull. Staulaðist svo út, óð snjóskafla og var hálf dauð í flughálum brekkum, lafmóð og bölvandi yfir að þurfa að vera mætt svona snemma eða klukkan 14. Hélt stuttu seinna aftur heim á leið, álíka mygluð og áður en örlítið geðfúlli, með smástoppi í Melabúðinni þar sem ég fékk valkvíðakast af verstu gerð og var í hálftíma að ákveða að kaupa mér cappucino, 70% súkkulaði, pestó og hrökkbrauð. Er ekki frá því að gamla fólkið sem var að kaupa þorramat í stórum stíl, öskrandi eftir mysu og ósöðinni blóðmör hafi verið orðið jafn hrætt við mig og ég við það eftir að ég labbaði í 13 skipti hring um búðina til að skila vörum og velja aðrar, talandi við sjálfa mig og rekandi mig utan í allt og alla. Þegar fúla konan komst loksins heim á leið beið hennar þó smá gleði, einn af sambýlingunum var að gera sér góðan dag í mat og drykk og splæsti smá rauðvíni á konuna. Sæl í bragði tók ég við veigunum sem voru bornr fram í mjólkurglasi og skreyttar með smá kork sökum skorts á tappatogurum. Þvílík munaðarvara hefur aldrei sést á Neshaga 7 svo gamall og boginn eldhúshnífur er yfirleitt notaður til að redda því sem hægt er. Eftir 2 glös af drykk fágaðafólkins var ég orðin ansi glöð en þá kom karlinn minn heim sem hefði verið alveg ágætt ef hann hefði ekki ákveðið að laga rúmið okkar. Það var bilað áður en er bilaðra núna þar sem hann ætlaði að rétta einn rúmfótin en braut hann óvart af. Ok ekkert svo hræðilegt, hægt að setja bækur undir og allt það hugsið þið kannski en nei það er ekki hægt. Afhverju? Því allar bækurnar eru undir öðru horni á rúminu!! Jájá í nótt þarf ég að sofa í rúmi sem vantar á báða "til fóta" lappirnar og bækur og parket eiga ekki vel saman, bækurnar vilja renna ef maður byltir sér aðeins of harkalega!

Hér með er sem sagt án gríns óskað eftir styrkjum til rúmakaupa, góður tíma núna þar sem það eru útsölur. Látið ekki ykkar eftir liggja, sendið okkur aur svo ég verði ekki á endanum alvöru "white-trash" kona og þurfi að flytja bæklaða rúmið mitt í hjólahýsi á Reykjarnesi! Ef enginn á pening aflögu fyrir rúmi eru rauðvínsglös og tappatogari vel þegin svo ég þurfi ekki að drekka meiri kork úr mjólkurglösum meðan ég sit í hjólhýsinu og bíð eftir að rúmið hrynji alveg...

...litlu hlutirnir hafa gert mig svo glaða í dag og í gær. Í gær var ég ofboðslega hamingjusöm yfir að flestir sokkarnir hans Gunnars eru með orðum eða myndum efst á snúningnum því þá var svo auðvelt að flokka þá. Í dag er ég hamingjusöm yfir að Bogi hafi lagað kaffi og í þessum töluðu orðum er ég að drekka rjúkandi heitt pressukönnukaffi úr öðrum nýja bollanum frá foreldrum Gunnars. Ég er líka hamingjusöm að hafa átt afgang af pastanu frá í gær til að borða áðan, gróft pasta með rauðu pestói og parmesan klikkar ekki heldur þegar það er orðið kalt. Stundum er lífið svo ljúft...

...kerlan alveg að fara yfir um í að vakna snemma, var vöknuð klukkan hálf 8 í morgun og morgunmaturinn kominn niður rétt rúmlega 8, allbran og ab-mjólk er málið. Duglega ég!! :)

Afrek frá síðasta bloggi eru eftirtöld:
*Partý hjá Binnu, hroðalega gaman, lék á alls oddi. Þessir kokteilar sko!! ;)
*Eitthvað annað partý strax eftir Binnu-partý, jafn hress og áður en fékk víst gettó-stæla á leiðinni heim. Það var víst fyndið amk ef maður var ekki einhver viss manneskja híhíhíhíhí.
*Hangs með Möddu, urðum að fara á súfistann svo starfsfólkið þar mundi ekki sakan okkar. Pítan á undan, illt í magann og alltof sæt sósa! :/
*Narnía í bíó, fann barnið í mér og skemmti mér konunglega. Rifjuðust upp minningar frá bókunum og sjónvarpsþáttunum. Er ekki sammála öllum sem hafa tilkynnt mér að þeir hefðu skemmt sér betur ef þeir hefðu verið 12 ára.
*Þreif, þreif og þreif ennþá meira og þvoði endalaust. Já dugnaðurinn í hámarki undanfarið enda er orðið boðlegt að bjóða fólki heim. *fjúff*
*Las 2 bækur og búin með 1/4 af þeirri þriðju. Iðunn eftir Johanne Hildebandt (framhald af Freyju sem kom út í fyrra) var stórskemmtileg og hélt mér alveg fastri og Þriðja táknið eftir Yrsu Sigurðardóttir var þrælfín þó ég hafi lesið skemmtilegri spennusögur en það er nú alltaf þannig. :) Er stödd í miðju kafi í Bjargvættinum í grasinu (e.The Catcher in the Rye) eftir J.D. Salinger, frekar undarleg en ekki leiðinleg. Verð víst að passa mig á morðingjahvötunum eftir lesturinn því að morðingjar margra frægra manna voru/eru víst miklir aðdáendur þessarar bókar!
*Endalausir fundir síðustu daga og út vikuna, er ótrúlega mikilvæg þessa dagana. Vona að allt fari vel og þá læt ég vita annars þegji ég eins og steinn!

Á döfunni:
*Fara á skauta.
*Fara í heimsóknir.
*Elda eitthvað gott og hollt.
*Lesa meira, með bunka sem ég þarf að glugga í.
*Horfa á DuckTales fystu 27 þættina og volume 2 af Thundercats.
*Klára að horfa á The Stand eftir sögu Stephen King.
*örugglega eitthvað fleira sem er ótrúlega merkilegt en ekki nógu merkilegt til að muna eftir því akkúrat núna...

...áramótin klikkuðu auðvitað ekki. Fyrst var alveg hroðalega góður kalkúnn á Álftanesinu, svo var áramótaskaup og spjall hjá Gyðu, því næst flugeldagláp við Hallgrímskirkju, aftur til Gyðu og drukkið freyðivín og svo partý í spilasal Nexus. Þar var góð tónlist, ókeypis áfengi, skemmtilegt fólk, gleði í hjörtum, söngur á vörum og dans í fótum. Við Gunnar vorum komin heim klukkan átta um morguninn enda hrökk ég upp klukkan 18 í gær og vakti Gunnar svo hann gæti nú sofið um nóttina og vaknað í vörutalninguna ógurlegu í dag. Ég eyddi sem sagt fyrsta degi ársins sofandi því ég sofnaði aftur um klukkan 20 og svaf næstum til miðnættis og sofnaði svo aftur rétt rúmlega 3 og vaknaði fyrir klukkan 9 í morgun. Það stefnir samt allt í að annar dagur ársins verði aðeins betri, búin að lesa smá í annari jólabókinni, er að blogga langt blogg, er með stefnuna setta á gott bað og ætla aðeins að taka til og þvo! :)

Má samt ekki gleyma að segja frá að minnstu munaði að þessi áramót yrðu ekkert svo gleðileg fyrir okkur Gunnar og Gyðu því þegar við stóðum uppi við Hallgrímskirkju og dáðumst af öllum peningunum sem sprungu í öllum heimsins litum á himinhvolfinu valt flugeldakaka (eða hvað þetta nú kallast) hjá einhverjum á hliðina og skaut á okkur. Allt í einu stóð ég í neistaflóði og reyk, öskrandi með hjartað á fullu. En við vorum heppnari en maður sem stóð nálægt okkur og tók myndir því hann lá í götunni en ég held samt að hann hafi ekki slasast alvarlega. Gunnar fékk eitt skot í augað, en linsan virðist hafa bjargað honum því hún rispaðist en augað er heilt en aumt. Úlpan hans brenndist og hárið í hnakkanum sviðnaði. Við Gyða vorum allar úti í sóti, bæði kápurnar og skórnir voru alveg gráir en við vitum ekki hvort kápurnar skemmdust fyrr en við þvoum þær. Vettlingarnir hennar Gyðu sviðnuðu og ég fékk neista í fæturnar og í kinnarnar. Ég hafði sem betur fer náð mér í bómullarleggings heim áður en við fórum til Gyðu og var í þeim, þær eru heilar en nælonsokkabuxurnar voru allar götóttar svo það hefði getað farið illa. Pilsið mitt eyðilagðist og ég er með lítið brunasár á hnéinu. Þarna rétt hjá stóð barnavagn og sem betur fer sprakk ekki undir honum eða fór skot ofan í hann, það hefði verið alveg hræðilegt. Úff hvað okkur var brugðið enda þurftum við voðalega mikið að tala um þetta fyrst á eftir. Skondið samt að fyrst að þetta fór ekki illa sér maður eftir fötunum sem skemmdust en ef eitthvert okkar hefði skaðast alvarlega væri manni svo nákvæmlega sama...

...mikið búið að vera um að vera upp á síðkastið. Er mætt á heimaslóðirnar í firðinum fagra og er að fara aftur suður á morgun. Jólin voru auðvitað yndisleg og gjafirnar hverri annari betri svo það er ekki hægt að kvarta yfir neinu þar. Hlakka voðalega til að fara suður á morgun og hitta Gunnar aftur og allt fólkið mitt þar en er samt leið yfir að vera að fara frá fjölskyldunni minni hérna. En allavegnann kemur hérna smá stikkorðalisti yfir hvað ég hef brallað í firðinum:
Borðað x alveg helvítis hellingur af mat en miklu minna af kökum og konfekti en venjulega.
Labbað x 6 eða meira, mikil heilsuefling átti sér stað um jólin.
Horft á sjónvarp x mjög lítið, en eitthvað smá samt.
Drukkið áfengi x 2, rauðvín á aðfangadagskvöld og einhver helvítis hellingur á annan í jólum.
Farið á barinn x 1, en bara í nokkrar mínútur.
Labbað heim í gullskóm og komst heil heim x 1 allt Nedda að þakka því ég fékk lánaðan arm hjá honum.
Slys x 1, datt á eldhúsgólfinu um mína eigin fætur og rak hökuna í þröskuldinn inn í þvottahús. Samt fegin að hurðin var opin því annars hefði ég örugglega rotast. Var mjög sárt og lítur ekki vel út en var amk ekki lamin í þetta skiptið!
Bíó x 1, skrapp í gamla góða bíóið okkar í gær og horfði á In her Shoes, alveg ágætis skemmtun eins og allt er hérna í fallega firðinum.
Kaffi hjá ættingujum x 5, fjöslkyldan klikkar aldrei á kaffikönnunni og meðlætinu og ekki má gleyma að minnast á jólagrautinn góða í hádeginu á aðfangadag.
Rúntur um bæinn x 4, allir svo góðir að rúnta fullt, Herdís 2x, Ásta 1x og pabbi 1x og svo auðvitaið fullt af smárúntum þegar var skroppið í búðarferðir og svoleiðis.

Ahhhh hljómar þetta ekki vel krakkar mínir?? Endalaus afslöppun og notalegheit í gangi í kaupstaðnum. Svo eru bara áramót ekki á morgun heldur hinn, held að partýið sem ég fer í í borginni geti bara ekki klikkað enda afbragðsfólk sem verður á staðnum...

...klukkan hálf 3 á laugardaginn var hringt í mig sem er svo sem ekki frásögufærandi nema að það voru Dana og Sverrir að spurja hvort ég vildi koma með þeim á jólatónleika Frostrósanna með íslenski dívunum og þeir áttu að byrja klukkan 4. Svo ég dreif mig af stað og
borðaði
talaði
hringdi
talaði
háttaði
bleytti
sápaði
þvoði
skolaði
þurrkaði
kremaði
klæddi
blés
málaði
hringdi
og
fór
allt á vel innan við klukkutíma

Þetta var rosalega skemmtilegt og fallegt og ég verð að viðurkenna að eitt eða tvö tár létu sjá sig í augnhvörmunum. Ég er ofboðslega glöð að þau hringdu og spurðu mig því ég er svona manneskja sem sé auglýsingar og hugsa með mér hvað það væri gaman að fara en fer aldrei.

En nú er best að fara að byrja á einhverju af öllu þessu sem ég ætla að koma í verk í dag...

...ætlaði í heimsókn til Dönu og Sverris í gær en komst ekki sökum mikilla magaverkja. Það er auðvitað ekkert nýtt á þessum bæ en ég var samt alvarlega farin að íhuga á tímabili hvort botnlanginn (blessuð sé minning hans) hefði vaxið aftur og vildi komast til forfeðra sinna!

Æði dagsins er svo mygluostur og alveg sama hvernig hann er á litinn. Spurning hvort hann fari vel í magann? Læt ykkur vita seinna! ;) Ef ég fæ æði fyrir einhverjum mat þá er ég alltaf spurð hvort ég sé kannski bara ólétt. Fyrir ykkur sem eruð í þeim þankaganginum get ég sagt ykkur hreint út nei þó að ég hafi verið með legverki um daginn. Spurjið mig um svoleiðis hluti þegar ég get ekki hamið mig í poppáti og rababaranarti. Mér finnst bara mygluostur og ólívur vera eðlilegur matur til að narta í!! Varúð samt, aldrei borða síld, skyr og ólívur fylltar með papriku og tabascosósu á innan við hálftíma, áááááiiii...

...hef bara haft það gott undanfarið. Skellti mér í jólakortaföndur og óáfengt glögg með því með Gyðu á þriðjudaginn. Stóð mig bara nokkuð vel að eigin áliti en þið sem fáið heimagerð kort verðið kannski á öðru máli þegar þið fáið þau í hendurnar. Verið þá bara svo væn og látið það eftir mér að þykjast finnast þau rosa flott svona afþví að það er jólin og allt það! :)

Í gær bauð Madda mér með í Smáralindina og við örkuðum þarna um og skoðuðum og skoðuðum og drukkum svo auðvitað rjúkandi kaffi. Bjóst ekki við að það væri svona notalegt að vera í Smáralindinni að kvöldi til en það var alveg yndislegt, mjög rólegt og afslappað. Það geta verið tvær ástæður fyrir því, nr.1 að fólk sé ekki byrjað að stressa sig upp úr öllu valdi og taka þátt í brjálæðinu sem stundum er á Íslandi rétt fyrir jólin eða nr.2 að Smáralindin sé eftir allt saman alltof stór og að ég hafi hreinlega ekki tekið eftir því að þarna væru mörg hundruð manns. En hvað um það, eftir búðarrápið fékk ég frábæran jólaseríurúnt þar sem við keyrðum götur sem við höfðum ekki hugmynd um að væru til. Margir sem skreyta ofboðslega stílhreint og fallega og svo eru aðrir sem halda að þeir sleppi vel með að skella upp slönguseríu, að það sé bæði fallegt og ódýrt. En getiði hvað!! Nei það er ekki fallegt sama hvað hver segir nema hún sé ofboðslega vel strekt, vafin fallega utan um súlur eða ljósastaura eða búnar til myndir úr þeim. Takið nú mín orð gild og hana nú!!

Er líka alveg að verða búin að hala öllum jólagjöfunum í hús, skruppum í morgun og keyptum tvö stykki svo þetta er allt að gerast. Enda ekki seinna vænna því ég skoppa austur eftir 9 daga minnir mig. Það er samt að þróast ákaflega mikill og langvinnur höfuðverkur um hvað ég á að gefa yndinu honum karlinum mínum. Hann gefur mér engar hugmyndir og þykist ekki langa í neitt sem getur ekki staðist með mann sem hefur áhuga á svona mörgu. Ef við gröfum nógu djúpa langar okkur öllum ákaflega mikið í eitthvað en svo er bara spurning um hvað það kostar og svoleiðis smotterí...

...vá hvað ég er búin að vera mikið nörd núna! Var að downloada LimeWire og er búin að ná mér í nokkur lög og, undirbúið ykkur undir þetta, 5 þætti af Thundercats og 2 af Jem and the Holograms. Já já bara töff að vera með nostalgíu á mjög háu stigi. Var líka að gera tölvuna persónulegri og fékk mér bakgrunn með mynd af Panthro *roðn* og er þar af leiðandi búin að skoða endalaust margar síður um Thundercats. Það allra síðasta í nördaskapnum var svo að finna alla textana við Buffy-þáttinn Once More With Feeling sem er söngþátturinn ef einhverjir kannast frekar við hann. Er búin að copy/paste-a alla textana í wordskjal svo ég geti rennt yfir þá að gamni! :)

Ok er hætt að segja frá svona hlutum æi bili, ég fer bara hjá mér!

Örstutt um liðna helgi: Afslöppun á föstudagskvöldið, kveðjupartý fyrir Auði á laugardagskvöldið, róleg og góð stemmning með kertaljós og jólasmákökur og svo sötraði fólk eitthvað með. Bærinn = 22 en lítið dansað meira sitið og spjallað og látið aulalega. Var eitthvað í loftinu! Sunnudagur: jólaþorpið í Hafnarfirði, keypt ein gjöf og 2 hekluð jólaskraut, strætó aftur í borgina og hreindýrasúpa í brauði og kaffibolli á eftir á Svarta Kaff. Kvöldinu lokið með Bollywood mynd, teppi og vatnsglas heima hjá Gyðu! :)

Nerd is the new cool...

...ég er svo mikill klaufi!! Skruppum í búð eftir miðnætti sökum hungurs, skelltum pytt i pannan í körfuna ásamt banönum og jólaglöggi, einhverju eðlilegu að drekka og vínberjum. Já ég var svo stabíl að langa ekki í nammið sem ég var búin að láta mig dreyma um í tvo daga og geri aðrir betur! Brunuðum heim hálf hungurmorða, skelltum pyttinum á pönnuna og kjömmsuðum á vínberjum á meðan. Pytturinn var kryddaður og svo mokað upp á disk en þá vobbosí það duttu nokkrir kartöflubitar á eldavélina. Sirrý kartöfluhetja ætlaði að bjarga þeim með sinni alkunnu snilld en fipaðist eitthvað og rak vesalings litla puttann í pönnuna og situr núna uppi með brunarönd og sviða. Ekki gaman en ætli ég lifi ekki af!!

Ef einhver þarna úti er mikill aðdáandi minn og langar að gefa mér eitthvað skemmtilegt í jólagjöf mæli ég með annað hvort Gargoyles season 1 eða DuckTales season 1 fyrir þá sem eru ekkert að hugsa um rosalega dýrt en smá samt! ;) Þeir sem vilja eyða aðeins meiru í mig en helling geta skellt sér á Thundercats season 1 - volume 1 eða 2!! Já ég er svona nostalgíukona og var svo langt leidd um daginn að langa meira að segja að glápa á My Little Pony...

...það meiga alveg fleiri kommenta eða skrifa eitthvað fallegt í gestabókina eins og hún Gúa gerði um daginn. Var að sjá það núna áðan og það er alveg búið að bjarga deginum! Takk elsku frænka og ég sakna ykkar líka alveg rosalega!! Á ég ekki bara að flytja til ykkar?? ;)

En að allt öðru. Afhverju fer sumt fólk í taugarnar á manni áður en m aður talar við það, eða eins og ég lenti í um daginn, sér framan í það? Hitti sem sagt stelpu um daginn, sá fyrst aftan á hana og ég hugsaði strax "vá hvað hún er örugglega óþolandi!!". Svo snéri hún sér við og byrjaði að tala og ég fékk kuldahroll niður eftir hryggnum. Hún hafði aldrei séð mig áður en var samt dónaleg við mig inni á mínu eigin heimili. Sagði við mig að tala um það sem ég var að tala við sambýling minn á mínum eigin tíma. Veit ekki betur en að þegar ég er heima hjá mér að tala við sambýling minn að ég sé að gera það á mínum eigin tíma! Allt hennar fas var fráhryndandi og leiðinlegt og meira að segja eftir að ég lokaði inn til þeirra og inn til mín heyrði ég pirrandi tröllahláturinn. Æj ég veit að það er ekki fallegt að gefa fólki ekki séns en stundum gefur fólk heldur ekki tækifæri á því. Þið skiljið er það ekki...

...fékk undarlegasta símtal sem ég hef fengið lengi í gær. Þátttakendur X sem hringdi og ég sem svaraði.

X: Halló Sirrý, þetta er X hérna.
Ég: (með æji nei ekki þú tóninum) já hæ.
X: Sko þannig er mál með vexti að ég og kærastan/barsmóðir mín erum hætt saman einu sinni enn en einhver stelpa hefur verið að senda henni nafnlaus sms af netinu og segja að ég væri í algjöru rugli og ætti 2ja ára gamalt barn með sér. Gæti það nokkuð verið þú?
Ég: HA? Nei, afhverju í ósköpunum?
X: Æ bara var að pæla hvort þú værir eitthvað reið við mig?
Ég: Nei, ég hef bara ekkert verið að hugsa um þig, bara verið hamingjusöm með mínum manni sem ég bý með.
X: Ok það er frábært! Fyrrverandi er alveg að fara yfirum og heldur að ég hafi verið að halda framhjá sér.
Ég: Hahahahaha mér finnst það nú eiginlega bara svolítið fyndið!
X: Já kannski svolítið gott á mig.
Ég: Já eiginlega.
X: Jæja farðu þá vel með þig.
Ég: Já já sömuleiðis.

Dudududududududu...

...vaknaði uppfull af húsmóðureldmóð í morgun eftir 13 tíma svefn. Var aðeins að bæta mér upp svefneleysið eftir Singstar-partýið því þá náði ég bara að sofa 3 og 1/2 tíma. Vakanði sem sagt klukkan 9 í morgun alveg staðráðin í að elda loksins þessar blessuðu kjötbollur, hvítkálið, kartöflurnar og steikja laukinn og bræða smjörið. Hófst handa rétt fyrir 11 við að sjóða kartöflurnar, þegar ég kíkti á þær næst hafði nákvæmlega ekkert gerst. Hellan var biluð svo þær syntu þarna um í ísköldu vatni litlu greyin. Mín var snör í snúningum og skellti pottinum á aðra hellu og allt í botn og eftir stutta stund var komin upp suða. Þá var farið að athuga með pott undir bollurnar og kálið og fattað að úbbosí við eigum engan stóran pott. Kartöflurnar fengu þá enn eitt ferðalagið og var þeim ásamt sjóðandi vatninu hennt í minni pott og undu þær sér ákaflega vel þar. Þá kom ennþá eitt vandamálið í ljós, fyrst fyrsta hellan sem ég reyndi að nota var biluð þá hafði ég bara 2 hellur til umráða þar sem mikill reykur gýs upp af 4. hellunni. Jæja þá upphófst mikil við eftir kartöflunum svo hægt væri að sjóða bollurnar á þessum tveimur hellum semeftir eru heilar. Óþolinmæðin gerði aðeins vart við sig og stressið yfir því að karlinn yrði alltof seinn í vinnuna kom upp. Ekkert við því að gera og hann settur í það verkefni að hringja sig inn aðeins of seinann. Loksins komust bollurnar og kálið í sitthvorn pottinn og fengu að dúsa þar dágóða stund eða um 10 mínútur samkvæmt ráðleggingum frá singstarpartýishaldaranum henni frænku minni og á meðan gerðist ég húsmóðir ala mamma og skrallaði allar kartöflurnar og það var ekki gaman. Ok allt gekk vel og þetta bullsauð allt saman þarna, var svo tilbúið og sigtað og geymt í smástund meðan laukurinn var svissaður og smjöri bætt við og búin til laukfeiti, það tók næstum engan tíma svo allt var ennþá heitt þegar þetta komst loksins á borðið. Karlinum líkaði vel og lagði af stað fullur af orku fyrir komandi vinnudag og verður innan við hálftíma of seinn. Það er líka smá afgangur sem er víst það sem allar góðar húsmæður vilja því þá er alveg á hreinu að allir fara saddir frá borðinu. Sit sem sagt hérna núna södd og sæl eftir þessa feitu máltíð, ætla að melta aðeins áður en leiðinlegri parturinn af húsmóðurvinnunni hefst. Uppvaskið!!! Mér rennur kalt vatn milli skinns og hörunda við tilhugsunina en þetta fylgir víst...

...eftir spennufall föstudagsins hélt ég á vit ævintýranna með Möddu í gær þar sem við skelltum okkur á Laugaveginn. Komið var við í Bónus og keyptir bananar, súkkulaði og eitthvað að drekka, þrammað niður í bæ og þaðan í Kolaportið, skoðað undarlegt drasl eins og gamlar Vikur sem fólk heldur að það geti prangað inn á saklausa vegfarendur og svo komið sér inn í hlýjuna á reyklausu kaffihúsi og sötrað heitt og gott te og kaffi. Þar var blaðrað þar til orðakvótinn var uppurinn og svo brunað í Hafnarfjörð að finna einhverjar tuskur á Magdalenu, svo var keyrt í einum grænum á Neshagann að fata mig upp og svo drifið sig til Gyðu eða Darcy eins og hún kallar sig á góðum dögum. Þar voru við samankomin nokkrir fræknir söngvarar til að spreyta okkur í Singstar og væta kverkarnar með léttum mjöð og hvítvíni. Stemmningin var rosaleg, allir sungu hástöfum hvort sem þeir höfðu míkrófóninn í hendinni eða ekki, margar pósur voru festar á filmu og fólk tróðst um hvert annað til að sjá á skjáinn sem olli miklum niðurhellingum og ófáir metrar af eldhúspappír fengu að fjúka. Það var hlegið, talað, öskrað, hoppað, skoppað, trallað og auðvitað gaulað og andköf tekin til að fá loft ofan í óþjálfuð lungun sem kölluðu á súrefni eftir lengstu syrpurnar. Niðurstaðan er að þetta var ákaflega skemmtilegt kvöld, þar sem allir voru vinir og allir voru með, stigin skiptu ekki máli heldur var það gleðin sem var ótvíræður sigurvegari...

...váááháááá hvað Serenity var góð mynd!!! Við Gyða skelltum okkur bara í bíó klukkan 17:45 og það var æði því við vorum ca 12 í salnum. Við stöllur vorum án efa mestu aðdáendurnir á staðnum og hlógum og klöppuðum, stundum, grétum og pískruðum. Spenningurinn áður en myndin byrjaði var þvílíkur að gæsahúð gerði vart við sig og augnkrókarnir vöknuðu aðeins. Þegar myndin kláraðist leið mér bæði vel og illa, vel því myndin var æðislega góð og skemmtileg og stóð fyllilega undir væntingunum sem ég hafði gert til hennar. Illa því núna er ég búin að sjá hana, spenningurinn liðinn hjá og smá tómleika tilfinning gerði vart við sig. Alla leiðina heim var ég svo með einhverja undarlega tilfinningu í hjartanu, var svo upprifin yfir myndinni og langaði og hlægja og gráta og tala við alla um hana, greina hana og bera saman við þættina. Bráðum get ég hellt úr skálum aðdáunirnar yfir alla því í kvöld verða held ég flestir sem ég þekki og hafa áhuga á þessari mynd búnir að sjá hana! :)

Svo er það bara Harry Potter, Narnia, Brothers Grimm og fleiri skemmtilegar ævintýra myndir sem bíða, get varla beðið...

...ííííí ég hlakka svo til að fara á Serenity í kvöld með Gyðu. Gunnar átti 2 miða á forsýninguna 2. nóv en ég sagði honum að bjóða einhverjum vini sínum með því ég var búin að lofa Gyðu að fara með henni og hún var einmitt að vinna þetta kvöld.

Hmmmm hvað er ég búin að gera undanfarið? Jú jú verslaði fyrir 12 þúsund í Bónus og engan óþarfa nema 2l sprite og einn flórídana handa mér því ég var svo þyrst, finnst þetta vera mikið afrek! :) Gerði ekkert síðustu helgi nema slappa af og auðvitað versla í Bónus hahaha, búin að ráða klikkað margar soduku þrautir, lesa smá, fara í 2 yndisleg böð með skúbbhanska og grænan andlitsmaska, leggja skrilljón spider kappla og nokkra venjulega og ekki má gleyma horfa á alla fyrstu þáttaröðina af Veronica Mars. Vá ví hvað ég hlakka til að sjá þáttaröð númer 2, er bara að deyja úr spenningi!! Hver er það eiginlega sem kemur til hennar í lokin á síðasta þættinum? Ég er að klikkast úr forvitni og það er bara búið að sýna 7 eða 8 þætti í USA svo ég verð að bíða eitthvað eftir að Bjössi geti keypt næsta dvd sett! ;)

Er búin að vera vakandi síðan klukkan 7 í morgun og vera ótrúlega reykvísk og lesa blöðin eldsnemma. Setti reyndar líka í þvottavél sem er svo sem ekki frásögufærandi. Æj nenni ekki að reyna að muna meira...

...vátsí hvað ég er búin að vera dugleg í dag! Eftir að hafa hjálpað Bjössa að þrífa eldhúsið eftir japönsku-partýið ákvað ég að demba mér í þirf og endurskipulaggningu á herberginu okkar. Núna er allt orðið skínandi nema gólfið, ætla að skúra það seinna þegar við tökum öll gólfin í íbúðinni í gegn, þvottavél númer 2 er í gangi og ég búin að fara í yndislegt freyðibað með grænan maska framan í mér og slappa vel af. Fattaði ekki fyrr en ég var komin á bólakaf ofan í baðkarið að athuga hvort það væri til gúrka á augun og að ég hafði gleymt skrúbbhönskunum mínum. Finnst reyndar ógeðslega vond lykt af gúrku en hef heyrt að hún geri í alvörunni undraverk fyrir augnsvæðið. Verð bara að munda eftir henni næst! :) Sit núna á hreina rúminu, í hreinum náttfötum og öll mjúk eftir barnaolíuna sem ég bar á mig og hlusta og gamla rómantíska tónlist sem Bjössi er að spila. Gerist ekki betra fyrr en Gunnar kemur heim í kvöld...

...æðisleg helgi að baki. Rosalega góður kjúlli og félagsskapur hjá Finni á föstudagskvöldið *slurp*, smakkaði líka martini í fyrsta skipti og nammi nammi namm!! Við Madda og Finnur sulluðum sem sagt í bjór, rósavíni, hvítvíni og martini og skelltum okkur svo á Ölstofuna og sátum þar til lokunar. Svo fékk hún Madda að gista hjá okkur svo hún þyrfti ekki að punga út ca 2500 kalli í taxa.

Á laugardaginn vaknaði ég við eitthvað blaður, þá var eitthvað crazy fólk komið til Bjössa til að undirbúa sushi partýið sem hann var með fyrir japönskubekkinn sinn. Ég hennti mér í íþróttabuxur og settist fram og skipti mér af og borðaði japanska snakkið sem var ákaflega gott-vont! Svo var kominn tími á að henda hálfri búslóðinni í tösku og strætóast til Gyðu og undirbúa sig fyrir halloween-partýið. Við vorum dætur djöfulsins í öllu rauðu með horn og hárið allt túperað í breiðan hanakamb. Það var hrikalega gaman í partýinu og ég flissaði eins og 13 ára hálft kvöldið. Stuðið var svo mikið þegar við fórum í bæinn að við hættum við að skipta um föt og mættum á 22 með hornin og det hele. Fengum mikla athygli út á þetta og virkuðum örugglega mjög undarlegar í augum margra. Ég var með mikinn púka í mér þetta kvöld og hegðaði mér eftir því, dillandi rassinum í "næstum ekki" pilsinu eins og ég kýs að kalla það. Var líka úti til lokunar þetta kvöld enda var ég svo þreytt í gær að ég var ekki í sambandi, hafði enda matarlyst og leið eins og væri með sand í augunum. Dagurinn fór líka allur í mók og góða drauma...

...hann Gunnar er svo mikið yndi, :* hann gaf mér risastóra sudoku-bók þegar hann kom heim úr vinnunni í kvöld! :) Heilar 412 þrautir sem byrja mjög léttar og enda svo í allskonar útfærlsum. Er búin að ráða yfir 60 þrautir í kvöld enda voru þessar fyrstu alveg voðalega léttar, gat bara ekki hugsað mér að skilja þær eftir.

Alveg fullbókuð helgi hjá mér, ætla að leika við Gyðu seinnipartinn á morgun og brainstorma um búninga fyrir halloween-partýið. Eftir það skunda ég til Finns í matarboð þar sem ég ætla að borða vel og vera skemmtileg! :) Svo er örugglega nóg að gera á laugardaginn við að fínpússa búninginn og svo auðvitað partýið sjálft og jíííí hvað ég hlakka til! :) Kvíði reyndar svolítið fyrir, sumir verða örugglega í ógeðslega flottum búningum en ég verð bara þannig næst þegar ég á fullt á peningum og hef mikinn tíma - sem sagt aldrei!! :/

Úbbósí ísinn minn er alveg að verða að einni soppu svo ég verð að borða...mmmmm bónus-vanilluís...

...ég er eiginlega ennþá lasin og orðin frekar leið á þessu. Kvefið er mikið og er byrjuð að hósta, Gunnar er farin að kalla mig Snörlu sem ég er ekki alveg sátt við! Var auðvitað bara heima um helgina og hafði það eins gott og hægt var, spjallaði við mömmu í símann því kerlan átti afmæli á laugardaginn og horfði svo á Veronica Mars á dvd. Gunnar og Bjössi fóru í Halloween-partý en voru báðir stilltir strákar og komu snemma heim og elduðu sér pasta! :)

Gerist auðvitað ekki mikið þegar maður fer ekki út úr húsi, fór samt í mat til tengdó í gærkvöldi og fyllti mallann af kjúlla og meðlæti *slurp*, kom svo heim og fór að sofa klukkan 22.´

Vá hvað þetta er óáhugavert blogg...

...ligg hérna heima og hef það skítt, er auðvitað orðin lasin einu sinni enn og allt Bjössa að kenna sem smitaði mig. Var allt í fína í gær og svo í dag bara sárlasin með vont bragð í munninum. Svaf líka alveg hörmulega, alltaf að vakna og það við hluti sem ég er vön að sofa eins og steinn yfir eins og ruslabílnum. Var alveg að klikkast í morgun á hávaðanum í honum!! Skrapp samt í elskuðu Melabúðina mína áðan dúðuð í ullarbuxur og ullarpeysu og allan pakkann og keypti mér að drekka, borða og sterkan brjóstsykur. Hitti Binnu gömlu bekkjarsystur mína þar og spjallaði auðvitað við hana sem var bara gaman, hef ekki séð hana geðveikt lengi. Hef svo bara legið í rúminu og horft á dvd, var að enda við að klára Escaflowne - the movie sem var ekki nærri því eins góð og þættirnir en ágæt samt. Held ég hefði samt ekki lagt í hana ef ég væri ekki búin að glápa á alla þættina, vantaði mikið útskýringar og persónusköpunin ekki alveg nógu góð.

Skrapp í partý til Everts á laugardaginn með Gyðu og Klemensi og svo komu Madda, Dana og Sverrir þangað. Ég skemmti mér ofboðslega vel og dansaði eins og brjáluð manneskja á 22, var eitthvað svo akkúrat eftir partýið að það var ekki einu sinni splæst í bjór á barnum heldur bara fengið sér vatnsglas. Er að verða svo þroskuð hahahahaha!! ;) Strunsaði svo alveg á milljón heim og er ekki frá því að smá beinhinmubólga hafi látið á sér kræla eftir það. Gunnar hefur ekki roð í mig þegar ég tek strunsið, rassinn inn, brjósin út, hakan upp, af stað og svo sést bara reykur!

Svo er bara að fara að finna búning fyrir hrekkjavökupartýið sem ég held að verði 5. nóvember. Ég hlakka voðalega mikið til en ég er alveg voðalega slæm að finna búning, er svo hugmyndasnauð. Reyndar hefur Gyða verið dugleg að koma með hugmyndir en ef þið sem lesið hafið einhverjar skemmtilegar hugmyndir sem er ekkert svo erfitt eða dýrt að framkvæma látið mig þá endilega vita! :)

Ætla að fara að fá mér blóðmör, það hlýtur að vera rosalega hollt þegar maður er lasinn, allt þetta járn og svona...

...fór á Flightplan á laugardaginn í Háskólabíó. Myndin var nokkuð góð en öðruvísi en ég hafði búist við. Salurinn var hrein hörmung, ekki tjaldið sjálft eða hljóðið kannski en sætin - jesús minn almáttugur!! Þau eru lítil og þröng, ég var að kremjast á milli Hildar Jónu og Örnu og ekki eru þær nú stærstu konur í heimi og ég sem næ ekki alveg að slefa í 165 cm ( er 163,7) var með hnén alveg í sætinu fyrir framan mig og svo eru engin statíf fyrir glös eða flöskur sem er undarlegt því það mundi nú aldeilis vera gott fyrir nemendur á fyrirlestrum að geta geymt vatnsflöskuna eða kókið þar. Hneyksl og meira hneyksl og mig langar aldrei aftur að fara í stóra salinn í Háskólabíói! Aldrei!! ALDREIIII!!!!

Átakið byrjar vel með harðsperrum og fylgikvillum og hádegisferð á KFC í dag *roðn*! Var búin að vera að deyja úr löngun í KFC síðan um helgina og Gunnar bauð mér í hádeginu. Þvílíkt hvað hugurinn gabbar mann aftur og aftur í að kaupa svona skyndibitaruslcrap, í minningunni er þetta alltaf svo gott en þegar maður byrjar að gæða sér á þessu er þetta ekkert eins gott. Maður verður of saddur en ekki "gott" saddur eins og af hollum mat, heldur þungur og asnalegur. Svo fær maður klígju og velgju og vonda samvisku yfir hvað þetta er dýrt. Æji þið þekkið þetta sennilega flest öll!

Ætla í ræktina á morgun en ekki á skyndibitastað svo mikið er víst. Stefnan sett á hlaup og svo BodyBalance og hinn daginn ætla ég í BodyPump. Svo er bara að setjast niður og plana hina dagana en næsti laugardagur er sko upptekinn því þá ætla ég aftur í afró og verða sterk og stollt kona sem er ánægð með það sem hún hefur...

...ég hlýt að vera orðin gömul því ég vaknaði 2x í nótt til að pissa og glaðvaknaði svo klukkan 6:30. Ég sem píndi mig til að vaka til miðnættis í gær svo ég gæti sofið vel í nótt (vaknaði sko líka snemma í gær en ekki fyrr en að verða 9 samt!). Eftir að hafa ráðið krossgátur og spilað mini-golf í gemsanum var kominn tími á að ná í Fréttablaðið, fá sér seríós og senda Gyðu sms um að ég kæmi með henni í ræktina. Hún var að fara í afró-dans svo ég, sem þoli ekki eribik og þannig, skellti mér með en var samt með kvíðahnút í maganum yfir þessu og var næstum farin á brettið í staðinn. En sem betur fer píndi ég mig í tímann og váví hvað þetta var gaman, miklu grófari spor en í ógeðis eróbikinu og mikill hraði og sviti og trommur og allt bara. Ætla aftur næsta laugardag, skemmtilegt að brjóta brennsluna aðeins upp! :)

Vonir mínar rættust og ég er að fara í bíó og kaffihús með Hildi Jónu og Örnu í kvöld. Verð að viðurkenna að ég hlakka voðalega mikið til að hitta þær og komast að hvað er að gerast hjá þeim og drekka sweet sweet coffee!! :D

Er orðin voðalega þreytt og langar svo að leggja mig, bara svona pínu smá en held að það sé eiginlega alveg bannað. Nenni ekki að lenda í eins og á fimmtudaginn þegar ég rotaðist svo að hvorki ótal símtöl né Gunnar gátu vakið mig. Ég, sem aldrei þessu vant gat valið um tvennt til að eyða tímanum í gerði hvorugt en get huggað mig við að mig dreymdi amk skemmtilega! Hmmm var ég búin að skrifa þetta?? Æi man það ekki *hux*, sko ég sagði ykkur að ég væri orðin gömul...

...í dag var ég hetja og reif mig á lappir fyrir klukkan 9 og skellti mér í ræktina með frænku gömlu og púlaði í jógalates. Skellti mér svo á árskort og stefni á að mæta aftur á morgun en slappa af á sunnudag. Já ég finn að þetta er allt að koma!! :) Það varð reyndar svolítil auka líkamsrækt í labbformi hjá mér því við Gyða fórum í Kringluna eftir að hafa hesthúsað seríósi og léttmjólk, fylgdi svo Gyðu í vinnuna og ætlaði að labba niður á Hlemm. Var svo að tala í símann við Hildi Jónu og ákvað að labba aðeins lengra, skellti mér svo inn í bókabúð og aðra bókabúð og búbbs skiptimiðinn var útrunninn (hann gilti í ekki litla tæpa 2 tíma) svo ég var að labba alla leið á Neshagann. Það var reyndar voðalega hressandi svona í haustveðrinu og velklædd!! :)

Á morgun er stefnan sett á að hitta Hildi Jónu og kannski Örnu og gera eitthvað skemmtilegt eins og bíó og kaffihús. Vona bara að það verði eitthvað úr þessu því það er langt síðan ég hef hitt þær almennilega. Hmmm ætti kannski að ath hvað er í bíó bara svona til öryggis...

...heij Spider-man 2 var svo bara mjög skemmtileg, ég þurfti greinilega bara að koma mér í "horfa á eitthvað" stuðið! :) Það er allt leiðinlegt ef maður nennir ekki að gera það og það vitum við öll.

Á aðfaranótt sunnudags þann 11. október eignuðust besti vinur hans Gunnars og Stebba konan hans strák. Við brunuðum í gær að kíkja á gripinn og ji minn eini hvað hann er lítill og sætur, ekkert krumpaður eða rauður bara ofboðslega fallegur. Undarlegt að sjá þetta kríli sem er 14 merkur og vita að ég var miklu minni eða aðeins 11 merkur. Við eigum reyndar eftir að kaupa sængurgjöf handa honum og það er á dagskránni á næstunni og hef ég ákveðið að ég fái að ráða en Gunnar að borga!! ;) Góð skipti ekki satt??

Ég hef verið að spila mikið í GameBoy Advance tölvunni minni upp á síðkastið Gunnari til mikillar ánægju því þá getur hann sökt sér í World of Warcraft á meðan og ekkert tuð í kerlunni. Er orðin alveg húkt á leik sem heitir Super Mario World, svo húkt að ég bara verð að gera öll aukaborðin og finna auka útganga og allt þetta dótarí. Verst að ég er frekar léleg og virðist ekkert verða betri með æfingunni en jæja ég hef amk gaman að þessu þó mig langi stundum að grýta tölvunni í gólfið og það berist djöfulleg óhljóð frá mér.

Spurning hvort ég komist í ræktina í dag, hef verið allt of lengi á leiðinni að kaupa mér kort og þða virðist allt eitthvað "koma uppá" þegar ég ætla að skella mér af stað! ;) Held að þetta heiti leti á hreinni á íslensku en ég hugsa þó amk um að gera eitthvað ólíkt mörgum...

...er búin að horfa á hálfa Spider-man 2 og er ekki að nenna að klára hana en æla að pína mig til þess eftir þetta blogg. Hún er örugglega fín en byrjar mjög hægt og ég er eitthvað svo eirðarlaus að ég hef enga þolinmæði til að festa mig yfir henni. Var annars í mat úti á Nesi áðan eins og svo oft áður, vorum að hjálpa til við að borða afgangana frá því á sunnudaginn en þá var okkur boðið í hangikjöt og alles bara eins og á jólunum *slurp*. Í dag vorum við samt svo heppin að fá smá slátur með líka og váví hvað mér finnst blóðmör góð *nammi namm*, verð að kaupa mér blóðmör við tækifæri.

Annars svo sem ekkert að frétta frekar en venjulega nema jú ég mæli með myndinni Crash sem skartar fjölda þekktra leikara í aðalhlutverkum. Skellið ykkur á leiguna og takið þessa ef ykkur langar að sjá alvöru mynd, þið verðið ekki svikin!!!

En well, aftur í Spider-man...

...það hafa verið rólegir dagar hjá mér undanfarið, bara legið og lesið, spilað tölvuleiki og horft á teiknimyndir og sjónvarpsþætti. Ahhh þetta er lífið!! ;) Í gær var reyndar smá breyting á því okkur var boðið í mat út á Nes því Ásta Rún ofurskutla varð 17 ára, fengum dýrindis kjúklingabringur og með þeim og svo horfðum við á The Labyrinth með henni sem við gáfum henni reyndar í afmælisgjöf! :) Svo var kominn tími á að nýta miðana sem við áttum á Charlie and the Chocolatfactory og við brunuðum í Kringlubíó. Það voru örugglega ca 10 manns samtals á öllum myndum og við vorum bara tvö á Charlie. Mér fannst það frekar skrítin og svolítið óþæginleg tilfinning fyrst en svo var það bara kósý og þæginlegt!! :D Myndin var skemmtileg, amk leið tíminn nógu hratt en vá hvað hún var samt undarleg og hvað Willy Wonka er krípí *hrollur*.

Svo er það helgin, já helgin, helgin, helgin. Mig langar út á lífið enda fer ég ekkert svo rosalega oft undanfarið. Get farið í tvö partý og verð bara að sjá til í hvort ég fari eða hvort ég fari nokkuð nema upp í rúm! Sjáum til með þetta allt en ætla amk að þvo svona til öryggis...

...nóbbs ekki hætt að blogga, hef bara verið eitthvað andlaus upp á síðkastið. Samt gaman að einhver hafi spurt!! :D

Ok nú hef ég verið klukkuð tvisvar sinnum, þarf ég þá að segja 10 hluti um mig??? Móa og Binna eru svona ógurlega forvitnar um mig og mína hagi svo það er best að láta þetta eftir þeim! Ok hérna koma ógurlegheitin:

1. Ég bý í hálfgerðri kommúnu með 3 strákum, kærastanum og svo Boga og Bjössa.
2. Það býr vandræða dópistapakk fyrir neðan okkur svo við erum alltaf í hálfgerðri hassreyksvímu hérna uppi!
3. Ég er náttúrulega ljóshærð - allsstaðar!
4. Ég er háð sykri og borða oft fullt af nammi án þess að langa í það, er löngu komin með ógeð af öllu nammi!
5. Ég elska '80 teiknimyndir og ætla að kaupa Jem and the Holograms á dvd fljótlega og seinna Thundercats líka!
6. Sef alltaf með Rasmus bangsann minn hjá mér og tek hann í fangið ef mér líður illa. Pabbi keypti hann í Færeyjum þegar ég var ca 1.árs!
7. Ég sting rassinum undan sænginni þegar ég sef og prumpa fúlli lykt á Gunnar! :/ Er sennilega ómeðvitað að hefna mín þá!! :P
8. Fæ stundum fóbíu fyrir gsm-símum og get með engu móti svarað símtölum eða hringt, þá er ágætt að geta notað sms-tæknina!
9. Ég hata gúrku, það er vond lykt af henni og vont bragð og hún smitar bragðinu frá sér þannig að það er erfitt að týna hana í burtu og nei það er ekki bara vatnsbragð af henni - jakkidí jakk!
10. Á oft mjög erfitt með að taka ákvarðanir nema mér sé stillt upp við vegg, get verið heillengi úti í búð að reyna að velja skyrtegund!!!

Jæja þarna hafið þið það og ekkert meira klukk handa mér! Ætla að fara að koma mér vel fyrir og horfa á Thundercats sem Gunnar færði mér úr leigunni í Nexus...

...hérna sit ég og ét Willy Wonka súkkulaði og er að reyna að koma mér í bað. Er að fara í starfsmannapartý ca klukkan 19 og þá er víst best að vera búin að gella sig aldeilis upp. Þetta er kveðjupartý fyrir þá Ella og Véstein og ætlum við nokkur að hittast og fara svo út að borða á Fridays því við eigum öll 2000 kr gjafakort þar sem við fengum þegar við vorum besta stöðin í Júní. Svo er bara bjór og gaman og meiri bjór og meira gaman.

Fór að borða á Heitt og kalt í gær með Gyðu, Klemensi og Evert. Ég var ekkert voðalega heit fyrir þessum stað og hann gerði ekkert fyrir mig. Í fyrsta lagi er bara opið til klukkan 15 þarna, við komum samt klukkan 14 og þá var búið að loka heitu réttunum. Þau fengu sér þá súpubar og ég salatbar. Súpubarinn var hálf tómur, aðeins botnfylli eftir og salatbarinn var kaldur og ljótur, þá meina ég ísskápskaldur og ég var ekki alveg að fýla það. Æj veit ekki, er amk ekki spennt fyrir að fara þarna aftur en hver veit kannski gef ég þeim annan séns, hlýtur eitthvað að vera til ef maður kemur um leið og það opnar!!!

Var mjög fegin að Stebba stöðvarstjóri fann einhvern til að vinna í dag því annars væri ég að rölta heim úr vinnunni núna. Var ekki alveg að nenna að taka aukavakt en sagði að ég mundi gera það ef hún fyndi engan annan svo hún kæmist á Bifröst með honum Klemensi mínum. Guðjón er sem betur fer duglegur að vakna á morgnanna og skellti sér á eitt stykki vakt svo ég gat notið þess að vera í fríi! :)

En þetta gengur ekki, verð að fara að sjæna mig!! Það er komið að djammhelgi hjá mér og nú fær Gunnar að borga fyrir síðustu helgi íhíhíhíhíhíhí...

...auðvitað er margt og merkilegt búið að gerast síðan ég bloggaði síðast. Fór yfir helgi til Akureyrar og skellti mér í brúðkaup með Gunnari, vinur hans sem býr í Kanada var að gifta sig. Það var rosalega flott, fallegt og skemmtilegt þar og allir hæst ánægðir með allt saman held ég og vona! Svo er ég flutt inn til Gunnars á Neshagann, þar búum við í kommúnu með þeim Boga og Bjössa og allt gengur vel amk ennþá. Við Bjössi erum nú bara rétt að koma okkur fyrir og skipta okkur af hvernig hlutirnir eru gerðir hérna hahahahahaha.

Var að komast inn á netið í tölvunni minni í fyrsta skiptið hérna á Neshaganum, reyndi einhverntímann í vetur en ekkert gekk, svo bara ákvað mín að prófa sig betur áfram og breytti einhverju, ekki spurja mig hverju, og tjítjíng mín bara að vafra á veraldarvefnum. Svona er að taka bara mállin í sínar eigin hendur og ekkert vera að hlusta á einhverja stráka!!! ;) Annars rak ég Gunnar í tiltekt með mér áðan og lét hann taka til í skápunum svo við gætum komið dótinu okkar sameiginlega fyrir. Erum búin að gera það mesta af því sem við getum gert þangað til ég næ í dótið mitt upp á Skaga en váví hvað það er mikil breyting til hins betra hérna inni!! :D Svo eru þvottavélakaup á dagskránni á morgun og ætlar Klemens að vera mín stoð og stytta í þeim málum og er ég mjög feigin enda allt gott að fá annarra manna álit.

Best að fara að gera sig reddí í að horfa á Buffy, ætlum að klára þáttaröð 1 fyrir svefninn, verst að mig langar í eitthvað óhollt að narta í eins og venjulega!! Sjálfstjórnin lætur fara eitthvað lítið fyrir sér þessa dagan en sjáum til hvort hún komi fram í kvöld eins og þruma úr heiðskýra lofti...

...það eru örlög mín amk fram til mánaðarmóta að vakna alltaf í spreng og komast aldrei á klósettið fyrr en í minnsta lagi eftir 45 mín. Svaf á mínu græna eyra þar til rétt í þessu, lá í rúminu og lét fara vel um mig og hugsaði "já best að koma sér á fætur og pissa svolítið!!" Þá heyri ég baðherbergishurðinni skellt og skrúfað frá krananum og veit að mín bíða þau hræðilegu örlög að halda í mér í næstum klukkutíma!!! :/ Er stödd á Neshaganum og baðmanneskjan er hin bandaríska Keri sem er gift Adda meðleigjanda Gunnars, um mánaðarmótinm flytja þau og þá verður ekki lengur löng bið eftir klósettinu. Held reyndar að þetta bitni bara á mér því greyið stelpan hefur einstakan hæfileika til að fara í bað þegar ég er að vakna eða fara í vinnuna og þá skiptir ekki máli hvort það er klukkan 8, 11, 14 eða 16. Þetta er ótrúlegur andskoti...

...menningarnótt í gær og svaka stuð í Mávahlíðinni að venju. Reyndar fóru allir í bæinn með taxa nema við Gyða sem vorum ekki alveg reddí, áttum eftir að sjæna okkur smá, drekka rauðvín og syngja fullt í SingStar. Það var hroðalegt stuð á okkur og mig langaði bara ekkert að hætta að syngja, vorum að spreyta okkur í hard og náðum alveg viðunandi score-e sko!! ;) Svo var auðvitað rölt á 22 og dansað eins og vitlaus manneskja fram á rauða nótt. Gunnar kom svo þangað og eftir smá stund var rölt heim sökum hungurs, við pikkuðum Boga upp á leiðinni og svo var rölt heim og ýmis alvarleg málefni rædd! Ommeletta með pepperóní, ítölskum kryddjurtum, salti og pipar og brauðsneið með rauðu pestói klikkaði svo ekki áður en það var haldið í bólið. Gunnar er eggjameistarinn *slef*!!!

Sit núna og hangi í tölvunni því Gunnar þurfti að skreppa aðeins í vinnuna og leysa af í smá stund, ekki gaman fyrir hann!! Það var reyndar brotist inn í Nexus í nótt en þjófurinn náðist á hlaupum enda Nexus nánast við hliðina á lögreglustöðinni, klári þjófurinn sko! Ætla að fá mér smá ís og hafa það cozy, later...

...well, well, well þá er ég komin heim úr vinnunni og strax komin með tölvuna í fangið, varð að nýta mér tækifærið fyrst hún er loksins laus!! ;) Svo sem ekkert sérstakt að frétta, bara vinna, vinna, vinna og hangsa inni á milli. Skrapp í sund í dag með Gyðu svo enn eitt átakið er formlega byrjað. Ég hef sett mér markmið og þau skal ég standa við þó ég ætli ekkert að fara að útlista þau hérna strax! Svo er bara menningarnótt á laugardaginn og ég bara ekkert spennt, var það en er það ekki lengur og ekki spurja hversvegna því ég hef ekki hugmynd! Svo líður að fluttningum eina ferðina enn, er orðin frekar þreytt á þessum eilífa þeytingi og langar í heimili sem ég get búið í í mörg mörg ár eða þar til ferðavængirnir fara að blakkta á ný!!! Verð víst að skreppa upp á Skaga við tækifæri og ná í þessar geðveiku mubblur sem ég á þar og mikið hlakka ég nú til, get bara varla beðið *hóst hóst*! Ætla bara að leygja geymslu í vetur svo ég þurfi ekki alltaf að vera með búslóðina í fanginu, er orðin frekar þreytt í handleggjunum eftir rúmt ár af stanslausum fluttningum...

...kerlan komin aftur í borgina eftir heila viku í blíðunni fyrir austan. Skrapp og kíkti á framkvæmdirnar við Kárahnjúka og át ís á Egilsstöðum og túristaðist svolítið með foreldraparinu mínu. Var í góðu yfirlæti og borðaði kökur og góðan mat og fékk vöfflur hjá ömmu og svona þannig að það er ekki yfir neinu að kvarta. Hefði auðvitað verið gaman að vera rosalega hress og vera úti á lífinu en það var líka bara gott að vera bara heima með mömmu og pabba og slappa af! :)

Var boðið á forsýningu The Fantastic Four í gær og það var rosa gaman eins og alltaf þegar farið er í bíó. Mér fannst myndin skemmtileg og fyndin og hef ekki yfir neinu að kvarta en ég hef auðvitað aldrei lesið neitt um þetta svo ég hef heldur engan samanburð. Það var líka gaman að fara eitthvað aðeins út því ég hef varla farið út á meðal manna síðan uppskurðurinn var og hvað þá klætt mig upp svo ég gellaði mig pínu smá upp, ekkert mikið samt! ;) Það bíður nenfilega til morguns að gella sig almennilega upp því þá er mér boðið í kokteilpartý til SúperMöddu. Get ekki mætt eins og drusla þegar ég mæti í fyrsta skipti heim til hennar. Spurning hvernig maginn taki þessari heimsókn því síðast þegar ég ætlaði til hennar var daginn sem ég var lögð inn á spítalann!!! ;)

En núna er best að fara að koma sér betur fyrir því ég ætla að kíkja á Madagaskar, auglýsingin lofar góðu svo það er eins gott að myndin standi undir væntingum...

...þá er ég komin heim í fjörðinn fagra og einum botnlanga léttari. Ekkert nema gott um það að segja og vonast til að núna þurfi ég ekki að leggjast á spítala í bráð vegna magaverkja. Komin með alveg nóg af því í bili. Var reyndar svo hörð að vera búin að hafa illt í maganum í 2 vikur áður en ég dröslaðist til læknis sem sendi mig beint á bráðamóttökuna til frekari rannsókna. Ég var bara svo viss um að þetta yrði eins og í hin 2 skiptin og að verkirnir mundu hverfa um leið og ég færi til læknis. En hérna sit ég með 3 göt á maganum og hálf hokin en annars hress en ég verð að segja að þið eruð heppin að þurfa ekki að hitta mig á kvöldin þegar ég tek rosa verkjalyfin til að geta sofið vel. Jesús minn ég segji nú ekki annað, ég grenja og ræð ekkert við mig og sé ofsjónir og er bara alveg kolrugluð. Minnið mig á að verða aldrei dópisti!!!

Sé fram á að koma aftir í borgina á sunnudag og byrja vonandi að vinna um miðja næstu viku ef allt gengur vel. Átti að vera að vinna um versló en á núna eftir að liggja í sófanum og horfa á sjónvarpið. Veit ekki alveg hvort er betra?!?! Hefði nú alveg viljað fara í Þjórsárver en mér var greinilega ekki ætlað að fara neitt þessa helgi! Þá er bara að sjá til hvernig þetta fer að ári, hvað ætli geti farið úrskeiðis þá...

...var að koma af Batman Begins sem ég skemmti mér bara ágætlega á. Kvarta amk ekki yfir að vera boðið í bíó annað slagið! ;) Vorum líka í mat á Álftanesi sem er alltaf gaman, held við höfum ekki hitt liðið í 2 og hálfa viku svo það var alveg kominn tími á að sýna sig og sjá þau. :) Hef bara verið að slappa af í dag enda í fríi í dag og á morgun. Voðalega nice að eiga frí í miðri viku en þarf auðvitað í staðinn að vinna um helgina. Er svo sem sama um það en samt alveg típískt að vinna 3ju hverju helgi en lenda einmitt á að vinna þegar mér er boðið í brúðkaup. Er búin að fá 4 tíma í frí á laugardaginn frá 15 og þangað til ég á að klára svo ég komist í sturtu og geti gert mig sætari fyrir herlegheitin.

Hmmmm er í stuði fyrir meira gláp, spurning hvort Gunnar er ekki til í að horfa á eitthvað meira. Verð að fara að blikka hann...

...kærustuparið komið aftur í bæinn eftir stutta dvöl í sumarbústað. Það var bara snilld þar, grillað og drukkið og ég lagðist í bleyti í heitapottinum. Er hálf sveskjuleg núna en ákaflega mjúk eftir kísilinn í vatninu. Held að við Evert höfum verið í yfir 4 tíma í pottinum í dag á meðan Gunnar las og Klemens svaf. Það var líka sungið villt og galið í sing-star þar sem við Klemens fórum auðvitað á kostum með alla superstar taktana á hreinu, hangandi í loftbitum, standandi upp á borði og dansandi um allt. Svo var svolgrað aðeins meira hvítvín í sig um leið og það kom öndunarpása í laginu!! :) Verð að fara að kalla mig Sirrý Jones en ekki Jóns eftir hroðalegar Tom Jones syrpur, var alveg að massa It's not unusual to be loved by anyone enda með englarödd!! ;) Svo skelltum við Klemens okkur á ball með Geirmundi í Úthlíð og dönsuðum og trölluðum þangað til það var búið. Reyndar kunna þessir sveitavargar ekkert að halda böll, allt geimið bara búið um 3-leitið!!! Ég skellti mér upp á svið að spjalla við Geirmund og kvarta yfir þessu og hann sagði mér að hann mætti ekki spila lengur því þeir sem ráða vildu það ekki svo ég spjallaði aðeins við dyraverðina en ekkert gekk og ég varð að fara heim og halda áfram í sing-star! :)

Takk takk takk fyrir frábæra helgi krakkar, þetta var æðislegt og ég vill fara eitthvað saman aftur næsta sumar eða jafnvel bara í haust. Rosalega gott að komast aðeins úr borginni þó það væru bara 2 dagar...

...mér leiðist, ligg uppi í rúmi og skoða leiðinlegar síður á netinu *bleehhh*. Er lasin, langaði samt að vinna en betra að vera heima einn dag en verða meira veik og þurfa að hanga heima í kannski viku. Finnst þetta samt skammarlegt en svona er þetta víst bara. Hef samt verið lítið lasin undanfarið sem betur fer, hef greinilega ákveðið að taka flest allar flensurnar í vetur enda var það hálf ömurlegur tími. Gunnar er veikur líka en varð að skreppa í vinnuna. Ég var ekki sátt því hann er hálf dauður greyið og hann var búinn að tilkynna veikindi. En þeir eru víst einhverjir þarna sem ráða ekki við að vera bara 2 að vinna eða eitthvað crap!! Akkúrat núna er það óskyljanlegt fyrir mig, er viss um að ef það væru 2 stelpur að vinna þætti það alveg nóf hvort sem það væri lítið eða mikið að gera. Æj fattiði hvað ég er að meina??? Var einu sinni í vinnu þar sem ég var skömmuð ef ég gerði ekki allt á mínútunni og samt var þetta oft á tíðum mikil vinna og erfið líkamlega. Strákurinn sem var á undan mér í starfinu var aldrei skammaður þó hann væri latari og seinna til verka en ég og sterkari svo þetta ætti nú allt að vera léttara fyrir hann. Nei hann var svo duglegur því hann var strákur og "þetta var nú svo erfitt og ekki hægt að ætlast til að hann réði við þetta!" Fékk sem betur fer hrós fyrir dugnað frá þeim sem unnu nær mér, annars hefði ég örugglega farið að grenja af svekkesli!!!

Planið er að skreppa í sumarbústað um helgina nema Klemens sé búinn að skipta um skoðun. Verður gaman að skella sér aðeins úr bænum og anda að sér fersku sveitaloftinu. Svo er líka heitur pottur þarna og spáð góðu veðri á laugardaginn svo bikiníið verður að vera með í för svo að kroppurinn fái að drekka í sig nokkra sólargeisla. Má samt ekki gleyma að þetta gerist bara ef ég verð frísk, fer ekki að hoppa um á bikiní ef ég verð ennþá slöpp það er víst alveg bannað!!

Svo er brúðkaup þar næstu helgi og ég er ekkert smá spennt. Ég hlakka svo til að það er ekkert eðlilegt. Þetta er samt vinnuhelgi hjá mér en ég er búin að biðja um eitthvað frí. Verð td "bara frá 7:00 - 15:00 á laugardeginum og fæ þess vegna 4 klst í frí. Brúðkaupið byrjar kl 18 þannig að ég hef tíma til að taka mig til og koma mér upp í Mosó. Á svo að byrja að vinna kl 8:30 á laugardagsmorguninn en er að reyna að taka skiptivakt eða ef einhver vill leysa mig af í nokkra tíma og eiga það inni hjá mér. Vona að það takist svo ég þurfi ekki að fara geðveikt snemma heim!!! Það væri ekkert voðalega töff...

...ég planaði rólega helgi eins og svo oft áður og tókst loksins að fylgja planinu eftir. Video með Gyðu á föstudaginn og afmæli hjá Jónda klukkan 14 í gær og svo sotið og spjallað við Dönu, Sverri og Kristjón til klukkan 3 í nótt. Vá hvað það var notalegt og skemmtilegt og ég fann hvað ég hafði saknað þeirra mikið enda orðið alltof langt síðan ég átti leið í Hafnarfjörðinn síðast! Dana klikkaði heldur ekki á bakkelsinu, það voru heitir réttir, púðursykursterta ala amma hennar, alvöru nammiskúffukaka með geðveikt góðu kremi, hrískaka og pönnukökur - nammi namm - og ég borðaði á mig gat enda er maginn eitthvað slappur í dag.

Gunnar er að vinna í dag svo ég er bara heima hjá honum að hanga, nennti ekki heim til mín áðan. Á sjálf nefnilega frí í dag og á morgun og svo tekur alvaran aftur við en er svo heppin að eiga aftur 3ja daga frí um næstu helgi!! :) Þá skelli ég mér nú kannski bara í sumarbústað og hef það gott með Klemensi mínum og sennilega einhverjum fleiri útvöldum.

Ætla að fara að klára Belladonnaskjalið...

...aaahhhh komin í frí í fjóra daga!! :) Það er auðvitað voðalega gaman en þá eru auðvitað margir af þeim sem ég þekki að vinna helgarvaktir sem er bömmer. Á þriðjudaginn gerist ég svo sérlegur vaktstjóri á Select við Birkimel og verð þá afleysingar-Gummi. Verð að redda mér derhúfu til að reyna að blekkja viðskiptavinina almennilega!! Annars held ég að ég hafi gert minna af skemmtilegum hlutum nýlega en vanalega því ég er alltaf svo þreytt og stundum geðfúl eftir vinnuna, er ennþá að venjast þessu en finn að þetta er allt að koma. Mér er reyndar boðið í afmæli til Jónda krúsí í Hafnarfirði á laugardaginn og brúðkaup þann 9. júlí minnir mig og svo má ekki gleyma að ég eignaðist lítinn frænda í síðustu viku. Skilst að hann sverji sig í ættina og sé mjög myndarlegur maður!! :) Verð að kíkja á hann við tækifæri en ekki alveg strax, best að leyfa litlu fjölskyldunni að aðlagast hvort öðru fyrst...

...alltaf jafn gaman að fara á djammið! Mig langaði ekkert að fara en við Gunnar byrjuðum á að grilla heima hjá okkur Klemensi með Gyðu og auðvitað Klemensi. Svo tengdi ég Playstation í flýti svo við Gyða gætum prófa og nauðgað syngstar í kvelli og svo var sturtað sig og drukkið og voðagaman með smá aukafólki. Allt í einu var bara komminn tími á bæinn og ég orðin kennd þannig að helmingurinn tók taxa en við hin (ég, Gunnar og Gyða) löbbuðum í bæinn. Dansi dansi dans og svo heim því ég á að fara að vinna klukkan hálf 12 og Gunnar klukkan tólf svo það er nóg að gerast!!!

Vúbbó sí, bannað að gleyma pissusögunni góðu. Ég þurfti geðveikt að pissa og við vorum komin í hliðargötu af Lækjargötunni svo ég ákvað að bregða mér inni í næsta port sem ég fann. Það vildi þá ekki betur til en svo að þegar ég hafði vippað niður um mig buxunum og öllu heila klabbinu þá heyrði ég eitthvað bank, en þá fattaði ég að ég var einmitt beint fyrir framan mjög svo dulinn bakglugga. Gunnar var svo mikill séntilmaður að hann stökk til að skýla mér fyrir augngotum svangra samferðadjammara okkar. Ég gat þá komið mér í burtu og klárað mig af, sem var betra en hinn kosturinn sem hefði þá verið að pissa í buxurnar!! Sem betur fer fannst mér þetta meira fyndið en vandræðalegt þó að smá roði hafði komið í kinnarnar við tilhugsunina um ókunnugt fólk að fylgjast með mér á ´"klósettinu"!!!

En jæja þá, á morgun er amk plönuð afslöppun með bíó eða niðurhöluðum bíómyndum. Hahahahahahaha fyndið þetta "að niðurhala", ég hugsa alltaf um fólk að kúka!! :D Ok kannski crazy en er samt örugglega samt ekki sú eina um þetta *hux hux*!! En ok best að byrja á því að sofna, svo vinna og svo hugsum við hvort eitthvað af þessum bíómyndum eiga eftir að gera sig! Á líka að vinna hálf 12 til fimm á sunnudag og einhverja tólf tíma á mánudag en skilst að sennilega fái ég frí að þriðjudag. Hver veit hvaða villtu hluti ég á eftir að framkvæma þann dag, úúúúúúúú spennó...

...ég er eins og lítið barn, ef ég verð svöng þá verð ég ógðeslega pirruð og allt verður ómögulegt. Varð þannig í dag, vaknaði um 2-leytið og eftir smá stund fékk ég geðveikt illt í magann og garnagaul og ég var ekki í rónni fyrr en ég komst heim og gat borðað matinn minn. En þá var maginn orðinn svo svangur að ég kom varla matnum niður. Núna er ég bara geðveikt þreytt og geðfúl eitthvað og allt ómögulegt. Er að hugsa um að fara til læknis og láta athuga í mér blóðið, er alltaf þreytt og pirruð þess vegna og mér finnst það bara ekkert gaman enda bitnar það mikið á sjálfri mér en mest á þeim sem mér þykir vænst um! :( Þannig á það alls ekki að vera og mér þykir það svo leiðinlegt að ég fæ næstum tár í augun við tilhugsunina. Langar að leggja mig núna og sofa þangað til ég á að mæta í vinnuna klukkan 11:30 á morgun en er víst skildug að borða eitthvað kjöt og hafa það nice enda er það víst ekki gott fyrir sálarlífið að sofa meira en 9 klst á sólarhring. Oj er alveg að lognast útaf svo ég verð að leggja tölvuna frá mér, hlýt að meiga dorma á meðan það er verið að grilla...

...þá er ég flutt fyrir 2 vikum og ég veit ekki betur en að sambúðin gangi bara vel svona fyrir utan smá leiðindi en það er allt í keijinu. Kerlan er líka búin að fá vinnu og frá morgundeginum verð ég stollt Select-starfskona og jesús hvað ég hlakka til að hafa smá innkomu, það er þungu fargi af mér létt. Ekki fleiri nætur þar sem ég vakna til að pissa og get ekki sofnað aftur því ég hugsa svo mikið og peningamálin og hversu hræðileg þau eru. Gott að allt er á réttri leið núna! :) Næsta stress er svo að finna samastað fyrir haustið en það hlýtur að reddast líka, bara að vera bjartsýn og ekki gefast upp og þá hlýtur þetta allt að koma. Þessi Pollýönnu leikur virkar víst voðalega vel segja sérfræðingarnir. En núna er karlinn að reka á eftir mér, er að steikja handa mér kjöt, rosalega duglegur alltaf þessi elska...

...þá er kerlan bara alveg að fara að flytja, er bara að bíða eftir að Gunnar komi til að bera og keyra! :) Er reyndar ekki alveg búin að pakka en á bara svona smotterí eftir, henda afgangs drasli í poka og þess háttar, bara allt að smella. Svo ég verð stolltur íbúi Hlíðanna í sumar, búsett í Mávahlíð 14. En blehhh best að reyna að halda áfram að gera eitthvað í þessari niðurpökkun svo allt verði tilbúið þegar Gunnar rennir í hlað á gráu eldingunni!

Í sumar verð ég ekki með internet svo ég verð að vera dugleg að misnota Hive-tenginguna hjá Gunnari & Co. Verð að reyna að tengja mína tölvu við netið þeirra, gátum það ekki um daginn. Þá ætti ég að geta hangsað eitthvað smá á netinu meðan Gunnar er að spila World of Warcraft á milljón. Æ ljúfa líf, sumarið er að leggjast eitthvað svo vel í mig þó að ég sé ekki ennþá komin með vinnu. Var að sækja um slatta í gær og eitt starf í dag svo þetta hlýtur bara að fara að koma. Kerlan er líka skítblönk og óskar eftir stuðningi og styrkjum frá öllum, hafiði bara samband ég tek við hvaða fjárhæð sem er...

...oj hvað ég nenni ekki að pakka niður þessu litla drasli sem ég er með hérna. Nenni ekki að flytja einu sinni enn, bara til þess að flytja aftur í haust - ojbarasta og ullapæ!! Svo verð ég enga stund að pakka þegar ég bara byrja, þannig er það alltaf. Svo er ég líka með einhverja sýkingu í hægra auganu og það er ógeðslega óþægilegt svo ég tali nú ekki um hvað það er ljótt! :( Vona bara að þetta sé ekkert alvarlegt, langar ekki að þurfa að fara í aðgerð eins og Gummi þurfti að fara í hérna um árið *hrollur* því það er alls ekki skemmtileg tilhugsun að láta spenna upp á sér augað og eitthvað meira ógeðslegt!! :S Það er meira að segja vont að blikka og það er eitthvað sem er víst ekki hægt að hætta að gera!! *Grát grát*

Svo er málið að vera voðalega stillt um helgina því ég er búin að lofa að hjálpa Gerðu (mömmu Gunnars) á sunnudaginn þegar hún heldur upp á afmælið sitt. Ætli bíó og notaleg heit séu þá ekki bara málið og svo verð ég ein heima fyrstu helgina sem ég bý með Klemensi þannig að ég gæti gert fullt af skandölum ef ég bara nennti íhíhíhíhíhíhíhí! :P En nei verð að vera góður leigjandi svo mér verði ekki bara hennt út strax, nenni ekki að búa á Hlemmi í sumar þó að það sé verið að laga hann...

...alltaf suðið, hehehehe smá innsláttarvilla ákvað að láta hana kjurra því hún passar alveg líka sko hehehehehe!! ;) En ok alltaf sama stuðið hérna megin, er samt ekki full ef fólk skyldi fara að halda það þegar það sér að færslan er gerð klukkan korter í fjögur aðfaranótt laugardags. Var bara í mestu makindum að horfa á video með karlinum þegar hann var ræstur út í að skutla einhverjum bölvuðu pakki!!! Taka það til sín sem eiga það!! Íhíhíhíhí ;) Skuldaði víst greiða svo ég er bara að dúlla mér í svona hálftíma í viðbót, bara netið og gaman!

Hitti Ingu Hrefnu Vestmannaeyjarfara aðeins í dag, ég var ræst út í síðbúin hádegismat og við skelltum okkur á Vegamót. Ég skoðaði matseðilinn vandlega og ákvað að panta kalkúna- og pastasalat. Þegar ég fékk diskinn var hann alveg troðfullur af girnilegu dótarí en ekkert pasta og ég hélt að ég hefði bara farið línuvillt á matseðlinum og bara borðaði matinn minn sæl og ánægð. Svo þegar við vorum að borga sagði afgreiðslumaðurinn "...já og þú varst þá með kalkúna- og pastasalatið?" Ég játti því en tilkynnti um forföll pastasins. Hann varð steinhissa en var búinn að renna kortinu mínu svo hann segjist ætla að muna eftir mér og ég fái eitthvað gott næst þegar ég kem. Eins gott að fara fljótlega aftur svo hann muni hugsanlega eftir mér. Ekki sniðugt að koma eftir tvö ár "ég var hérna í lok maí 2005 og fékk pastasalat með engu pasta og núna vill ég fá það bætt!!!" Hahahaha gaman að þessu, vona bara að hann eigi eftir að muna eftir mér!!!

Skrapp aðeins í Kringuna með Ingu og ætlaði að strætóast heim þaðan eftir að hafa kíkt í 3 búðir sem betur fer var ekkert skemmtilegt til í þeim. Ákvað þá að taka 6-una í vitlausa átt og rúntaði með henni út á Seltjarnarnes og til baka og ætlaði að fara að skipta yfir í 5-una til að fá aðeins lengri rúnt en þá hringdi Gunnar og tilkynnti snemmlokinn vinnudag þannig að ég fór bara til hans og svo út á Álftanes í grillmat *nammi nammi namm*. Alltaf er ég að græða!!! :D

Er ég samt alveg hrikalega crazy að finnast fínt að nota strætó nema þegar þarf að skipta mikið?? Langað svo ekki heim áðan og það er svo notalegt að sitja í sólvermdum, hálf tómum strætó og láta hugann reika. Sem betur fer eru ekki allir eins því þá væru ekki svona fáir í strætó...

...lalíla, Júróvísjón var æðislega skemmtilegt, trallað og klappað og hlegið og allur pakkinn bara og svo í bæinn þar sem ég og Gyða fengum að heyra að við værum fallegt par og ættum bara að vera kærustupar!! Hinir krakkarnir grilluðu en ég sparaði mér það með því að mæta í útskriftarveislu til Atla fyrst og fá alveg dýrindis kökur og brauðrétti *jömmers* og borða nett yfir mig og liggja á meltunni fyrstua klukkutímann í júrópartýinu!!! :D

Svo er bara búin að vera áframhaldandi slappleiki en ekkert alvarlegt, bara túrbókvef og smá svimi þannig að ég hef haldið mig mest innandyra. Sem betur fer birðist góða veðrið sem ég hef séð út um gluggann hjá mér bara hafa verið gott út um gluggann, sem sagt mjög gott gluggaveður og notalega heitt inni í herberginu mínu, ohhhhh nice! :)

Ætlaði að hitta Heiðu áðan en svaf yfir mig. :( Dreymdi nefnilega svo hroðalega illa í nótt, aftur og aftur og aftur, var nýbúin að vekja sjálfa mig af einum slæmum þegar annar tók við. Alveg hræðilegt, dreymdi draugadraum og byssudraum og rifrildisdraum og ég veit ekki hvað og hvað!!! Alveg ömurlegt og ég var alveg skíthrædd eftir draugadrauminn og þorði ekki að liggja alveg ein undir sænginni minn svo ég varð að stela smá af Gunna sæng, *roðn* algjör tepra greinilega!

En ætla að fara að laga mig til, alveg kominn tími á að skreppa eitthvað smá út. Klemens er búinn að bjóða upp á félagsskap sinn og ég ætla að þyggja hann...

...nú man ég hvað ég ætlaði að skrifa í fyrradag, ég fór á Nexus-forsýningu á Star Wars III á þriðjudaginn og það var alls ekki leiðinlegt. Við Gunnar mættum fyrr til að merkja sætin, ég átti reyndar ekki að gera neitt en lukkan snéri anditinu að mér og ég fékk að merkja þrjár sætaraðir í staðin fyrir að sitja og lesa. Best að segja svo ekkert um fólkið sem maður mætti þarna svo ég móðgi enga með óviðeigandi athugasemdum um "svona" fólk!! ;) Hahahahaha. Bjarki Borgþórs og Heimir Óskars voru svo í dyrunum að leita á æstum aðdáendum svo engir væru með myndavélar og eitthvað crap, ég er svo sakleysisleg að það var bara djók-leitað utan á töskunni minni. Held samt að Bjarki hafi verið smá hissa þe